Jeremías 31:2 - CHUYA QELLQA La Biblia en Quechua de Ayacucho 2012

² Tayta Diosmi kaynata nin: “Guerrapi wañunankumanta lluptiqkunatam chunniqpi yanaparqani. Samanankupaq allpata maskaptinkum Israelta yanaparqani”, nispa.

Quechua Ayacucho Bible 1987

² Tayta Diosmi nin: Guerrapi wañunankumanta lluptiq runakunatam chunniqpi favorecerqani. Samanankupaq sitiota maskaq Israel casta runakunatam favorecerqani.

Chuya Qellqa 1992

² Tayta Diosmi kaynata nin: “Guerrapi wañunankumanta lluptiqkunatam chunniqpi yanaparqani. Samanankupaq allpata maskaptinkum Israelta yanaparqani”.

Jeremías 31:2 Iomraidhean Croise

Éxodo 1:16

Hebreo casta warmikunata qespichispaykichikqa imam wawa kasqantam qawankichik; qari kaptinqa wañuchinkichikmi, warmi kaptinmi ichaqa ama imanankichikchu, nispa.

Éxodo 1:22

Chaymi lliw runankunata Faraón kamachirqa: Hebreokunapa qari churin naceqtaqa mayuman wischuychik, warmi churikunatam ichaqa ama imanankichikchu, nispa.

Éxodo 12:37

Chaymi Israelpa mirayninkuna Ramsés llaqtamanta Sucot lawman pasakurqaku. Chakiwan riq qarikunallam yaqa soqta pachak waranqa karqaku, wawakunawan warmikunaqa manam yupasqachu karqaku.

Éxodo 2:23

Watakuna pasaruptinmi Egipto nacionpi rey wañururqa. Israelpa mirayninkunañataqmi esclavo kasqankurayku llumpay ñakariypi karqaku, chaymi waqaspanku Diosta mañakurqaku.

Éxodo 33:14

Chaymi Dios nirqa: Ñoqam qanwan risaq hinaspam samachisqayki, nispa.

Éxodo 5:21

Hinaspankum nirqaku: Tayta Diosyá juzgaspa castigasunkichik. Qamkunapa hawaykichikmantam Faraonwan runankuna cheqnipakuruwaspanku wañuchiwaykupi richkanku, nispa.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Ezequiel 20:35

Nacionkunapa chawpinpi chunniqman pusamuspaymi qamkunata juzgasqaykichik.

Oseas 11:4

Paykunataqa kuyakuywanmi pusamurqani, kuyay sonqoywanmi pusamurqani; paykunataqa ñuñuq wawakunata hinam qasqoyman asuykachirqani, mikuchinaypaqmi paykunaman kumuykurqani.

Números 10:33

Tayta Diospa orqonmantam kimsa punchaw puriyta rirqaku. Chay kimsan punchawmi Tayta Diospa Arcan ñawpaqninkuta rirqa, samanankupaq sitiota maskastin.

Números 14:20

Moisestam Tayta Dios nirqa: Niwasqaykiman hinam paykunata pampachani.

Mateo 11:28

Haykam pisipasqakuna hinaspa ñakariqkuna ñoqaman hamuychik, ñoqapim samayta tarinkichik.

Deuteronomio 1:30

Ñawpaqninchik riq Señornikichik Tayta Diosmi ñoqan-chikpaq peleanqa, payqa imatapas ruwanqa Egipto nacionpi chaynataq chunniqpipas ruwasqanman hinam. Chayamunaykichikkamam tukuy chunniq ñankuna hamusqaykichikpi rikurqankichik, imaynam churinta taytan marqayninpi apamuchkaq hina Señornikichik Tayta Diospas marqayninpi apamususqaykichikta”, nispa.

Deuteronomio 1:33

Payqa ñawpaqnikichiktam rirqa maypim samanaykichikta maskastin. Tutanmi mayninta rinaykichikpaq ninawan achkirqa, punchawñataqmi puyuwan.

Deuteronomio 12:9

Samanaykichikpaq Señornikichik Tayta Diospa qosunaykichik allpamanqa manaraqmi chayachkankichikraqchu.

Deuteronomio 2:7

Señornikichik Tayta Diosmi tukuy ima ruwasqanchikpi bendeciwarqanchik, tawa chunka watañam ñoqanchikwan kasqanqa, chaymi kay manchakuypaq chunniqpi puriptinchikpas mana imapas pisiwarqanchikchu.

Deuteronomio 8:16

Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

Josué 1:13

Tayta Diospa serviqnin Moisespa kamachisusqaykichiktayá yuyariychik, paymi nisurqankichik: Diosnikichikmi hawkayayta kay allpapi qoykusunkichik.