Jeremías 31:13 - CHUYA QELLQA La Biblia en Quechua de Ayacucho 2012

¹³ Sipaskunam kusikuymanta tusunqaku, Jovenkunawan machuchakunam kusikunqaku. Waqayninkutapas kusikuymanñam tikrasaq, consuelaspaymi nanayninkutapas kusikuymanña tikrasaq.

Quechua Ayacucho Bible 1987

¹³ Doncellakunam kusikuymanta tusunqaku. Mozokunapiwan machukunam kusikunqaku. Waqasqankumantam kusikunankupaqña consuelasaq. Waqasqankumantapas astawanraqmi kusichisaq.

Chuya Qellqa 1992

¹³ Sipaskunam kusikuymanta tusunqaku, Jovenkunawan machuchakunam kusikunqaku. Waqayninkutapas kusikuymanñam tikrasaq, consuelaspaymi nanayninkutapas kusikuymanña tikrasaq.

Jeremías 31:13 Iomraidhean Croise

Esdras 6:22

Qanchis punchawmi mana levadurayuq tanta fiestata llumpay kusisqallaña ruwarqaku. Tayta Diosmi Asiria nacionpa reyninwan yanapachirqa Israelpa yupaychasqan Tayta Diospa templon ruwaypi, chayraykum paykunaqa llumpay kusisqallaña karqaku.

Nehemías 12:27

Jerusalén llaqtapa murallankunata Diospaq dedicanankupaqmi, tukuy hinastinpi yachaq levitakunata maskamurqaku, hinaspam Jerusalén llaqtaman pusarqaku, kusikuyllawanña graciasta qospanku, platillokunawan, arpakunawan takispa dedicanankupaq.

Nehemías 12:43

Chay punchawpim achkallaña ofrendakunata ofrecespanku kusikurqaku, Tayta Dios kusichisqanrayku sinchillataña kusikurqaku. Warmikunawan wawakunapas ancha kusisqam karqaku, chaymi Jerusalenpi kusikuyqa karukamaraq uyarikurqa.

Ester 9:22

chay punchawkunapi judiokuna enemigonkumanta librasqa kasqankuta, llakinkupas kusikuymanña tikrakusqanta, waqayninkupas kusikuy punchawmanña tikrakusqanta yuyari-nankupaq; hinaspa convidota chay punchawkunapi ruwaspanku vecinon-kuman mikuyta apachispanku wakchakunamanpas regalokunata qonankupaq.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Isaías 51:11

Tayta Diospa kutichimusqankunaqa, kusikuywan qaparispam Sión llaqtaman kutimunqaku, umankupas wiñaypaq kusikuywan coronasqam yaykunqaku. Ancha kusikuyllapiña tarikuptinkum nanaypas llakikuypas paykunamanta chinkanqa.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 60:20

Intikipas manañam seqaykunqachu, killaykipas manañam chinkaykunqachu, aswanqa Tayta Diosllañam wiñaypaq kanchasunki; llakikipas waqaynikipas tukunqañam.

Isaías 61:2

Tayta Diospa kuyapayakuynin watamanta willakamunaypaq, enemigonchikmanta Diospa vengakunan punchawmanta willakamunaypaq, llapallan llakisqakunata consuelamunaypaq.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Jeremías 31:4

Israelpa mirayninkuna, kaqmantam hatarichisqaykichik; sipasta hina pacharachiptiymi panderetaykichikta hapispa kusikuymanta tusuq lloqsinkichik.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Juan 16:22

Chaynam qamkunapas kunan llakisqa kachkankichik, ñoqa kutimuptiymi ichaqa kusisqa kankichik, chay kusikuytaqa manam pipas qechusunkichikchu.

Jueces 21:21

listollaña kankichik. Maypacham Silo llaqtamanta warmikuna tusustin lloqsimuptinkum qamkunapas pakakusqaykichikmanta lloqsiramuspa sapakama huk sipasta warmikichik kananpaq suwamunkichik, hinaspam Benjamín law llaqtaykichikman apakunkichik.