Jeremías 31:12 - CHUYA QELLQA La Biblia en Quechua de Ayacucho 2012

¹² Sión moqomanmi kusikuymanta qaparistin hamunqaku, Tayta Diosmi bendecinqa trigowan, vinowan, aceitewan, ovejankuwan hinaspa vacakunawan; chaymi llumpayta kusikunqaku. Paykunaqa parqosqa huerta hinañam kanqaku, manañam ima sasachakuytapas reqsinqakuñachu.

Quechua Ayacucho Bible 1987

¹² Sion Moqomanmi takistin hamunqaku. Tayta Dios bendeciykuptinmi kusikunqaku. Kusikunqakuqa trigonkupas, vinonkupas, aceitenkupas kaptinmi. Kusikunqakuqa ovejankupas chaynataq vacankupas miraptinmi. Yakuyoq huerta hinam kanqa paykunaqa. Manaña hukmanyaqmi kanqa paykunaqa.

Chuya Qellqa 1992

¹² Sión moqomanmi kusikuymanta qaparistin hamunqaku, Tayta Diosmi bendecinqa trigowan, vinowan, aceitewan, ovejankuwan hinaspa vacakunawan; chaymi llumpayta kusikunqaku. Paykunaqa parqosqa huerta hinañam kanqaku, manañam ima sasachakuytapas reqsinqakuñachu.

Jeremías 31:12 Iomraidhean Croise

Isaías 1:30

Rapinkuna wichirachisqa encina sacha hinam kankichik. Manaña yakuyuq huerta hinam kankichik.

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Isaías 51:11

Tayta Diospa kutichimusqankunaqa, kusikuywan qaparispam Sión llaqtaman kutimunqaku, umankupas wiñaypaq kusikuywan coronasqam yaykunqaku. Ancha kusikuyllapiña tarikuptinkum nanaypas llakikuypas paykunamanta chinkanqa.

Isaías 52:8

Uyariychik, llaqta waqaychaqkunam qaparichkanku, kusikuymantam chulla runa hinalla qaparichkanku, Sión llaqtaman Tayta Diospa kutimusqanta kikinkupuni qawaspankum qaparichkanku.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Isaías 60:20

Intikipas manañam seqaykunqachu, killaykipas manañam chinkaykunqachu, aswanqa Tayta Diosllañam wiñaypaq kanchasunki; llakikipas waqaynikipas tukunqañam.

Isaías 65:19

Ñoqapas Jerusalenraykum anchata kusikusaq, chaypiqa waqaypas manañam uyarikunqañachu, llakimantapas manañam qaparinqakuñachu.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 31:24

Judá runakunapas, llaqtankunapi yachaqkunapas, chakra llamkaqkunapas hinaspa uywa michiqkunapas chaypim yachanqaku.

Jeremías 31:25

Pisipasqakunamanwan mana kallpayuqkunamanmi mikuykachispay achkanpi tomaykachisaq, nispa.

Jeremías 31:4

Israelpa mirayninkuna, kaqmantam hatarichisqaykichik; sipasta hina pacharachiptiymi panderetaykichikta hapispa kusikuymanta tusuq lloqsinkichik.

Jeremías 31:6

Hamuchkanmi punchaw, Efrainpa orqonkunapi llaqta waqaychaqkuna qaparispa: ¡Llapallaykichik hamuychik, Sión llaqtaman hakuchik, Diosninchikpa llaqtanman risunchik! ninankupaq.

Jeremías 31:7

Tayta Diosmi kaynata nin: Jacobpa mirayninkunaraykuyá kusikuywan takiychik, nacionkunapa umanpaqyá kusikuymanta qapariychik. Qapariyllawanña alabaspa kaynata niychik: ¡Tayta Diosmi llaqtanta salvaykun, Israelmanta puchuqkunatam salvaykun! nispaykichik.

