Jeremías 30:19 - CHUYA QELLQA La Biblia en Quechua de Ayacucho 2012

¹⁹ Chaypi yachaqkunam graciasta qowanqaku, takispankum kusikuymanta qaparinqaku. Mirachiptiymi paykunaqa achkallaña kanqaku, ancha reqsisqata ruwaptiymi manaña pipas uchuychasunkichikñachu.

Quechua Ayacucho Bible 1987

¹⁹ Chaypi yachaqkunam agradecekuwaspanku takinqaku. Runakunam anchallaña kusikuymanta qaparinqaku. Paykunata achkayachiptiymi manaña pisinqakuchu. Ancha reqsisqata ruraptiymi manaña humillachinqakuchu.

Chuya Qellqa 1992

¹⁹ Chaypi yachaqkunam graciasta qowaspanku, takispankum kusikuymanta qaparinqaku. Mirachiptiymi paykunaqa achkallaña kanqaku, ancha reqsisqata ruwaptiymi manaña pipas uchuychasunkichikñachu.

Jeremías 30:19 Iomraidhean Croise

Esdras 6:22

Qanchis punchawmi mana levadurayuq tanta fiestata llumpay kusisqallaña ruwarqaku. Tayta Diosmi Asiria nacionpa reyninwan yanapachirqa Israelpa yupaychasqan Tayta Diospa templon ruwaypi, chayraykum paykunaqa llumpay kusisqallaña karqaku.

Nehemías 8:12

Chaynapim llapa runakunaqa Tayta Diospa kamachikuyninkunata sumaqta yachaykuspanku, kusisqa ripukurqaku mikuspa tomaspa mana mikunayuqkunamanpas mikuyta haywanankupaq.

Nehemías 8:17

Preso apasqa kasqankumanta kutimuqkunam ramadakunata ruwaspanku chaypi yacharqaku. Israelpa mirayninkunaqa, Nunpa churin Josueypa tiemponmantaraqmi manaña chaynataqa ruwarqakuñachu. Chaymi hatun kusikuy karqa.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 26:15

Qanmi nacionpi runakunata mirarachinki, alabasqa kanaykipaqmi mirarachinki, allpakunapa linderonkunatam hatunyarachinki.

Isaías 27:6

Hamuq punchawkunapim Jacobqa sapichakunqa, Israelmi chikllispa sisanqa rurunkunam kay pachata huntaykunqa.

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Isaías 51:11

Tayta Diospa kutichimusqankunaqa, kusikuywan qaparispam Sión llaqtaman kutimunqaku, umankupas wiñaypaq kusikuywan coronasqam yaykunqaku. Ancha kusikuyllapiña tarikuptinkum nanaypas llakikuypas paykunamanta chinkanqa.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Isaías 52:9

Jerusalén llaqtapa tuñichisqa perqankuna kusikuymanta qapariychik, Tayta Diosmi llaqtanta llakipayariykun, Jerusalén llaqtatam libraykun.

Isaías 55:5

Qamqa mana reqsisqayki runakunatam qayanki, mana reqsisuqniki runakunam qanman kallpamusunki; chaynataqa ruwanqaku ñoqa Diosniki, Israelpa Chuya Diosnin, qamta hatunchasqayraykum.

Isaías 60:19

Punchawpas manañam intichu kanchasuqnikiqa kanqa, tutanpas manañam killachu achkisuqnikiqa kanqa, aswanqa Tayta Diosllañam wiñaypaq achkirisunki, Diosnikim wiñaypaq kancharisunki.

Isaías 60:22

Aschalla kaqkunam waranqaman mirarunqa, taksa llaqtachamantam hatun nación hatarinqa. Ñoqa Tayta Diosmi chaytaqa tiemponpi ruwasaq.

Isaías 60:9

Lamar qochapa patanpi nacionkunam ñoqapi hapipakuspa hamuchkanku, Tarsis lawmanta barcokunam ñawpamuchkanku, miraynikikunata karumanta apamuspam hamuchkanku, qori-qollqenkutawan kuskatam apamuchkanku. Ñoqa Tayta Diosta yupaychaqmi hamuchkanku, reqsisqataña ruwasuqniki Israelpa Chuya Diosninraykum hamuchkanku.

