Jeremías 31:32 - CHUYA QELLQA La Biblia en Quechua de Ayacucho 2012

³² Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Quechua Ayacucho Bible 1987

³² Ichaqa manam abuelonkuwan contrato rurasqayta hinachu rurasaq, paykunatam Egipto nacionmanta makinmanta aysamuchkaq hina horqomurqani. Qosanku hina kachkaptiypas manamá chay contratotaqa cumplirqakuchu.

Chuya Qellqa 1992

³² Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Jeremías 31:32 Iomraidhean Croise

1~Reyes 8:9

Arcapa ukunpiqa manam imapas hukqa karqachu, aswanqa Horeb orqopi Moisespa churaykusqan iskay tabla rumikunallam. Chay tabla rumikunapim, Egiptomanta lloqsiramuptinku Israelpa mirayninkunawan Tayta Diospa pacto ruwasqan qellqaspa karqa.

Éxodo 19:5

Sichum nisqayta kasukuspa pacto ruwasqaytapas cumplispaykichikqa, qamkunam kankichik wakin runakunamanta akllakusqay runaykuna. Kay pachaqa ñoqapam.

Éxodo 32:8

Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Cantares 8:5

¿Pitaq wak warmiqa kuyay yananman hapipakuykuspa chunniqmanta hamuchkan? Manzana sachapa sikinpim rikchachirqayki, chaypim mamayki dolorwan hapichikurqa, chaypim mamayki wachakusurqanki.

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Isaías 41:13

Ñoqa Tayta Diosmi, Diosnikichik kani, alleq makikichikmanta hapiqnikichikmi kaynata nikichik: “Ama manchakuychikchu, ñoqam yanapasqaykichik”, nispa.

Isaías 54:5

Unanchaqniki qosaykim kani, Tukuy Atiyniyuq Tayta Diosmi kani, Israelpa libraqnin Chuya Diosmi kani, kay pachapa Diosninwan sutichasqam kani.

Jeremías 11:3

Israelpa yupaychasqan ñoqa Tayta Diosmi kaynata nini: Pactoypa nisqankunata mana kasukuq runaqa ñakasqa kachun.

Jeremías 11:4

Chay pactotam ñawpaq taytaykichikkunawan ruwarqani, metal chulluchina hornomanta hurqomuchkaq hina Egipto nacionmanta paykunata hurqomuspay, hinaspaymi kaynata nirqani: Tukuy nisqaykunata kasukuspaykichikqa chaynataq llapallan kamachisqaykunata ruwaspaykichikqa, runaykunam kankichik, ñoqañataqmi Diosnikichik kasaq.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Jeremías 22:9

Chaymi contestanqaku: Kaynataqa ruwarun yupaychasqanku Tayta Dioswan pacto ruwasqankuta saqespa idolokunataña yupaychasqankuraykum, nispanku.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 31:1

Tayta Diosmi kaynata nin: Chay tiempopim Israelpa llapallan mirayninkunapa Diosnin kasaq, paykunañataqmi llaqtay kanqaku, nispa.

Jeremías 34:13

Ñoqa Israelpa yupaychasqan Tayta Diosmi kaynata nini: Ñawpaq taytaykichikkunata Egipto nacionpi esclavo kachkaptinku hurqomuspaymi, paykunawan pactota ruwarqani. Hinaspaymi kamachirqani:

Jeremías 34:14

Sapa qanchis watamantam castaykichik-manta kaq criadoykichiktaqa kacha-rinkichik. Servisunaykichikpaq kikin-kumanta rantikususpaykichikqa soqta watallatam servisunkichik, nispay. Ñawpaq taytaykichikkunam ichaqa mana kasuwarqakuchu nitaqmi uyari-warqakupaschu.

Ezequiel 16:8

Huktawan chayninta pasachkaspaymi, casarakunaykipaq hina tiempoykipiña kasqaykita qawaykurqani. Chaymi capayta mastarispay qalalla cuerpoykita tapaykurqani; hinaspam ñoqapaña kanaykipaq qanwan pactota ruwarqani; chaymantam ñoqapaña karqanki. Ñoqa Tayta Diosmi chaynata nini.

