Jeremías 31:22 - CHUYA QELLQA La Biblia en Quechua de Ayacucho 2012

²² ¿Haykapikamataq mana kasukuq sipas hina kayman chayman purikuqlla kanki? Ñoqa Tayta Diosmi kay pachapi mana haykapipas rikusqaykichikta ruwaruni: Warmim qarita muyupayanqa.

Quechua Ayacucho Bible 1987

²² Mana kasukuq sipasman rikchakuq runakuna ¿haykapikamataq kankichik kaypi-chaypi puriqkuna? Ñoqa Tayta Diosmi rurasaq mana haykapipas rikusqaykichikta. Kay pachapim rurasaq mana haykapipas rikusqaykichikta: Warmiñam nanachikunqa qarimanta.

Chuya Qellqa 1992

²² ¿Haykapikamataq mana kasukuq sipas hina kayman chayman purikuqlla kanki? Ñoqa Tayta Diosmi kay pachapi mana haykapipas rikusqaykichikta ruwaruni: Warmim qarita muyupayanqa.

Jeremías 31:22 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Jeremías 13:27

Rikurqanim waqllikusqaykitapas, yegua hina weqeqeqespa hukwan-hukwan qanrakusqaykitapas, rikurqanitaqmi chuchumika warmi hina, moqokunapipas pampakunapipas millakuypaq kaqkuna ruwasqaykitapas. ¡Ay, Jerusalén llaqta! ¿Haykapikamataq mana chuyanchakunkichu? nispa.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 2:18

Kunanqa, ¿imatataq hurqokunki, Egipto nacionman rispa Nilo mayupa yakunta tomaspaykiqa? ¿Imatataq hurqokunki, Asiria nacionman rispa Eufrates mayupa yakunta tomaspaykiqa?

Jeremías 2:23

¿Imaynataq niwaq manam qanrakurqanichu, nitaqmi Baal idolokunatapas qatirqanichu nispaykiqa? Qechwapi imakunam ruwasqaykita yuyarispa reqsikuy, qamqa mana qasillalla kaspa kayman chayman kallpakachaq china camello hinam kanki;

Jeremías 2:36

¿Imanasqataq kaypi chaypi yanapakuyta maskanki? Asiria nacionpa penqayman churasusqaykita hinam, Egipto nacionpas penqayman churasunki.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 3:4

Qaynakunallam niwarqanki: Kuyasqay Taytalláy, warma kayniymanta reqsiwaqniy.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Jeremías 3:8

Rikurqataqmi hukwan pierdesqanrayku mana kasukuq Israelmanta rakikusqaytapas; ichaqa paypas ñañan hinam mana kasukurqachu, aswanraqmi mana manchakuwaspan chuchumika warmi hina qanrakurqa.

Jeremías 4:14

Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Jeremías 49:4

Yaw, mana kasukuq llaqta, ¿imanasqataq qechwaykikunamanta alabakuchkanki? ¿Imanasqataq tukuy imapa wiñanan qechwaykikunawan hatun tukuchkanki? Qamqa tukuy ima huñusqaykipi hapipakuspam nichkanki: ¿Pitaq ñoqata imanawanqa? nispayki.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Oseas 11:7

Llaqtayqa hinallaraqmi ñoqamanta karunchasqa kachkan, chayraykum qayakamuwaptinpas mana uyarisaqchu.

Oseas 14:4

Tayta Diosmi kaynata nin: Mana kasukuynikichiktam hampiykusqaykichik, mana pipapas harkakusqanmi kuyasqaykichik, qamkunamantaqa piñakuyniypas ñam karunchakurunña.

Oseas 4:16

Israelpa mirayninkuqa, qamkunaqa manaraq mansasqa loca vaquilla hinam kankichik, chaynaqa, ¿imaynataq Tayta Diospas ovejakunata hina sumaq pastopiraq michisunkichikman?

Oseas 8:5

Samaria llaqtapi yachaqkuna, qori torillo idoloykichikta wischuychik, qamkunapaqmi llumpa-llumpayta piñakuruni. ¿Haykapikamataq mana chuyanchakuy atiq kankichik?

Zacarías 7:11

Qamkunam ichaqa uyariyta mana munarqankichikchu, aswanraqmi mana kasukuspaykichik mana uyariqpas tukurqankichikchu.

Números 16:30

Sichum mancharikuypaq kaqta Tayta Dios ruwaspa paykunata allpapa sonqonman kawsachkaqllata wichiykachiptinmi ichaqa, yachankichik kay runakunaqa Tayta Diospa contranpi hatariq kasqankuta, nispa.

Mateo 1:21

Qari wawatam wachakunqa, paytam Jesuswan sutichanki, paymi llaqtanta huchankunamanta salvanqa, nispa.

Gálatas 4:4

Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa.