Jeremías 30:2 - CHUYA QELLQA La Biblia en Quechua de Ayacucho 2012

² Ñoqa Israelpa yupaychasqan Tayta Diosmi kaynata nini: Kay rima-payasqay palabrakunata libropi qellqay.

Quechua Ayacucho Bible 1987

² —Israelpa yupaychasqan ñoqa Tayta Diospa tukuy nisqaykunatayá libropi qellqay:

Chuya Qellqa 1992

² Ñoqa Israelpa yupaychasqan Tayta Diosmi kaynata nini: Kay rimapayasqay palabrakunata libropi qellqay.

Jeremías 30:2 Iomraidhean Croise

Éxodo 17:14

Chaymi Moisesta Tayta Dios nirqa: Ama qonqarunaykichikpaq huk libropi kayta qellqay hinaspa Josueyta niy: “Amalec castakunatam kay pachamanta chinkachisaqpuni”, nispa.

Isaías 30:8

Kunanyá paykunapa qayllanpi kay rikusqaykita tablapi qellqay. Libropi qellqaruptiki hamuq punchawkunapi yuyarinankupaq kachun, wiña-wiñaypaq chayna qepachun.

Isaías 8:1

Tayta Diosmi niwarqa: Runakuna leenanpaq hina hatun letrakunawan tablapi qellqay “Maher-salal-hasbaz” niqta.

Jeremías 25:13

Caldea nacionpa contranpi llapallan nisqaykunatam ruwasaq, imaynam kay libropi qellqasqaman hina. Chaykunatam llapa nacionkunapa contranpi profeta Jeremías ñoqapa sutiypi willakurqa.

Jeremías 30:1

Jeremiastam Tayta Dios nirqa:

Jeremías 36:28

Judá nacionpa reynin Joacimpa kañarusqan rollopi qellqachisqay palabrakunatayá huk rollopiña musoqmanta qellqay.

Jeremías 36:32

Neriaspa churin secretario Barucman musoq rollota Jeremías qoykuptinmi, Joacimpa kañasqan rollopi kaq palabrakunata Baruc qellqarqa, chay qellqamanmi Jeremiasqa chayman rikchakuq palabrakunata yapachirqa.

Daniel 12:4

Ichaqa Daniel, kay willasqaykunata libropi wichqay hinaspa tukupay tiempo chayamunankama selloykita churaykuy. Llapa runakunam yachayta maskaspanku kayman chayman purinqaku, nispa.

Romanos 15:4

Ñawpaqta imapas qellqasqa kaqkunaqa yachachiwananchikpaqmi qellqasqa karqa, chaynapi pacienciakuspa chay qellqapa nisqanman hina kallpanchakuspa suyananchikpaq.

1~Corintios 10:11

Tukuy chaykunam ñawpaq taytanchikkunata pasarqa, ejemplonchik kananpaq, chaykunam qellqasqa karqa qepa tiempokunapi yuyayta hapispa allinta kawsananchikpaq.

Deuteronomio 31:19

Kunanyá kay takita qellqaspa Israelpa mirayninkunaman takinankupaq yachachiychik, chaynapi Israelpa mirayninkunapa contranpi testigo kananpaq.

2~Pedro 1:21

Manataqmi profetakunaqa qellqarqa runapa munasqanman hinallachu, aswanqa Chuya Espiritupa yuyay qosqanman hinam Diosmanta rimarqaku.

Apocalipsis 1:11

kayna niqta: Ñoqam kani Qallariypas Tukupaypas. Kay qawasqaykitayá huk libropi qellqaspa Asia lawpi kaq qanchisnintin llaqtakunapi iglesiakunaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman hinaspa Laodiceaman, nispa.

Apocalipsis 1:19

Chaynaqa, rikusqaykikunatayá qellqay, kunan kaqtapas chaynataq qepa punchawkunapi kaqkunatapas.