Jeremías 30:15 - CHUYA QELLQA La Biblia en Quechua de Ayacucho 2012

¹⁵ ¿Imanasqataq heridaykirayku qaparinki? Onqoynikiqa mana hampiy atinam. Mana allinkuna ruwasqaykiraykum, llumpay huchaykiraykum chaynataqa ruwarqayki.

Quechua Ayacucho Bible 1987

¹⁵ ¿Imanasqataq heridaykirayku qaparinki? Manaña hampiy atinam qampaqa nanayniki. Mana allin rurasqaykiraykum rurarqayki chaynataqa. Achkallaña huchaykikuna kasqanraykum rurarqayki chaynataqa.

Chuya Qellqa 1992

¹⁵ ¿Imanasqataq heridaykirayku qaparinki? onqoynikiqa mana hampiy atinam. Mana allinkuna ruwasqaykiraykum, llumpay huchaykiraykum chaynataqa ruwarqayki.

Jeremías 30:15 Iomraidhean Croise

Esdras 9:13

Mana allinkuna ruwasqaykurayku llumpa-llumpay huchaykurayku hatun sasachakuykuna hamuwachkaptinkupas, qamqa Diosnillayku, manam huchaykuman hinachu castigawarqankiku aswanqa wakiqllaykutapas libraykuwankikuraqmi.

Jobwan Sutichasqa Libro 34:29

Sichum Dios upallaruptin ¿pitaq payta acusanman? Sichum Dios uyanta pakaykuptin ¿pitaq qawayta atinman? Diosqa llaqtakunatapas runakunatapas qawachkanmi,

Jobwan Sutichasqa Libro 34:6

Llullach kanman “huchayuqmi kani” niptiyqa, mana pantaruq kachkaptiypas nanayniymi manaña alliyarinchu, nispa.

Isaías 1:6

Chaki pampaykichikmanta uma puyuknikichikkamam mana imaykichikpas sanoqa kanchu, aswanqa toqyasqa, punkisqa, mana pipa hampisqan, mana pipa watasqan, mana pipapas aceitewan llusiykusqan kichasqa heridakunallam kachkan.

Isaías 5:2

Rumicharuspanmi barbecharqa, miski ruruq uvaspa estacantam plantarqa. Cuidananpaqmi chakrapa chawpinpi chukllata ruwarqa, uvasta sarunapaqmi pozota ruwarqa. Miski uvasta rurunantam payqa suyarqa, ichaqa puchqo uvasllatam cosecharurqa.

Jeremías 11:13

Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 15:18

¿Imanasqataq kay nanayniyqa manaña tukuq? ¿Imanasqataq kay heridaykunaqa manaña hampiy atina? ¿Chakiruqlla yaku hinachu ñoqapaq rikurirunki? ¿Mana yakuyuq pukyu hinachu ñoqapaq rikurirunki? nispa.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 30:12

Ñoqa Tayta Diosmi kaynata nini: Heridaykiqa mana hampiy atinam, onqoynikipaqqa manam hampi kanchu.

Jeremías 30:14

Waynaykikunapas qonqarusunkiñam, manañam yuyasunkiñachu, enemigoyki hinam ñakarichirqayki, huchaykikuna llumpay kasqanraykum llumpayta ñakarichirqayki.

Jeremías 30:16

Mikuchkaq hina tukusuqnikikunapas tukusqam kanqaku, llapallan enemigoykikunapas preso apasqam kanqaku, sarutyasuqnikikunapas sarutyasqam kanqaku, llapa kapuqnikikuna suwasuqnikikunapas suwasqam kanqaku.

Jeremías 30:17

Ñoqa Tayta Diosmi kaynata nini: “Sión moqopi llaqtaqa wischusqañam, manañam pipas nanachikunñachu” niptinkupas ñoqam heridaykikunamanta hampisqayki, onqoynikitapas ñoqam sanoyachisqayki, nispa.

Jeremías 46:11

Egipto runakuna, Galaad lawman hampi maskaq riychik. Yanqapaqñam hampikunatapas apamunkichik, qampaqqa manañam hampi kanchu.

Jeremías 6:13

Paykunaqa hatunpas taksapas llapallankum apuyayllamanña qokurunku, profetankunawan sacerdotenkunapas engañakuqllañam rikurirunku.

Lamentaciones 1:5

Enemigonkunam paykunapi munaychakuchkan, contranpi kaqkunam chaninchasqa kachkanku. Tayta Diosmi llumpay huchanmanta ñakarichichkan, wawankunam enemigonpa preso apasqan richkanku.

Lamentaciones 2:13

Jerusalén llaqta, ¿pitaq qampa rantikipi rimarinman? ¿Pimantaq rikchanachikiman sonqoykita tiyachinaypaq? Sión llaqta lamar qocha hina hatunmi llakikuynikiqa, ¿pitaq hampiykusunkiman?

Lamentaciones 3:39

¿Imanasqataq runa quejakun huchapi kawsachkaspaqa?

Lamentaciones 4:13

Chaykunaqa pasakurqa profetakunapa huchanmantam, sacerdotekunapa mana allinkuna ruwasqanmantam, inocente runakunata llaqta ukupi wañuchisqankumantam.

Miqueas 1:9

Samariapa heridanqa mana hampiy atinam, chay heridanmi Judá nacionkamaña chayarun, yachanay llaqtapa punkunkamañam, Jerusalén llaqtapa punkunkamañam chayarun.

Miqueas 7:9

Tayta Diospa contranpi huchallikurusqayraykum piñakuynintapas aguantasaq, chaykamam imam ruwasqaymanta juzgawaspan allin arreglota ruwawanqa. Payqa achkiymanmi hurqowanqa, allin ruwaynintam qawaykachiwanqa.

Nahúm 3:19

Nanaynikipaqpas manam hampi kanchu, heridaykiqa mana hampiy atinam. Tuñisqaykimanta uyariqkunam taqllakuspa kusikunku. ¿Pitataq mana ñakarichiqchu kanki mana allin ruwaynikikunawan? nispa.