Jeremías 31:14 - CHUYA QELLQA La Biblia en Quechua de Ayacucho 2012

¹⁴ Sacerdotekunamanmi allinnin mikuykunata qosaq, llaqtaymi allinkuna qosqaywan saksasqa kanqa. Ñoqa Tayta Diosmi chaynata nini.

Quechua Ayacucho Bible 1987

¹⁴ Ñoqa Tayta Diosmi nini: Sacerdotekunamanmi allinnin mikuykunata qosaq. Runaykunatam allinkuna qosqaywan saksachisaq.

Chuya Qellqa 1992

¹⁴ Sacerdotekunamanmi allinnin mikuykunata qosaq, llaqtaymi allinkuna qosqaywan saksasqa kanqa. Ñoqa Tayta Diosmi chaynata nini.

Jeremías 31:14 Iomraidhean Croise

2~Crónicas 6:41

Dios Taytalláy, atiyniyuq Arcaykiwan hatariy, kay samanayki sitioman hamuy; Dios Taytalláy, sacerdotekikunayá salvacionnikiwan pachallikuchunku, qanman hapipakuqkunayá kuyakuynikipi kusikuchunku.

Nehemías 10:39

Israelpa mirayninkunawan llapa levitakunapas, trigomanta, vinomanta hinaspa aceitemanta ofrendakunatam Diosniykupa templonpi almacenkunaman chaypi waqaychanankupaq apanqaku. Chay almacenkunapim Diospaq sapaqchasqa serviciokuna kachkan, chaypitaqmi sacerdotekunawan punku nanachikuqkuna hinaspa takiqkunapas kachkanku. Chaynatam Diosniykupa templonta mana saqenaykupaq prometekurqaniku.

Cantares 5:1

Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Isaías 25:6

Tukuy Atiyniyuq Tayta Diosmi Sión moqopi, llapallan nacionkunapaq hatun convidota ruwanqa, miskillaña mikuykunatawan unay watayuq vinotam convidanqa, miskillaña mikuykunatawan suma-sumaq vinotam convidanqa.

Isaías 61:6

Qamkunaqa “Tayta Diospa Sacerdoten” nispa sutichasqam kankichik, “Diospa Serviqnin” nispa sutichasqam kankichik. Wakin nacionkunapa kapuqninkunatam mikunkichik, paykunapa reqsisqa kayninwanmi alabakunkichik.

Jeremías 31:25

Pisipasqakunamanwan mana kallpayuqkunamanmi mikuykachispay achkanpi tomaykachisaq, nispa.

Jeremías 33:9

Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Jeremías 50:19

Israeltam pastonman kutichimusaq; Carmelo orqopi, Basán lawpi, Efraín orqokunapi hinaspa Galaad lawpi pastokunatam saksanankukama mikunqaku, nispa.

Ezequiel 34:14

Suma-sumaq pastokunapi michiptiymi kanchankupas kanqa Israel law orqonkunapi; chaypim sumaq kanchakunapi samaspanku Israel orqokunapi wiñaq sumaq pastokunata mikunqaku.

Hageo 2:19

¿Manaraqchu taqekunapi muhu tarikun? Uvas planta, higos sacha, olivos sacha, granadilla sacha mana sisaptinpas, kunanmantaqa ñoqam bendecisqaykichik, nispa.

Mateo 5:6

Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Efesios 1:3

Señorninchik Jesucristopa Dios Taytanyá qapaqchasqa kachun, paymi Cristowan huklla kasqanchikrayku hanaq pachamanta kaq espiritual bendicionkunata qoykuwanchik, hanaq pachapiñapas kachkachwanchik hina.

Efesios 3:19

Mañakuchkanitaqmi imawanpas mana tupachiy atina Cristopa kuyakuyninta yachanaykichikpaqpas, chaynapi Dioswan huntasqa kanaykichikpaq.

Deuteronomio 33:23

Neftalí ayllumantam nirqa: Neftaliyqa Tayta Diospa bendicionninwan huntarisqam kachkan, payqa tukuy imawan bendecisqam kachkan. Sur lawpi allpatam Galilea qochakama hapikuykun.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

Apocalipsis 5:10

Diosniykupaqmi munaychakuq sacerdotekunataña ruwawarqankiku, chaymi kay pachapi munaychakusaqku”, nispanku.