Jeremías 32:15

Israelpa yupaychasqan Tukuy Atiyniyuq Tayta Diosmi kaynata nin: Kay nacionpiqa yapatawanmi wasikunata, chakrakunata chaynataq uvas huertakunatapas rantinqaku, nispa.

Jeremías 33:12

Ñoqa Tukuy Atiyniyuq Tayta Diosmi kaynata nini: Kay manaña runayuq chaynataq manaña animalkunapapas kanan chunniqpim hinaspa llapallan llaqtakunapim kaqllamanta pastokunata wiñachisaq, hinaptinmi michiqkuna animalninkuta chaypi michinqaku.

Jeremías 33:13

Chaynataqmi orqokunapi kaq llaqtakunapipas, pampakunapi kaq llaqtakunapipas, Neguev law llaqtakunapipas, Benjamín allpapipas, Jerusalén llaqtapa muyuriqninkunapipas chaynataq Judá nacionpi kaq llaqtakunapipas, michiqkunam ovejakunata kaqllamanta yupanqaku. Ñoqa Tayta Diosmi chaynata nini.

Ezequiel 17:23

Israel nacionpa hatun orqonpim plantarusaq, kallmankunatapas mastarispam rurunqa, chaynapim payqa suma-sumaq cedro sachaña rikurirunqa, ukunpipas tukuy rikchaq alton pawaq animalkunam yachanqaku.

Ezequiel 20:40

Israelpa llapallan mirayninkunam sapaqchakusqay hatun orqopi, Israelpa kaq hatun orqonpi yupaychawankichik. Chaypim ofrendaykichikkunatawan primiciaykichikkunata chaynataq tukuy ima sapaqchapuwasqaykichiktapas chaskisqaykichik. Ñoqa Tayta Diosmi chaynata nini.

Ezequiel 34:14

Suma-sumaq pastokunapi michiptiymi kanchankupas kanqa Israel law orqonkunapi; chaypim sumaq kanchakunapi samaspanku Israel orqokunapi wiñaq sumaq pastokunata mikunqaku.

Ezequiel 36:30

Sachaykichiktapas llumpaytam ruruchisaq, chakraykichikpi cosechakunatapas allintam qespichisaq, chaynapim huklaw nacionniyuqkunapa qayllanpiqa manaña yarqaymantapas kankichikñachu.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Joel 3:18

Chay tiempokunapiqa orqokunapas vinotam pullpurimunqa, moqokunamantapas lechem lloqllarimunqa, Judá nacionpa llapa yarqankunatapas achkallaña yakukunam kallpanqa; Tayta Diospa templonmantapas yaku lloqsispanmi Sitim llaqtapa qechwankunata parqonqa.

Hageo 2:19

¿Manaraqchu taqekunapi muhu tarikun? Uvas planta, higos sacha, olivos sacha, granadilla sacha mana sisaptinpas, kunanmantaqa ñoqam bendecisqaykichik, nispa.

Zacarías 8:12

Aswanqa chawpinkupi hawkayay kaptinmi, uvaspas sumaqllataña rurunqa, allpapas achkanpim rurunqa, cielokunapas sullantam chayachimunqa. Tukuy chaykunatam munaychakunankupaq kay llaqtamanta puchuqkunaman qosaq.

Juan 16:22

Chaynam qamkunapas kunan llakisqa kachkankichik, ñoqa kutimuptiymi ichaqa kusisqa kankichik, chay kusikuytaqa manam pipas qechusunkichikchu.

Romanos 2:4

¿Icha Diospa hatu-hatun kuyakuynintawan pacienciantachu wischupakunki? ¿Manachu yachanki paypa kuyakuyninqa wanakuyman pusasusqaykita?

Apocalipsis 21:4

Diosmi paykunapa weqenta pichanqa, manañam wañuypas, llakikuypas, waqaypas, allwakuypas nitaq nanaypas kanqañachu. Ñawpaq kaqkunaqa pasarunñam, nispa.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.