Jeremías 31:20 - CHUYA QELLQA La Biblia en Quechua de Ayacucho 2012

²⁰ Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Quechua Ayacucho Bible 1987

²⁰ Ñoqa Tayta Diosmi nini: Kuyayllapaq churiy hinam Efrain castaqa. Kuyasqay warmay hinam Efrain castaqa. Qaqcharuspaypas manam qonqanichu paytaqa. Sonqoypas anchatam waqan paymantaqa. Anchallatañam llakikuni paymantaqa.

Chuya Qellqa 1992

²⁰ Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Jeremías 31:20 Iomraidhean Croise

Génesis 43:30

Chaymi wawqenmanta waqanayay hapiruptin cuartonman yaykuruspan José waqakururqa.

1~Reyes 3:26

Hinaptinmi kawsaq wawapa maman, wawanmanta sonqonpi llumpayta llakikusqanrayku nirqa: Reynilláy, amayá wawataqa wañurachiychu, kay warmimanyá qoykuy, nispa. Huknin warmiñataqmi nirqa: Ama qampaqpas nitaq ñoqapaqpas kananpaq, partechunku, nispa.

Proverbios 3:12

Tayta Diosqa kuyasqankunatam castigan, imaynam huk tayta kuyasqan churinta corregisqanta hina.

Cantares 5:4

Punkupa kaklluntam kuyay yanay makinta haywarimurqa, chaymi sonqoypas ras nirqaraq.

Isaías 16:11

Chayraykum Moab nacionmanta arpa hina sonqoy waqan, Kir-haresetmantam arpa hina sonqoy waqan.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Isaías 63:15

Dios Taytalláy, hanaq pacha suma-sumaq chuya wasikimanta qawarimuy. ¿Maypitaq kachkan atiynikiwan kuyakuynikiqa? ¿Maypitaq kachkan allin sonqo kaynikiqa? ¿Llakipayakuynikichu ñoqaykupaq tukurun?

Jeremías 3:12

Chaynaqa, rispayki norte lawman qawaspa kaynata nimuy: Tayta Diosmi kaynata nin: Mana kasukuq Israel llaqta, ñoqaman kutirikamuway; manam piñasqachu chaskisqayki, nitaqmi piñakuyniyqa wiñaypaqchu kanqa, ñoqaqa ancha kuyapayakuqmi kani. Ñoqa Tayta Diosmi chaynata niki.

Jeremías 3:19

Ñoqam tapukurqani: ¿Imaynataq churiypaq hapikichikman hinaspa kay pachapi aswan allinnin allpataraq qoykichikman? nispay. Ñoqam piensarqani, Taytalláy niwaspaykichik mana haykapipas ñoqamanta rakikunaykichikta.

Jeremías 31:9

Waqastin mañakustinmi hamunqaku, kallpaq yakukunapa patantam pusamusaq, mana mitkanankupaqmi pampallanta pusamusaq. Ñoqaqa Israelpa taytanmi kani, Efrainqa piwi churiymi.

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Jeremías 48:36

Moabmantam qena hinaraq sonqoy waqachkan, Kir-hares llaqtayuqkunamantam qena hinaraq sonqoy waqachkan, tukuy ima huñusqanku chinkarusqanmantam sonqoy waqachkan.

Lamentaciones 3:22

Tayta Diospa kuyapayakuyninraykum mana puchukarunchikchu, llakipayakuyninqa mana haykapipas tukuqmi.

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Oseas 14:4

Tayta Diosmi kaynata nin: Mana kasukuynikichiktam hampiykusqaykichik, mana pipapas harkakusqanmi kuyasqaykichik, qamkunamantaqa piñakuyniypas ñam karunchakurunña.

Levítico 26:44

Chaywanpas enemigonkupa allpanpiña kaptinkupas ñoqaqa manam wischupakusaqchu nitaqmi puchukarachinaypaq hinaqa millakusaqchu. Manam paykunawan pacto ruwasqay-taqa yanqachasaqchu. Ñoqaqa paykunapa yupaychasqan Tayta Diosmi kani.

Lucas 15:24

Kay churiyqa wañusqañam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa. Chaymi kusikuyllawanña fiesta ruwayta qallaykurqaku.

Lucas 15:32

Chay-naqa, ¿imanasqataq kay wawqeki kuti-ramusqanmantaqa mana fiestata ruwaspa kusikuchwanchu? Kay wawqekiqa wañusqam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa.

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

Filipenses 1:8

Jesucristopa kuyakuyninwan qamkunata imayna kuyasqaytapas Diosninchikmi yachan.

Jueces 10:16

Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.