Jeremías 30:17 - CHUYA QELLQA La Biblia en Quechua de Ayacucho 2012

¹⁷ Ñoqa Tayta Diosmi kaynata nini: “Sión moqopi llaqtaqa wischusqañam, manañam pipas nanachikunñachu” niptinkupas ñoqam heridaykikunamanta hampisqayki, onqoynikitapas ñoqam sanoyachisqayki, nispa.

Quechua Ayacucho Bible 1987

¹⁷ Ñoqa Tayta Diosmi nini: “Sion Moqopi llaqtaqa wischusqañam” niptinkupas, “Manañam pipas nanachikunchu” niptinkupas qamtaqa sanoyachisqaykim. Heridaykikunamantaqa hampisqaykim.

Chuya Qellqa 1992

¹⁷ Ñoqa Tayta Diosmi kaynata nini: “Sión moqopi llaqtaqa wischusqañam, manañam pipas nanachikunñachu” niptinkupas ñoqam heridaykikunamanta hampisqayki, onqoynikitapas ñoqam sanoyachisqayki, nispa.

Jeremías 30:17 Iomraidhean Croise

Jobwan Sutichasqa Libro 5:18

Diosqa runata heridaruspanpas hina kikillantaqmi hampiykun, pimanña nanayta qoykuspanpas hina payllataqmi hampiykun.

Éxodo 15:26

Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Isaías 11:12

Banderatam nacionkunapaq sayachinqa, huklaw nacionkunaman apasqa kasqankumantam Israel runakunata huñumunqa. Judá nacionmanta cheqechisqakunatam lliw kay allpa pachapa patanmanta huñumunqa.

Isaías 30:26

Hinaptinmi killapa achkiyninpas intipa achkiynin hinaraq kanqa, chaynataqmi intipas qanchis kuti mastaraq kancharinqa, imaynam qanchis punchawpi kanchayninta hina. Chaynam kanqa runankunapa isunta kikinpa isuchasqanta Tayta Dios wataspan hampisqan punchawpi.

Isaías 33:24

Sión llaqtapi yachaqkuna, manañam mayqannikichikpas ninkichikñachu: “Onqochkanim” nispaqa. Diosmi chaypi yachaqkunapa huchanta pampachanqa.

Isaías 54:6

Qosan saqeruptin llakisqa sonqoyuq warmita hinam, sipasllaraq kayninpi qosanpa saqesqan warmita hinam, Tayta Dios qayasurqanki, hinaspam nisunki:

Isaías 56:8

Israel runakunata preso kasqankumanta kutichimuq Tayta Diosmi kaynata nin: Chay kutichimusqay llaqtamanmi huk runakunatawanraq huñumusaq, nispa.

Isaías 57:18

Imaynam kawsasqantam qawarqani, chaywanpas hampispaymi payta michisaq, paytaqa ñoqam hawkayachisaq, llakinkunamantam consuelasaq.

Isaías 57:19

Ñoqa Tayta Diosmi llapallankuta rimachisaq: “Karupi kaqkunapas, hichpapi kaqkunapas hawkallayá kachunku”, nispa. Llaqtaytaqa ñoqam hampisaq.

Isaías 58:8

Chaynata ruwaptikiqa ruwaynikikunam achikyaq kanchay hinaraq kancharinqa, onqoynikikunamantapas chayllam sanoyanki. Allin ruwasqaykikunam ñawpaqnikita rinqa, ñoqa Tayta Diospa kanchariyniyñataqmi qepaykita hamunqa.

Isaías 60:15

Saqesqa, cheqnisqa hinaspa manaña pipapas purinan kanaykimantaqa, wiñaypaq reqsisqatam ruwasqayki, miraykunapa kusikunanpaqmi wiñaypaq churasqayki.

Jeremías 10:20

Carpaykunatam llikiparunku, waskankunatam lliw tipiparunku. Churiykunapas saqeruwaspam wañurunku; manañam carpay sayachiqpas kanñachu, toldoy chutaqpas manam kanñachu.

Jeremías 17:14

Dios Taytalláy, hampiykuwaptikiqa sanoyasaqmi, salvaykullawaptikiqa salvakusaqmi, qamllatam yupaychasqayki.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 30:13

Nanachikusuqnikipas manam kanñachu, heridaykikuna hampiykuqpas manam kanñachu, onqoynikipas mana hampiy atinam.

Jeremías 33:24

¿Manachu uyarirqanki huklaw nacionpi kaqkunapa rimasqanta? Paykunam nichkanku: “Tayta Diosmi akllasqan iskaynin ayllukunata cheqnipakurun”, nispanku. Chayraykum llaqtayta mana kaqpaq hina hapispanku manaña nacionta hinañachu qawanku.

Jeremías 33:6

Chaywanpas llaqtaytaqa hampispaymi sanoyachisaq, paykunataqa imankumantapas mana pisisqatam hawkallata hinaspa mana pipapas imanasqanta kawsachisaq.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Lamentaciones 2:15

Haykam ñanninta puriqkunam makinta taqllakuspa asikusunki, umankutapas aywirisparaqmi qanmanta kaynata ninku: ¿Kay llaqtatachu “suma-sumaq Jerusalén” llaqta nirqaku? ¿Kay llaqtamantachu llapallan nacionkunapa kusikunan llaqta nirqaku? nispanku.

Ezequiel 34:16

Chinkasqa ovejakunatam maskamusaq, chullaruqtam kutichimusaq, chakin pakisqakunatam wataykusaq, eqoyasqakunatam marqarikusaq. Poqosqakunatawan kallpasapankunatam ichaqa puchukarachisaq, imam kaqman hinam michisaq.

Ezequiel 35:12

Chaynapim yachanki Israel lawpi orqokunamanta burlakuspa rimasqaykita ñoqa Tayta Dios uyarisqayta. Qanmi nirqanki: “Purmachisqam kachkanku, kunanqa ñoqanchikpañam kanqa”, nispayki.

Ezequiel 36:20

Maylaw nacionmanña rispapas ñoqapa chuya sutiytam penqayman churarqaku. Runakunam kaynata niqku: “Kay runakunaqa Tayta Diospa runankuna kachkaspapas nacionninkumantam lloqsiramunku”, nispanku.

Oseas 11:3

Ñoqam Efraín llaqtata makinmanta pusaspa puriyta yachachirqani, chaywanpas manam reqsikurqakuchu waqaychaqninku kasqayta.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

1~Pedro 2:24

Kikin Cristom chakatasqa kaspan cuerponpi tukuy huchanchikkunata aparqa, chaynapi huchapaq wañusqaña kaspa allintaña kawsananchikpaq. Cristopa heridasqa kasqanwanmi sanoyayta haypankichik.

Apocalipsis 22:2

Chay llaqtapa callenpa chawpinpiñataqmi mayupa kaylaw-waklawninpi kawsay qokuq sacha wiñasqa. Chay sachaqa killan-killanmi rurusqa watapi chunka iskayniyuq kutita, llaqenkunañataqmi kasqa kay pachapi llapallan runakuna hampikunankupaq.