Jeremías 30:8 - CHUYA QELLQA La Biblia en Quechua de Ayacucho 2012

⁸ Ñoqa Tukuy Atiyniyuq Tayta Diosmi nini: Chay punchawpim matankankupi yugota pakirusaq, coyundatapas tipirusaqmi, chaynapim huklaw nacionniyuq runakunaqa manaña servichikunqakuñachu.

Quechua Ayacucho Bible 1987

⁸ Llapallan Kamachiq ñoqa Tayta Diosmi nini: Chay punchawkunapim yugomanta kacharichkaq hina librasqaykichik. Yugopa coyundanta tipichkaq hinam librasqaykichik. Huklaw nacionniyoqkunata manaña servinaykichikpaqmi librasqaykichik.

Chuya Qellqa 1992

⁸ Ñoqa Tukuy Atiyniyuq Tayta Diosmi nini: Chay punchawpim matankankupi yugota pakirusaq, coyundatapas tipirusaqmi, chaynapim huklaw nacionniyuq runakunaqa manaña servichikunqakuñachu.

Jeremías 30:8 Iomraidhean Croise

Isaías 10:27

Chay punchawpim wasaykiman llasaq qepi churkususqayki qechusqa kanqa, servichikusunaykipaq matankaykiman yugo churasusqaykipas pakisqam kanqa, qamqa akllakusqay llaqtay kasqaykirayku.

Isaías 14:1

Tayta Diosmi Jacobpa mirayninkunamanta llakipayarikunqa, Israel runakunata yapamanta akllaykuspanmi allpankupi kawsachinqa. Huklaw nacionmanta kaqkunam Jacobpa castankunaman hukllawakunqa.

Isaías 14:25

Hina allpaypim Asiria runakunata puchukarachisaq, orqoykunapim paykunata saruparusaq. Yugonkupas manañam llaqtayta ñakarichinqañachu, llasaq qepi churasqankupas manañam llaqtayta ñakarichinqañachu.

Isaías 14:3

Ñakariynikichikmantapas, waqasqay-kichikmantapas, esclavo kasqaykichikmantapas Tayta Dios librasuptikichikmi,

Isaías 9:4

Qanmi llasaq yugota pakipachkaq hina ñakarichiqninkumanta libraykurqanki, hombronkupi kaspita pakipachkaq hinam ñakarichiqninkuta vencerurqanki. Chaynataqa ruwarqanki Madián llaqtata ruwasqaykita hinam.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 25:14

Hatun nacionkunawan munayniyuq reykunam paykunapi munaychakunqa. Chaynatam tukuy mana allinkuna ruwasqankumanta paykunaman pagapusaq, nispa.

Jeremías 27:2

kaynata nispan: Yugotawan coyundata ruwakaramuy hinaspa matankaykiman watakaramuy.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Jeremías 28:10

Chaymi profeta Hananías, Jeremiaspa matankanmanta yugota hurqoruspan pakiparurqa,

Jeremías 28:13

Ñoqa Tayta Diospa nisqayta Hana-niasman kaynata nimuy: Kaspimanta pakipasqayki yugopa rantinpim fierromanta yugotaña ruwaruni.

Jeremías 28:4

kutichimusaqtaqmi Joacimpa churin Judá nacionpa reynin Jeconiastawan Judá nacionmanta Babilonia nacionman preso apasqa runakunatapas. Babilonia nacionpi reypa yugontam pakisaq. Ñoqa tayta Diosmi chaynata nini, nispa.

Ezequiel 30:18

Egipto nacionpa atiyninta puchukarachiptiymi, hatun tukunan atiyninta chinkarachiptiymi, Tafnes llaqtapi inti tutayarunqa, Egiptotapas yana puyum pampaykunqa, llaqtankunapi runankunatañataqmi presota apanqaku.

Ezequiel 34:27

Campopi sachakunapas sumaqllatañam rurunqa, chakrapas achkanpim rurunqa, hinaptinmi paykunaqa chakrankupiña hawka kawsakunqaku. Servichikuqninku nacionkunapa yugo churasqanta pakiruspa libraykuptiymi Tayta Dios kasqayta yachanqaku.

Nahúm 1:13

Kunanmi hawaykipi llasasuqniki yugota pakirusaq, chaqnasuqniki cadenatapas tipirusaqmi, nispa.