Jeremías 30:16 - CHUYA QELLQA La Biblia en Quechua de Ayacucho 2012

¹⁶ Mikuchkaq hina tukusuqnikikunapas tukusqam kanqaku, llapallan enemigoykikunapas preso apasqam kanqaku, sarutyasuqnikikunapas sarutyasqam kanqaku, llapa kapuqnikikuna suwasuqnikikunapas suwasqam kanqaku.

Quechua Ayacucho Bible 1987

¹⁶ Mikuchkaq hina tukusuqniki runakunaqa tukusqam kanqaku. Llapallan contraykipi kaqkunaqa preso pusasqam kanqaku. Saqueasqam kanqaku saqueaqnikikunaqa. Qechusqam kanqaku qechusuqnikikunaqa.

Chuya Qellqa 1992

¹⁶ Mikuchkaq hina tukusuqnikikunapas tukusqam kanqaku, llapallan enemigoykikunapas preso apasqam kanqaku, sarutyasuqnikikunapas sarutyasqam kanqaku, llapa kapuqnikikuna suwasuqnikikunapas suwasqam kanqaku.

Jeremías 30:16 Iomraidhean Croise

Éxodo 23:22

Nisqanta uyarispayki tukuy kamachisqayta kasukuptikim ichaqa enemigoykikunapa enemigon kaspay paykunata ñakarichisaq.

Proverbios 22:23

Paykunamantaqa Tayta Diosmi nanachikun, imallantapas qechuqtaqa Tayta Diosmi ñakarichinqa. -2-

Isaías 14:2

Achka nacionkunam Israelpa mirayninkunata chaskispanku nacionninkuman riysinqaku. Israelpa mirayninkunañataqmi chay runakunata warmitapas qaritapas criadonkupaqña hapikuykunqaku, chaynaqa kanqaku Tayta Diospa qosqan allpapim. Presochaqninkutam preso-chanqaku, ñakarichiqninkunapim mu-naychakunqaku.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Isaías 54:15

Sichum pipas contraykipi hatarimuspanqa manam ñoqapa yanapasqaychu hatarimunqa. Pitapas contraykipi hatarimuqtaqa vencenkipunim.

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Jeremías 10:25

Piñakuynikiqa mana reqsisuqniki nacionkunamanyá chayachun, mana yupaychasuqniki nacionkunamanyá chayachun. Paykunaqa Jacobpa mirayninkunatam chinkarachirqaku, chinkarachispam pasaypaqta wasillankutapas purmarachirqaku.

Jeremías 12:14

Israelpa mana allin vecinonku-namantam Tayta Dios kaynata nin: Israelman qosqay allpa qechuqkunatam maymi kasqankumanta hurqorusaq. Judá llaqtaytapas paykuna ukumantam hurqomusaq.

Jeremías 2:3

Israel runakunaqa sapaqchakusqaymi karqankichik, cosechaypa punta kaq rurunmi karqankichik. Pipas dañasuqnikikunataqa, hatun sasachakuykunawanmi ñakarichirqani, nispa. Ñoqa Tayta Diosmi chaynata nini.

Jeremías 25:12

Qanchis chunka wata pasaruptinmi, Babilonia nacionpa reynintawan Caldea nacionniyuq runakunata, mana allinkuna ruwasqankumanta puchukarachisaq. Ñoqa Tayta Diosmi chaynata nini.

Jeremías 30:15

¿Imanasqataq heridaykirayku qaparinki? Onqoynikiqa mana hampiy atinam. Mana allinkuna ruwasqaykiraykum, llumpay huchaykiraykum chaynataqa ruwarqayki.

Jeremías 50:28

Babiloniamanta lluptiqkunapa qayakuyninmi uyarikun, Tayta Diospa vengakusqantam Sión llaqtapi willakuchkanku, templon tuñichisqankumanta vengakusqantam willakuchkanku.

Jeremías 8:16

Caballonkunapa samatyasqanpas Danpa allpanmantaraqmi uyarikuchkan, caballokunapa weqeqeqeyninwanmi allpapas katkatatachkan, llaqtatawan tukuy imankunata tuñichiqmi hamuchkan, chaypi yachaqkunata wañuchiqmi hamuchkan, nispanku.

Lamentaciones 1:21

Runakunam ñakakusqayta uyarinku, ichaqa manam pipas sonqollayta tiyaykachiq kanchu. Enemigoykunam ñakarisqayta yacharurqaku, chay ruwasqaykimantam paykuna kusikurqaku. Nisqayki punchawta chayachimuyña, ñoqa hina paykunapas ñakarinankupaq.

