Jeremías 30:22 - CHUYA QELLQA La Biblia en Quechua de Ayacucho 2012

²² Qamkunam llaqtayña kankichik, ñoqañataqmi Diosnikichik kasaq, ñoqa Tayta Diosmi chaynata nini.

Quechua Ayacucho Bible 1987

²² Qamkunam runaykuna kankichik. Ñoqañataqmi kasaq Diosnikichik.

Chuya Qellqa 1992

²² Qamkunam llaqtayña kankichik, ñoqañataqmi Diosnikichik kasaq, ñoqa Tayta Diosmi chaynata nini.

Jeremías 30:22 Iomraidhean Croise

Éxodo 6:7

Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Cantares 2:16

Kuyaqniyqa ñoqapam, ñoqapas paypam kani, payqa rosas chawpikunapim ovejanta michin.

Jeremías 11:4

Chay pactotam ñawpaq taytaykichikkunawan ruwarqani, metal chulluchina hornomanta hurqomuchkaq hina Egipto nacionmanta paykunata hurqomuspay, hinaspaymi kaynata nirqani: Tukuy nisqaykunata kasukuspaykichikqa chaynataq llapallan kamachisqaykunata ruwaspaykichikqa, runaykunam kankichik, ñoqañataqmi Diosnikichik kasaq.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 31:1

Tayta Diosmi kaynata nin: Chay tiempopim Israelpa llapallan mirayninkunapa Diosnin kasaq, paykunañataqmi llaqtay kanqaku, nispa.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 32:38

Paykunam llaqtay kanqaku, ñoqañataqmi Diosninku kasaq.

Ezequiel 11:20

Hinaptinmi kamachikuyniykunaman hina decretoykunaman hina kawsaspanku ruwayman churanqaku. Paykunam llaqtay kanqa, ñoqañataqmi Diosninku kasaq.

Ezequiel 36:28

Ñawpaq taytaykichikkunaman qosqay allpapiña kawsaspam runaykunaña kankichik, ñoqañataqmi Diosnikichik kasaq.

Ezequiel 37:27

Chaynapim paykunawan yachaspa Diosninku kasaq, paykunañataqmi llaqtay kanqaku.

Oseas 2:23

Kikiypaqmi llaqtayta kay pachapi hatarichisaq; mana llakipayanatapas llakipayaykusaqmi, “manam llaqtayñachu kanki” nisqaytapas, “llaqtaymi kanki” niptiymi paypas “Diosnilláy” niwanqa, nispa.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Zacarías 8:8

Kutichimuptiymi Jerusalenpi yachakunqaku, paykunam kanqa llaqtay, ñoqañataqmi Diosninku kasaq, paykunam ñoqapi hapipakunqaku, ñoqañataqmi nanachikuqninku kasaq, nispa.

Mateo 22:32

“Ñoqaqa kani Abrahampa, Isaacpa hinaspa Jacobpa Diosninmi” nisqanta? Diosqa manam wañusqakunapa Diosninchu, aswanqa kawsaqkunapa Diosninmi, nispa.

Hebreos 8:10

Chay punchawkuna pasaruptinmi Israel miraykunawan pactota ruwasaq. Ñoqa Señormi kaynata nini: Leyniykunatam yuyayninkuman churasaq, sonqonkupim qellqasaq, paykunapaqmi Diosninku kasaq, paykunañataqmi llaqtay kanqa.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.