Jeremías 31:37 - CHUYA QELLQA La Biblia en Quechua de Ayacucho 2012

³⁷ Sichum cielokunata tupuruptinkuqa, kay pachatapas cimientonkama hayparuptinkuqa, chay punchawmi Israelpa mirayninkunatapas tukuy ima ruwasqankumanta qepanchakurusaq. Ñoqa Tayta Diosmi chaynata nini.

Quechua Ayacucho Bible 1987

³⁷ Ñoqa Tayta Diosmá nini: Sichu cielokunata tupuruptinkuqa, kay pachatapas cimientonkama aspiruptinkuqa Israelpa mirayninkunatapas qepanchakuruymanmi. Tukuy rurasqankumantaqa qepanchakuruymanmi. Ñoqa Tayta Diosmi chaynata nini.

Chuya Qellqa 1992

³⁷ Sichum cielokunata tupuruptinkuqa, kay pachatapas cimientonkama hayparuptinkuqa, chay punchawmi Israelpa mirayninkunatapas tukuy ima ruwasqankumanta qepanchakurusaq. Ñoqa Tayta Diosmi chaynata nini.

Jeremías 31:37 Iomraidhean Croise

Isaías 40:12

¿Pitaq lamarpi yakukunata putqoyninwan tupurqa? ¿Pitaq hanaq pachata cuartanwan tupurqa? ¿Pitaq kay pachapi ñutu allpata tupurqa? ¿Pitaq orqokunata romananwan pesarqa? ¿Pitaq moqokunata balanzanwan pesarqa?

Jeremías 33:22

Serviqniy Davidpa mirayninkunatawan Leviypa mirayninkunatam achkallataña mirachisaq, cielopi chaskakuna hina chaynataq lamar qochapa patanpi aqokuna hina manaña yupay atina kanankukama, nispa.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Proverbios 30:4

¿Pitaq hanaq pachaman qespiruspa uraykamurqa? ¿Pitaq wayrakunata makinwan putqorqa? ¿Pitaq yakukunata latapawan wisirqa? ¿Pitaq kay pachapa linderonkunata churarqa? ¿Yachaptikiqa imataq paypa sutin hinaspa churinpa sutin?

Jeremías 30:11

Ñoqa Tayta Diosmi nini: Qanwanmi kachkani salvanaypaq, preso kasqayki nacionkunatapas llapallantam purmarachisaq, qamtam ichaqa mana purmachisqaykichu, chaywanpas huchaykimantaqa castigasqaykipunim.

Isaías 65:9

Jacobpa churinkunatam mirachisaq, Judapa mirayninkunam orqoykunata hapikuykuspanku chaypi yachanqaku, akllakusqaykunam chay allpata chaskinqaku, serviqniykunam chaypi yachanqaku.

Jobwan Sutichasqa Libro 38:18

¿Yaqachu entiendenki mayna hatunmi kay pacha kasqanta? Sichum yachaspaykiqa kunanyá lliwta niykuway.

Isaías 54:9

Sinchita parachimusqay tiempopim Noeyman juraspay nirqani, kay pachata yakuwan manaña tuytuchinaypaq. Chaynatam kunanpas qanman jurayki, qampaqqa manañam huktawanqa piñakusaqñachu, nitaqmi qaqchasqaykiñachu.