Lamentaciones 1:22

Qampa qayllaykiman mana allin ruwasqanku chayamuchun; huchankumanta paykunatapas castigay ñoqata castigawasqaykita hina. Llumpay waqasqaypim, sonqollaypas wañunayachkanña.

Ezequiel 29:6

Chaynapim Egipto nacionpi llapallan runakunaqa, Tayta Dios kasqayta yachankichik. Israelpa mirayninkunam yanapanaykipaq maskasurqanki, ichaqa soqos hinallam karqanki.

Ezequiel 35:5

Qamqa Israelpa mirayninkunapa wiñaypaq enemigonmi karqanki, mana allin ruwasqankumanta ñakariypi kachkaptinkupas guerrawanraqmi paykunataqa hapirqanki.

Joel 3:8

Chu-rikichikkunatam qaritapas warmitapas Judá nacionman rantikusaq, paykunañataqmi Sabá llaqtayuq runakunamanwan mana reqsisqa nacionkunaman rantikunqaku. Tayta Diosmi chaynata nin.

Miqueas 4:11

Kunanqa achkallaña nacionkunam qampa contraykipi huñunakuruspa ninku: “Sión llaqta millakuypaq ruwasqa kasqanta qawaspa asikusun”, nispanku.

Miqueas 7:10

Chayta qawaspanmi, ¿maytaq Tayta Diosnikiqa? niwaqniy enemigoypas penqakuymanta pakakunqa. Ñoqañataqmi ñanpi mituta hina sarusqata qawaspay kusikusaq.

Nahúm 1:8

Contranpi hatariqkunatam ichaqa lloqlla hinaraq chinkarachin, enemigonkunataqa tutayaypipas qatikachanmi.

Habacuc 2:16

Alabasqa kanaykimantam penqaypi kanki, Diospunim sinkachisuspayki qampatapas penqaynikita qawachinqa, hinaspam reqsisqa kaynikitapas pasaypaq penqayman tikranqa.

Sofonías 2:8

Tukuy Atiyniyuq Tayta Diosmi kaynata nin: Moab runakunapa, Amón runakunapa kamikuynintam uyariruni, paykunam llaqtayta penqayman churaspanku llaqtaypa allpanwan allpankutapas miraykachikurqaku.

Zacarías 1:14

Chaymi rimapayawaqniy ángel kamachiwarqa kaynata willakunaypaq: Tukuy Atiyniyuq Tayta Diosmi kaynata nin: Ñoqaqa anchatam Siontawan Jerusalén llaqtata kuyani.

Zacarías 1:15

Ichaqa mana imapas qokuq nacionkunapaqmi llumpayta piñakuruni. Tumpallataraq piñakusqayraykum paykuna aswanraq mana allinta ruwarqaku.

Zacarías 12:2

Ñoqam Jerusalenta muyuriqninpi nacionkunapaq sinkachikuq vasota hina churani. Chay llaqtakunam Jerusalenta muyuriruspanku, Judapa wakin llaq-tankunatapas atacanqaku.

Zacarías 14:2

Tayta Diosmi kaynata nin: Chay punchawpim llapa nacionkunata hatarirachisaq Jerusalenpa contranpi peleanankupaq. Hinaspam llaqtata venceruspanku wasikunata salteaspa warmikunatapas abusanqaku. Llapa runatam partenta presota apanqaku, puchuqkunañataqmi hinapi qepanqaku, nispa.

Zacarías 2:12

Tayta Diosmi Judá nacionpi, ancha kuyasqan allpapi huktawan munaychakunqa, Jerusalentapas huktawanmi llaqtanpaq akllaykunqa.

Zacarías 2:8

Tukuy Atiyniyuq Tayta Diosmi, tukuy imaykichiktapas qechusuqnikichik nacionkunaman kayta willamunaypaq kachawarqa: Pipas qamkuna llapchaykuqqa, ñawi ruruytam llapchaykun.

Deuteronomio 30:7

Hinaptinmi Señornikichik Tayta Dios, kay ñakay-kunata enemigoykichikman, cheqnispa qatikachasuqnikichikkunaman kacharinqa.

Apocalipsis 13:10

Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.

1~Samuel 17:53

Qatisqankunamanta kutiramuspankuñataqmi, Israel tropakunaqa Filistea tropakunapa campamentonmanta llapa imata apakurqaku.