Jeremías 30:7 - CHUYA QELLQA La Biblia en Quechua de Ayacucho 2012

⁷ ¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Quechua Ayacucho Bible 1987

⁷ ¡Ay ancha mancharikuypaq punchawkunam hamuchkan! ¡Ay mana igualay atina punchawkunam hamuchkan! Jacob casta runakunapaqmi sasachakuy tiempo kanqa. Chaywanpas paykunaqa chaykunamanta librasqam kanqa.

Chuya Qellqa 1992

⁷ ¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Jeremías 30:7 Iomraidhean Croise

Génesis 32:7

Chaymi Jacobqa anchata mancharikuspan hukmanyarurqa, hinaspam paywan kaq runakunata, ovejakunata, vacakunata chaynallataq camellokunatapas iskayman rakirurqa,

Isaías 20:6

Chay tiempopim lamar qochapa patanpi yachaqkuna ninakunqaku: Hapipakusqanchik nacionta qawaychik. Asiria nacionpi reymanta librawananchikpaqmi chay nacionman hapipakuq kallpaq kanchik, ¿imaynatataq kunanqa lluptisunchik? nispanku.

Jeremías 14:8

Israelpa hapipakunan Diosnillayku, sasachakuy punchawkunapi salvaqnillayku, ¿imanasqataq kay nacionpi huklaw llaqtayuq hinallaña rikurirunki? ¿Imanasqataq samapakuq hinallaña rikurirunki?

Jeremías 2:27

Qamkunaqa kullutam ninkichik: Taytaymi kanki, nispa; rumitam ninkichik: Churyaqniymi kanki, nispa. Ñoqatañataqmi qepancharuwaspaykichik uyaykichiktapas huklawmanraq muyuchinkichik, ñakarisqaykichik punchawmi ichaqa niwankichik: “Hatarispa salvaykuwayku”, nispa.

Jeremías 2:28

Judá runakuna, ¿maytaq idolokuna ruwakusqaykichik? Llaqtakunata hinañam achkallataña ruwakurunkichik, chaynaqa paykunayá kallpamuchunku, yaqachus ñakariynikichik punchawpi salvarusunkichik.

Jeremías 30:10

Ñoqa Tayta Diosmi kaynata nini: Serviqniy Jacobpa mirayninkuna ama manchakuychikchu, Israelpa mirayninkuna ama hukmanyaychikchu; ñoqam preso risqaykichik karu nacionmanta qamkunatapas miraynikichikkunatapas libramusqaykichik, kutimuspaykichikmi mana pipa manchachisqan hawkaña kawsakunkichik.

Lamentaciones 1:12

Ñanninta puriqkuna qawariwaspa tanteariychik: ¿Manachu kay nanayniymanta imapas qokusunkichik? ¿Pitaq kaynaña nanaywan mana ñakariq kanman? Tayta Diosmi piñakuyninpi kaynaña ñakariyta kachaykamuwan.

Lamentaciones 2:13

Jerusalén llaqta, ¿pitaq qampa rantikipi rimarinman? ¿Pimantaq rikchanachikiman sonqoykita tiyachinaypaq? Sión llaqta lamar qocha hina hatunmi llakikuynikiqa, ¿pitaq hampiykusunkiman?

Lamentaciones 4:6

Llaqtamasiykunapa huchanqa Sodomapa huchanmantapas aswan llumpaymi; Sodomaqa mana pipa imanasqallanmi, qonqaymanta puchukachisqa karqa.

Daniel 12:1

Chay tiempopim, Israel llaqtaykita waqaychaq ángel Miguel hatarimunqa. Chay punchawkunaqa ñakariy tiempom kanqa nacionkunapa rikurisqanmantapas chayna ñakariyqa manam haykapipas karqachu; ichaqa chayna kachkaptinmi llaqtaykimanta kaqkuna salvasqa kanqaku, salvasqaqa kanqaku libropi qellqasqa kaqkunallam.

Daniel 9:12

Qamqa ñam cumplirunkiña contraykupi chaynataq kamachiqniykupa contranpi rimasqaykitapas, chaynapim chay hatun ñakariyta hawaykuman chayachimurqanki; sasachakuyqa manam haykapipas Jerusalén llaqtapiqa karqachu.

Oseas 1:11

Judapa chaynataq Israelpa mirayninkunam hukllaman huñunakuspa kamachiqninkutapas chullallataña akllanqaku, tukuy hinastinmantam Jerusalenman kutimunqaku,

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Joel 1:2

¡Kamachikuqkuna kayta uyariychik! ¡Israel runakuna kayta uyariychik! ¿Yaqachum tiempoykichikpi kaykuna pasakurqa otaq ñawpaq taytaykichikkunapa tiemponpipas?

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Joel 2:31

Manchakuypaq hatun punchawniy manaraq chayamuchkaptinmi, intipas tutayanqa, killapas yawaryanqa.

Miqueas 4:9

Chaynaqa, ¿imanasqataq llumpayta qayaykachakunki? ¿Manachum reyniki kapusunki? ¿Consejasuqnikichu wañukun wachakuq warmi hina ñakarinaykipaq? nispa.

Habacuc 3:16

Kaykunata uyariykuspaymi mancharikurqani, simillaypas katkatatarqam, chakillaypas manam sayayta atirqachu, cuerpollaypas mana kallpayuqñam rikurirurqa. Chaywanpas ñoqallayqa qasillallam ñakarichiqniyku llaqtata Diospuni ñakarichinan punchawta suyallasaq.

Zacarías 14:7

Chay punchaw hinaqa manam kanqachu hukqa, chay punchawtaqa Tayta Diosllam reqsin. Chaypiqa manañam punchawpas nitaq tutapas kanqañachu, tutaykuruptinpas achkiqa hinallam kanqa.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Marcos 13:19

Chay punchawkunapiqa hatu-hatun ñakariymi kanqa, chayna ñakariyqa manam kay pachata Dios unanchasqanmanta kunankamapas karqachu, manataqmi qepamanpas kanqachu.

Hechos 2:20

Manaraq Señorpa suma-sumaq punchawnin chayamuchkaptinqa intipas tutayanqam, killapas yawaryanqam.

Romanos 11:26

Chaymantañam llapallan judiokunapas salvasqa kanqaku. Chuya Qellqapim kaynata nin: “Sión llaqtamantam librakuqqa hamunqa, hinaspam Jacobpa mirayninta huchamanta rakinqa.

Apocalipsis 6:17

Cas-tiganan hatu-hatun punchawmi chayaramun. ¡Pitaq chaytaqa aguantanman!” nispanku.