Ezequiel 20:37

Imaynam oveja michiq, ovejankunata sapaq ovejakunamanta rakin, chaynam ñoqapas qamkunata akllasqaykichik, chaynapim qamkunawan pactota ruwasqayta kasukunaykichikpaq churasqaykichik.

Ezequiel 23:4

Mayorninpa sutinmi karqa Ahola (chayqa Samaria llaqtam), sullkanpa sutinñataqmi karqa Aholiba (chayqa Jerusalén llaqtam). Paykunam warmiykuna karqaku, hinaspam churiykunata qaritapas warmitapas wachakurqaku.

Oseas 11:1

Tayta Diosmi kaynata nin: Warma kasqanmantam Israelta kuyarqani, churiytam Egipto nacionmanta qayamurqani.

Oseas 2:2

Tayta Diosmi nin: Mamaykichikta uyanpi niychik, payqa manam warmiyñachu, nitaqmi ñoqapas qosanñachu kani; chuchumika kayninta saqechun, qarikunawan qanrakuyninta qonqachun.

Oseas 3:1

Tayta Diosmi yapamanta niwarqa: Hukwan waqllikuruq kachkaptinpas warmikita yapamanta kuyamuy. Chaynatam Tayta Diospas Israelpa mirayninkunata kuyan, idolokunata qatispanku chaykunaman uvas pasaskunata, tortilla ofrendakunata ofrecechkaptinkupas, nispa.

Levítico 26:15

chaynataq yachachikuyniykunatapas, kamachikuyniykunatapas hinaspa kunasqaykunatapas wischupakuspa chaynataq mana ruwayman churaspa pacto ruwasqaytapas mana cumpliptikichikqa,

Marcos 8:23

Chaymi Jesusñataq ñawsata makinmanta aysarikuspan llaqtamanta hawanman pusarurqa, hinaspanmi ñawinman toqaykuspan makinta hawanman churaykuspan tapurqa: ¿Yaqachu rikukuchkankiña? nispa.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Hechos 23:19

Chaynata willaykuptinmi Pablopa sobrinonta chay capitanpa kamachiqnin makinmanta hapiykuspa huklawman pusaruspa tapurqa: ¿Imataq willawanayki kachkan? nispa.

2~Corintios 11:2

Diospa sientisqanman hinam qamkunamanta sientikichik. Chullalla qariwan casarakuq mana qari reqsiq sipasta hinam Cristoman presentanaypaq prometekurqaykichik.

Deuteronomio 29:1

Horeb orqopi pactota Tayta Dios ruwaruchkaspanpas, Moab nacionpiña kachkaptinkum Moisesta huktawan kamachirqa Israelpa mirayninkunawan pactota ruwananpaq.

Deuteronomio 29:21

Tayta Diosqa, Israelpa mirayninkunamanta chay runata rakiruspanmi ñakariykunawan castiganqa, payqa ñakarichinqa kay pactopi qellqasqa llapallan ñakaykunawanmi.

Deuteronomio 29:24

Hinaptinmi llapa runakuna tapukunqaku: “¿Imanasqataq kay allpata Tayta Dios kaynata castigarun? ¿Imanasqataq kaynataña piñakurun?” nispanku.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Deuteronomio 31:20

Ñawpaq taytaykichikkunaman juraspa prometesqay tukuy imapa kanan chaynataq tukuy imapa qespinan allpaman paykunata pusaruptiymi saksanankukama mikuspa wirayanqaku, ichaqa karunchakuruspam idolokunataña yupaychanqaku. Qepancharuwaspankum pactoytapas mana kasukunqakuchu.

Deuteronomio 5:2

Señorninchik Tayta Diosmi Horeb orqopi ñoqanchikwan pactota ruwarqa.

Deuteronomio 5:3

Chay pactotaqa manam ñawpaq taytanchikkunallawanchu ruwarqa aswanqa ñoqanchikkunapiwanmi otaq kaypi llapallanchik huñunasqa kaqkunapiwanmi.

Hebreos 8:9

Ichaqa manam ñawpaq taytaykichikkunawan pacto ruwasqayta hinachu ruwasaq. Paykunatam Egipto nacionmanta, makinkumanta aysamuchkaq hina hurqomurqani. Paykuna mana kasukuptinmi ñoqatapas manaña imapas qokuwarqachu. Señormi chaynata nin.