Jeremías 30:18 - CHUYA QELLQA La Biblia en Quechua de Ayacucho 2012

¹⁸ Tayta Diosmi kaynata nin: Jacobpa mirayninkunatam preso risqankumanta kutichimusaq, maymi yachanankunamantam llakipayarikusaq, llaqtanpas maymi tuñisqanpim kaqmanta hatarichisqa kanqa, palaciopas maymi kasqanpim hatarichisqa kanqa.

Quechua Ayacucho Bible 1987

¹⁸ Tayta Diosmi kaynata nin: Jacob casta runakunapa *f**yachanantam favorecesaq. Paykunapa *f**yachanankunamantam llakipayarikusaq. Tuñirusqan sitiopim llaqtapas hatarichisqa kanqa. Palaciopas maymi kasqanpim hatarichisqa kanqa.

Chuya Qellqa 1992

¹⁸ Tayta Diosmi kaynata nin: Jacobpa mirayninkunatam preso risqankumanta kutichimusaq, maymi yachanankunamantam llakipayarikusaq, llaqtanpas maymi tuñisqanpim kaqmanta hatarichisqa kanqa, palaciopas maymi kasqanpim hatarichisqa kanqa.

Jeremías 30:18 Iomraidhean Croise

1~Crónicas 29:1

Chaymantam llapallan huñunasqa runakunata rey David nirqa: Diosmi templonta ruwananpaq churiy Salomonta akllaykun, payqa warmallaraqmi, yuyayninpas manam huntasqaraqchu, ruwananmi ichaqa ancha hatun; payqa manam runapa wasintachu ruwanqa aswanqa Tayta Diospa wasintam.

1~Crónicas 29:19

Churiy Salomonmanpas allin sonqotayá qoykuy, chaynapi kamachikuynikikunata decretoykikunata, yachachikuynikikunata kasukuspan kay alistasqay kaqkunawan temploykita ruwananpaq, nispa.

Nehemías 7:4

Llaqtaqa hatunmi karqa, chaypi yachaqkunam ichaqa aslla karqaku, tuñichisqa wasikunata manaraq hatarichisqankurayku.

Isaías 44:26

Serviqniykunapa rimasqantam ichaqa cumplichini, kachasqaykunapa willakuyninkutapas allintam qespichini, chaymi ima ruwayninkupas allin lloqsin. Jerusalentam nini: Llaqtayankim nispay; Judatañataqmi nini: Kaqllamantam hatarichisqa kanki, tuñichisqa perqaykikunatam musoqmanta hatarichisaq, nispay.

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Jeremías 23:3

Cheqechisqay nacionkunamantam wakin ovejaykunata kikiypuni huñumusaq. Mikunanku pastokunaman kutichimuptiymi achkallataña miranqaku.

Jeremías 29:11

Qam-kunapa allinnikichikpaq imam ruway munasqaytaqa sumaqtam yachani. Qamkunapa allinnikichiktam tanteachkani, manam mana allinnikichiktachu, chaynapi hamuq punchawkunapi hawka kawsakunaykichikpaq. Ñoqa Tayta Diosmi chaynata nini.

Jeremías 29:14

Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Jeremías 31:23

Israelpa yupaychasqan Tukuy Atiy-niyuq Tayta Diosmi nin: Preso apasqa runakunata kutichimuptiymi kay Judá allpapi hinaspa llaqtankunapipas kaqllamanta ninqaku: “Tayta Diosyá bendecichun sapaqchakusqan moqota, allin ruwaypa kanan moqota”, nispanku.

Jeremías 31:38

Ñoqa Tayta Diosmi kaynata nini: Hamuchkanmi punchaw, Hananeelpa torrenmanta qallaykuspa esquina punkukama llaqtayta musoqmanta hatarichinankupaq.

Jeremías 31:4

Israelpa mirayninkuna, kaqmantam hatarichisqaykichik; sipasta hina pacharachiptiymi panderetaykichikta hapispa kusikuymanta tusuq lloqsinkichik.

Jeremías 31:40

Chaymantam ayakuna wischunanku lawninta hinaspa uchpa wischunanku wayqonta chutarikunqa Cedrón wayqonta intipa qespimunan lawpi Caballokunapa yaykunanwan sutichasqa punkukama. Tukuy chaykunam ñoqa Tayta Diospaq sapaqchasqa kanqa. Chay llaqtaqa manañam haykapipas tuñichisqachu nitaq purmachisqachu kanqa.

