Jeremías 31:34 - CHUYA QELLQA La Biblia en Quechua de Ayacucho 2012

³⁴ Ñoqa Tayta Diosmi kaynata nini: Ñoqata reqsiwanankupaqqa, ayllupurapas, reqsinakuqpurapas, manañam yachachinakunqakuñachu; aswanqa llapallankuñam warmakunapas chaynataq yuyayniyuqkunapas reqsiwanqaku. Mana allinkuna ruwasqankuta pampachaspaymi huchankutapas manaña mastaqa yuyarisaqñachu, nispa.

Quechua Ayacucho Bible 1987

³⁴ Ñoqa Tayta Diosmi nini: Ñoqata reqsiwanankupaqqa amistadpurapas nitaq ayllupurapas manañam yachachinakunqañachu. Llapallankuñam warmakunapas chaynataq yuyayniyoqkunapas reqsiwanqaku. Mana allin rurasqankuta pampachaspaymi huchankutaqa manaña yuyarisaqchu —nispa.

Chuya Qellqa 1992

³⁴ Ñoqa Tayta Diosmi kaynata nini: Ñoqata reqsiwanankupaqqa, ayllupurapas, reqsinakuqpurapas, manañam yachachinakunqakuñachu; aswanqa llapallankuñam warmakunapas chaynataq yuyayniyuqkunapas reqsiwanqaku. Mana allinkuna ruwasqankuta pampachaspaymi huchankutapas manaña mastaqa yuyarisaqñachu, nispa.

Jeremías 31:34 Iomraidhean Croise

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

Isaías 11:9

Sapaqchasqay lliw orqopiqa manañam pipas mana allintaqa ruwanqachu. Imaynam lamar qochata yaku pasaypaqta pampaykun, chaynam Tayta Diospa reqsichikuyninpas kay pachata pampaykunqa.

Isaías 29:24

Pantaypi kaqkunam yuyayniyuq kayta yachanqaku, runamasinpa qepanpi rimaqkunam yachachikuyta chaskinqaku, nispa.

Isaías 30:26

Hinaptinmi killapa achkiyninpas intipa achkiynin hinaraq kanqa, chaynataqmi intipas qanchis kuti mastaraq kancharinqa, imaynam qanchis punchawpi kanchayninta hina. Chaynam kanqa runankunapa isunta kikinpa isuchasqanta Tayta Dios wataspan hampisqan punchawpi.

Isaías 33:24

Sión llaqtapi yachaqkuna, manañam mayqannikichikpas ninkichikñachu: “Onqochkanim” nispaqa. Diosmi chaypi yachaqkunapa huchanta pampachanqa.

Isaías 33:6

Paymi allin kawsakuy qosuqnikiqa, paytaqmi yachaytawan yuyayniyuq kaytapas salvakunaykipaq qosunki; Tayta Diosta manchakuynikim ancha kapuqniyuq kaynikiqa.

Isaías 38:17

Llumpay llakiymi kusikuymanña tikrakurun, qamqa kuyawaspaykim wañuchiqniy pozomanta hurqoykuwarqanki, tukuy huchaykunatam pampachaykunki.

Isaías 43:25

Ñoqam ichaqa Diosniki kasqayrayku lliw mana kasukuynikikunata pampachayki, huchaykikunatapas manañam yuyasaqñachu.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 52:6

Chay punchawpim sutiyta llaqtay reqsinqa, kikiypunim rimasqayrayku chaypi tarikusaq.

Isaías 54:13

Churikikunatapas ñoqa Tayta Diosmi yachachisaq, paykunaqa hawkayaypim mana tukuyta kawsakunqaku.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Jeremías 33:8

Ñoqapa contraypi huchallikusqankutam chuyanchasaq, mana kasuwaspanku huchakuna ruwasqankutam pampachasaq.

Jeremías 50:20

Ñoqa Tayta Diosmi kaynata nini: Chay punchawkunapiqa, Israel nacionpa mana allin ruwasqankuta maskaspankupas manam tarinqakuñachu, Judá nacionpa huchankunata maskaspankupas manam tarinqakuñachu. Puchuchisqay runakunapa huchantam ñoqa pampachasaq, nispa.

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Oseas 2:20

Manaña rakinakunapaq casaraptiymi Dios kasqayta riqsiwanki.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Miqueas 7:19

Huktawanyá llakipayariykullawayku, hinaspayá huchallaykutapas pamparuy, lamar qocha ukunmanñayá wischuykuy.

Habacuc 2:14

Imaynam lamar qochata yaku pampaykuy, chaynam Tayta Diospa atiyninta reqsiq runakunapas kay pachata huntaykunqa.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Lucas 1:77

Hinaspam llaqtanman willamunki huchankumanta pampachasqa kaspa salvasqa kanankuta.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 17:6

Kay pachamanta qowasqayki runakunamanqa ñam willaniña pim kasqaykita. Paykunaqa qampam karqa chaymi qowarqanki, paykunaqa palabraykitam kasukunku.

Juan 6:45

Pro-fetakunapa qellqasqan libropim nichkan: “Diosmi yachachin llapallanta”, nispa. Chaynaqa, pipas Taytayta uyarispa paymanta yachaqkunaqa ñoqamanmi hamunqaku.

Hechos 10:43

Llapa profetakunapas Jesusmantam kaynata nirqaku: “Payman llapallan iñiqtaqa Diosmi huchanmanta pampachanqa”, nispanku.

2~Corintios 2:10

Pitapas pampachasqaykichiktaqa ñoqapas pampachanim, pitapas pampachaspayqa Cristopa qayllanpim qamkunarayku pampacharqani,

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Efesios 1:7

Diosmi kuyawaspanchik Churin Jesu-cristopa yawarninwan huchanchikkunata pampachaykuwaspanchik libra-warqanchik.

1~Tesalonicenses 4:9

Wawqe-panintin kuyanakuymanta qellqamunaykutaqa manañam nece-sitankichikñachu, Diosqa ñam yachachi-surqankichikña imaynam kuyanakunay-kichikmantaqa.

Hebreos 5:12

Qamkunaqa unayña iñisqaykichikrayku hukkunamanpas yachachinaykichikña kachkaptinmi, qallariyninpi Diosmanta yachachikuy kaqkunallataraq huktawan uyariyta munachkankichik. Qamkunaqa wawakuna hinam lechellamantaraq kachkankichik, manaraqmi yuyayniyuq runakunapa mikunantaqa mikuwaqchikchu.

Hebreos 8:11

Manañam pipas runamasinta nitaq wawqentapas yachachinqachu: “Señorta reqsiy” nispaqa. Warmakunapas, yuyayniyuqkunapas llapallankum reqsiwanqaku.

Hebreos 8:12

Ñoqaqa mana allin ruwasqankutam pampachasaq, huchankutapas manañam yuyarisaqñachu, nispa.

1~Juan 2:20

Qamkunamanmi ichaqa Chuya Espirituta Cristo qosurqankichik, chay-mi tukuy chaykunata yachankichik.

1~Juan 2:27

Qamkunapim kachkan Jesucristopa qosusqaykichik Chuya Espíritu, chaymi mana necesitankichikchu pipas yacha-chisunaykichiktaqa. Qosusqaykichik Chuya Espiritum tukuy cheqap kaqkunata yachachisunkichik chayqa manam llullachu. Chaynaqa, yachachisusqaykichikman hinayá Cristopi takyaychik.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

1~Samuel 2:12

Eliypa churinkunam karqaku mana allin ruwaqkuna. Paykunaqa manam Diosta manchakurqakuchu,