Jeremías 31:21 - CHUYA QELLQA La Biblia en Quechua de Ayacucho 2012

²¹ Ancha kuyasqay Israel llaqtalláy, ñanpiyá señalkunata churay, ñanta chaylla tariykuspa kutimunaykipaq; mayninmi risqaykitayá sumaqta qawariy. ¡Israel, kutimuy, llaqtaykikunaman kutimuy!

Quechua Ayacucho Bible 1987

²¹ Sipasman rikchakuq Israel casta runakuna, ñanpiyá señalkunata churaychik chaylla ñanta tarinaykichikpaq. Sumaqtayá ñanta qawariychik chayninta purinaykichikpaq. Llaqtaykichikmanyá kutirimuychik chaykunapi *f**yachanaykichikpaq.

Chuya Qellqa 1992

²¹ Ancha kuyasqay Israel llaqtalláy, ñanpiyá señalkunata churay, ñanta chaylla tariykuspa kutimunaykipaq; mayninmi risqaykitayá sumaqta qawariy. ¡Israel, kutimuy, llaqtaykikunaman kutimuy!

Jeremías 31:21 Iomraidhean Croise

1~Crónicas 29:3

Tukuy ima alistasqaymantapas, Diosniypa templonta kuyasqayraykum kikiypa kaqmantapas qoni: Qorita, qollqeta,

2~Crónicas 11:16

Israelpi llapa ayllunkunamanta tukuy sonqonkuwan Tayta Diosta qatiy munaqkunapas levitakunawan sacerdotekuna hinam Jerusalén llaqtaman rirqaku, ñawpaq taytankupa yupaychasqan Tayta Diosman sacrificiokunata ofrecemunankupaq.

2~Crónicas 20:3

Chaymi Josafatqa mancharikuspan Tayta Diosta mañakurqa yanapananpaq, Judá nacionpi llapallan runakunamanmi willachirqa ayunanankupaq.

Proverbios 24:32

Chayta qawaspaymi yuyaymanarqani, rikuruspaymi kayta yacharurqani:

Isaías 48:20

Babilonia llaqtamanta lloqsiychik, Caldea nacionpa chawpinmanta ayqeychik, kusikuywan qaparispa willakamuychik, kay pachapa tukupayninkama kaynata uyarichimuychik: “Tayta Diosmi serviqnin Jacobta libraykun”, nispa.

Isaías 57:14

Tayta Diosmi nin: Ñanta kichaspa allichaychik, llaqtay pasananpaq ñanpi mitkachikuqkunata wischuychik, nispa.

Isaías 62:10

Lloqsiychik, lloqsiychik punkunkunata, llaqtaypaq ñanta allichaychik, ñanta sumaqta kichaychik, ruminkunata wischuychik. Llapallan nacionkuna qawananpaq banderata sayachiychik.

Jeremías 3:12

Chaynaqa, rispayki norte lawman qawaspa kaynata nimuy: Tayta Diosmi kaynata nin: Mana kasukuq Israel llaqta, ñoqaman kutirikamuway; manam piñasqachu chaskisqayki, nitaqmi piñakuyniyqa wiñaypaqchu kanqa, ñoqaqa ancha kuyapayakuqmi kani. Ñoqa Tayta Diosmi chaynata niki.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 31:4

Israelpa mirayninkuna, kaqmantam hatarichisqaykichik; sipasta hina pacharachiptiymi panderetaykichikta hapispa kusikuymanta tusuq lloqsinkichik.

Jeremías 46:11

Egipto runakuna, Galaad lawman hampi maskaq riychik. Yanqapaqñam hampikunatapas apamunkichik, qampaqqa manañam hampi kanchu.

Jeremías 50:5

Sión llaqtaman maynin chayanankutam tapukunqaku, hinaspam chay llaqta lawman qawarispanku ninqaku: “Tayta Diospaman hakuchik, mana haykapipas qonqanapaq wiñaypaq pactota ruwaspa payman hukllawakamusunchik”, nispanku.

Jeremías 51:50

¡Wañuymanta lluptiqkuna, ama sayaykuspa ayqeychik! ¡Karupiña kaspapas, Tayta Diosmanta yuyariychik! ¡Jerusalén llaqtamanta yuyariychik!

Jeremías 51:6

¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Jeremías 6:16

Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Ezequiel 40:4

Chay runam niwarqa: Runapa churin, allinta uyariway, hinaspayki tukuy ima rikuchisqayta allinta qaway, tukuy kaykunata qawachinaypaqmi kaymanqa pusamusqa karqanki. Tukuy ima rikusqaykitam Israelpa mirayninkunaman willanki, nispa.

Hageo 1:5

Chayraykum Tukuy Atiyniyuq Tayta Dios kaynata nin: Imaynam kawsasqaykichiktayá sumaqta qawakuykuychik.

Zacarías 10:9

Nacionkunamanmi paykunata cheqerachisaq, hinaptinmi chay karu llaqtakunapi ñoqamanta yuyarinqaku, huk punchawmi wawa-churintin kutimunqaku.

Deuteronomio 32:46

Chaymantam Israelpa mirayninkunata kaynata nirqa: Tukuy kay nisqaykunata yuyaymanaspa sonqoykichikpi hatalliychik. Chu-rikichikkunata kamachiychik kay yacha-chikuykunata kasukuspa ruwayman churanankupaq.