Jeremías 32:15

Israelpa yupaychasqan Tukuy Atiyniyuq Tayta Diosmi kaynata nin: Kay nacionpiqa yapatawanmi wasikunata, chakrakunata chaynataq uvas huertakunatapas rantinqaku, nispa.

Jeremías 32:44

Chakrakunata qollqewan rantispaykichikmi escrituratapas sellachispa testigokunawan firmachinkichik. Chay-natam ruwankichik Benjamín allpapi, Jerusalén llaqtapa muyuriqninkunapi, Judá nacionpi kaq llaqtakunapi, orqokunapi kaq llaqtakunapi, pampakunapi kaq llaqtakunapi chaynataq Neguev law llaqtakunapipas. Chaynaqa, kanqa Babiloniaman preso apasqakunata kutichimuptiymi. Ñoqa tayta Diosmi chaynata nini.

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Jeremías 33:7

Judá runakunatawan Israel runakunata preso risqankumanta kutichimuptiymi, ñawpaq tiempokunapi hinaraq kaqllamanta hatarichisqa kanqaku,

Jeremías 46:27

Serviqniy Jacob, qamqa amayá manchakuychu. Qamtaqa miraynikikunatawan kuskatam karu nacionkunamanta libramusqayki, preso risqayki nacionkunamantam libramusqayki, hinaptinmi hawkalla kawsakunki, manañam pipas manchachisunkiñachu.

Jeremías 49:39

Chaywanpas tukupay punchawkunapim Elam nacionmanta preso apasqakunata kutichimusaq. Ñoqa Tayta Diosmi chaynata nini.

Jeremías 49:6

Chaykunapa qepantam Amonmanta preso apasqakunata kutichimusaq. Ñoqa Tayta Diosmi chaynata nini.

Ezequiel 36:11

Qamkunapi kaq runakunatapas, animalkunatapas ñoqam mirachisaq. Chaynapim paykunaqa nana-nanaqta miranqaku. Ñawpaq tiempopi hinaraqmi qamkunataqa chaypi kawsachisqaykichik. Qamkunataqa ñawpaq tiempomantapas aswan allintaraqmi ruwasqaykichik. Chaynapim Tayta Dios kasqayta yachankichik.

Amós 9:14

Israel llaqtaytam preso risqanmanta kutichimusaq; pay-kunam tuñichisqa llaqtakunata hatarichispa chaypi yachanqaku. Uvasta tarpuspam vinotapas upyanqaku, chakrakunapi tarpuspam rurunta mikunqaku.

Zacarías 1:12

Chaymi Tayta Diospa angelnin qaparirqa kaynata: ¡Tukuy Atiyniyuq Tayta Dios, qanchis chunka watañam Jerusalenpaqwan Judá nacionpaq piñakurunki! ¿Hayka unayraqtaq pasanqa paykunata llakipayarinaykipaq? nispa.

Zacarías 1:16

Chayraykum Tayta Dios kaynata nin: Kunanmi Jerusalén llaqtata yapamanta llakipayaykusaq, hinaptinmi temploypas chaynataq Jerusalenpas musoqmanta hatarichisqa kanqa, nispa.

Zacarías 12:6

Chay punchawpim Judá nacionpi kamachiqkunata yanta chawpipi sansata hina ruwarusaq chaynataq gavillakunapa chawpinpi ratachkaq ninata hina, hinaptinmi muyuriqninpi nacionkunata alleq lawman ichoq lawman paykuna kañanqaku. Jerusalenpi runakunañataqmi hina llaqtankupi yachanqaku.

Zacarías 12:7

Tayta Diosmi Judá naciontaraq puntata salvaykunqa, chaynapi Davidpa castankunawan Jerusalenpi yachaqkuna, Judá nacionpi mana hatunchakurunankupaq.

Zacarías 14:10

Kay allpam Geba lawmanta qallaykuspa Jerusalenpa sur lawninpi Rimón lawkama pampayanqa. Jerusalenmi ichaqa maymi kasqanpi takyanqa, chaypim runakuna yachanqaku Benjaminpa punkunmanta qallaykuspa esquina punkukama otaq ñawpaq tiempopi kaq punkukama chaynataq Hananeelpa torrenmanta qallaykuspa reypa lagarninkunakama.