Jeremías 17:26

Runakunam Judá nacionpi llaqtakunamanta, Jerusalén llaqtapa muyuriqninmanta, Benjamín lawmanta, qechwa lawkunamanta, orqo lawkunamanta hinaspa Neguev lawmanta hamunqaku; hinaspam animalkunata lliw kañana sacrificiopaqwan wakin sacrificiokunapaq apamunqaku; apamunqakutaqmi kawsaykunamanta ofrendatawan inciensotapas chaynataq Tayta Diosman graciasta qonapaq ofrendakunatapas.

Jeremías 3:16

Chay punchawkunapiqa, kay allpapi miraruspa achkallaña churiyuq kasqaykichikraykum, Tayta Diospa pacto ruwasqan Arcamantapas manaña rimankichikñachu, pasaypaqta qonqaruspam manaña watukunkichikñachu, nitaqmi huk Arcatapas ruwankichikñachu. Ñoqa Tayta Diosmi chaynata nini.

Jeremías 31:27

Tayta Diosmi kaynata nin: Hamuchkanmi punchaw Israel naciontawan Judá nacionta runakunawan hinaspa animalkunawan huntachinaypaq.

Jeremías 31:4

Israelpa mirayninkuna, kaqmantam hatarichisqaykichik; sipasta hina pacharachiptiymi panderetaykichikta hapispa kusikuymanta tusuq lloqsinkichik.

Jeremías 33:22

Serviqniy Davidpa mirayninkunatawan Leviypa mirayninkunatam achkallataña mirachisaq, cielopi chaskakuna hina chaynataq lamar qochapa patanpi aqokuna hina manaña yupay atina kanankukama, nispa.

Ezequiel 36:37

Ñoqa Tayta Diosmi kaynata nini: Chaywanpas ñoqaqa Israel llaqtapa qayakusqanraqmi kasaq kaykuna ruwanaypaq: Paykunatam ovejakunata hina achkallataña mirarachisaq.

Ezequiel 37:10

Tayta Diospa kamachiwasqanman hina profetizaptiymi, chay kawsachikuq samayqa wañusqakunaman yaykururqa, hinaptinmi kawsariruspa sayarirurqaku. Paykunaqa nana-nanaq tropakuna hinañam karqaku.

Ezequiel 37:26

Hawka kawsakunankupaqmi pay-kunawan pactota ruwasaq. Chay pactoqa wiñaypaqmi kanqa. Paykunata anchallataña mirachispaymi temploytapas chawpinkupi wiñaypaq churasaq.

Zacarías 10:8

Salvaykuspaymi silbarispay paykunata huñurusaq, hinaptinmi pasaq tiempokunapi hinaraq achkallaña kanqaku.

Zacarías 12:8

Chay punchawpim Jerusalenpi yachaqkunata Tayta Dios waqaychanqa; chay tiempopiqa manchati runapas rey David hinam allinnin qari-qari kanqa, rey Davidpa mirayninkunañataqmi Dios hinaraq kanqaku, ñawpaqninkuta riq Tayta Diospa angelnin hinaraqmi kanqaku.

Zacarías 2:4

nirqa: Kallpaspayki wak tupuna cordel aparisqa riq joventa kaynata nimuy: Manaña yupay atina runakuna chaynataq animalkuna chaypi yachasqanraykum Jerusalenqa mana murallayuqña kanqa, nispa.

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Juan 17:22

Hatunchawasqaykiman hi-nam ñoqapas paykunata hatuncharqani, chaynapi qanwan huklla kasqanchikpi hina paykunapas huklla kanankupaq.

1~Pedro 1:7

Qoripa allin kas-qantapas otaq mana allin kasqantapas yachanapaqqa ninapim chulluchinku, chaynam iñiynikichikpas pruebasqa kanqa. Tukuruqlla qorimantapas chay iñiynikichikmi aswanqa valen. Jesucristo rikurimuptinmi chay iñiynikichikqa alabasqa, qapaqchasqa hinaspa hatunchasqa kanqa.