Jeremías 31:3 - CHUYA QELLQA La Biblia en Quechua de Ayacucho 2012

³ Tayta Diosqa unayñam rikuriwarqa, hinaspam kaynata niwarqa: Wiñaypaq kuyakuywanmi kuyarqayki, chay kuyakuyniyman hinallam kuyapayachkayki.

Quechua Ayacucho Bible 1987

³ Unaymantaraqmi Tayta Diosqa rikuriwarqanchik. Hinaspam payqa kaynata niwarqanchik: Wiñaypaq kuyakuywanmi qayarqayki. Chayna kuyasqayman hinallam kuyapayachkayki.

Chuya Qellqa 1992

³ Tayta Diosqa unayñam rikuriwarqa, hinaspam kaynata niwarqa: Wiñaypaq kuyakuywanmi kuyarqayki, chay kuyakuyniyman hinallam kuyapayachkayki.

Jeremías 31:3 Iomraidhean Croise

1~Reyes 10:9

¡Señorniki Tayta Diosyá bendecisqa kachun! ¡Paymi kuyasuspayki Israel nacionpi munaychakunaykipaq churasurqanki! ¡Tayta Diosqa Israel nacionta kuyasqanraykum rey kanaykipaq churaykusurqanki, derechonpi allinta kamachikunaykipaq! nispa.

Cantares 1:4

¡Hakuchik, chaylla pusakuway! ¡Reynilláy, cuartoykiman pusakuway! Ñoqaykuqa sinchillatañam qanwan kusikusaqku, vinomantapas mastaqa kuyakuynikitam yuyarisaqku. Chayraykum sipaskuna anchata kuyasunki.

Isaías 43:4

Qamtaqa allinpaqmi qawayki ancha kuyasqaymi kanki, rantikipim runakunata pagarqani, vidaykiraykum nacionkunata qoykurqani.

Isaías 45:17

Tayta Diosmi ichaqa Israel llaqtanta wiñaypaq salvanqa, manañam penqaypaqñachu kankichik, nitaqmi pipas usuchisunkichikñachu.

Isaías 49:14

Sión llaqtam kaynata nin: Tayta Diosmi saqeruwan, Señor Diosmi qonqaruwan, nispa.

Oseas 11:1

Tayta Diosmi kaynata nin: Warma kasqanmantam Israelta kuyarqani, churiytam Egipto nacionmanta qayamurqani.

Oseas 11:4

Paykunataqa kuyakuywanmi pusamurqani, kuyay sonqoywanmi pusamurqani; paykunataqa ñuñuq wawakunata hinam qasqoyman asuykachirqani, mikuchinaypaqmi paykunaman kumuykurqani.

Malaquías 1:2

Tayta Diosmi kaynata nin: Ñoqaqa anchatam kuyarqaykichik, nispa. Qamkunam ichaqa ninkichik: “¿Imay-natataq kuyawarqankiku?” nispaykichik. Tayta Diosñataqmi nin: “Qamkunataqa kuyaykichik imaynam Jacobta kuyasqayta hinam. Esauwan Jacobqa wawqentinmi karqaku, ichaqa Jacobtam kuyarqani,

Romanos 8:30

Ñawpaqmantaraq akllasqankunatam qayaykun, qayasqankunatañataqmi mana huchayuqtaña ruwaykun; mana huchayuqtaña ruwasqankunatañataqmi hatunchaykun.

Romanos 9:13

Chuya Qellqapim kaynata nin: “Jacobtam kuyarqani Esautañataqmi cheqnirqani”, nispa.

Deuteronomio 10:15

Chaywanpas Tayta Diosqa kuyaspam ñawpaq taytaykichikkunataqa akllarqa, chaymantam kunan qawasqaykichikpi hinapas paykunapa mirayninkunata akllasurqankichik, wakin nacionkunatam ichaqa mana akllarqachu.

Deuteronomio 33:26

Jesurunpa Diosnin hinaqa manam kanchu, yanapasunaykipaqmi atiyninwan cielokunapa hawanpi purichkan, puyu hawantam hamuchkan.

Deuteronomio 33:3

Dios Taytalláy, llaqtaykitam kuyanki, llapallan sapaqchasqaykikunatam waqaychanki, paykunaqa ñawpaqnikipim qonqorakunku, kamachisqaykikunatam chaskikunku.

Deuteronomio 4:37

Tayta Diosqa ñawpaq taytaykichikkunata kuyasqanraykum mirayninkunata akllarqa, hinaspam Egipto nacionmanta ancha hatun atiyninwan hurqomurqa.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.

1~Juan 4:19

Diostaqa kuyanchik paypuni puntata kuyawasqanchikraykum.