Jeremías 30:14 - CHUYA QELLQA La Biblia en Quechua de Ayacucho 2012

¹⁴ Waynaykikunapas qonqarusunkiñam, manañam yuyasunkiñachu, enemigoyki hinam ñakarichirqayki, huchaykikuna llumpay kasqanraykum llumpayta ñakarichirqayki.

Quechua Ayacucho Bible 1987

¹⁴ Kuyaqnikikunaqa manañam yuyasunkiñachu. Qanmantaqa manañam tapukunkupasñachu. Mana allinllataña rurasqaykiraykum enemigoyki hina castigarqayki. Huchaykikuna achkallaña kasqanraykum llumpayllataña corregirqayki.

Chuya Qellqa 1992

¹⁴ Waynaykikunapas qonqarusunkiñam, manañam yuyasunkiñachu, enemigoyki hinam ñakarichirqayki, huchaykikuna llumpay kasqanraykum llumpayta ñakarichirqayki.

Jeremías 30:14 Iomraidhean Croise

Jobwan Sutichasqa Libro 16:9

Diosmi ñoqapaq llumpayta piñakurun, qatikachawaspanmi llikiparuwan; enemigonpaqñam hapiruwan, cheqnikuywan qawawaspanmi kiruntapas kachupakurun.

Jobwan Sutichasqa Libro 19:11

Piñakuynintam contraypi kachaykamun, enemigonpaqñam hapiruwan.

Jobwan Sutichasqa Libro 30:21

Mana llakipayakuqñam ñoqawanqa rikurirunki, piñakuywanmi qamqa ñakarichiwanki.

Isaías 57:13

Maynataña qayakuptikipas millakuypaq idoloykikunaqa manam librasunkichu, chaykunataqa sinchi wayram aparuspa chinkarachinqa. Ñoqapi hapipakuqkunam ichaqa herencianpaq allpata chaskinqaku, ñoqapaq sapaqchasqa orqopim yachanqaku.

Jeremías 14:17

Payku-namanmi kaynata ninki: Llaqtay hatun sasachakuypi kasqanmanta, llumpay heridasqa kasqanmanta, tuta punchaw mana samaykuspa weqeykuna sutuchun.

Jeremías 2:36

¿Imanasqataq kaypi chaypi yanapakuyta maskanki? Asiria nacionpa penqayman churasusqaykita hinam, Egipto nacionpas penqayman churasunki.

Jeremías 22:20

Jerusalén llaqta, Líbano orqoman qespispa qayakuy, Basán law orqokunapi qapariy, Abarim law orqokunaman quespispa qayaykachakuy, waynaykikunam lliw vencerachikun.

Jeremías 22:22

Kamachiqnikikunam wayrapa apasqan kanqaku, waynaykikunam preso apasqa kanqaku; tukuy mana allinkuna ruwasqaykimantam penqaypi tarikuspa uchuychasqa kanki.

Jeremías 30:15

¿Imanasqataq heridaykirayku qaparinki? Onqoynikiqa mana hampiy atinam. Mana allinkuna ruwasqaykiraykum, llumpay huchaykiraykum chaynataqa ruwarqayki.

Jeremías 32:29

Caldea runakunam yaykuramuspanku kay llaqtata kañaykunqaku. Kañaykun-qakum Baal idolokunaman incien-sota kañananku chaynataq wakin idolokunaman vino tallinanku altosniyuq wasikunatapas, chaykunatam ruwarqaku ñoqata piñachiwanankupaq.

Jeremías 32:30

Israelpa mirayninkunawan Judapa mirayninkunaqa warma kasqankumantapunim mana allinkunata qayllaypi ruwarqaku. Israelpa mirayninkunaqa, idolokunata ruwakuspankum piñachiwarqaku. Ñoqa Tayta Diosmi chaynata nini.

Jeremías 32:34

Ñoqapaq sapaqchasqa temploytapas, millakuypaq idolokunata churaruspankum millakuypaqtaña ruwarunku.

Jeremías 32:35

Ben-hinom wayqopipas Baal idolopaqmi altarkunata ruwapurqaku, chaypim churinkuta qaritapas warmitapas Moloc sutiyuq idoloman kañapurqaku. Chaynata ruwaspankum Judá nacionpi runakunata huchallichirqaku. Chay millakuypaq ruwasqankutaqa manam kamachirqanichu nitaqmi piensayllapas piensarqanichu, nispa.

Jeremías 38:22

Judá nacionpi reypa palacionpi puchuq warmikunam Babilonia nación reypa capitanninkunaman qosqa kanqaku, hinaspam chay warmikuna ninqaku: Hapipakusqayki amigollaykikunam engañaruspa rantikurusunki, mitupi chinkaykuchkaqta saqerususpaykim lliw qepanchakurusunki, nispanku.

Jeremías 4:30

Yaw, tuñichisqa llaqta: ¿Imapaqñataq guindo pachawanraq pachakunki? ¿Imapaqñataq qorimanta alhajakunawanraq churakunki? ¿Imapaqñataq ñawikikunatapas yanawanraq pintakunki? Yanqapaqñam allichapakunkipas, kuyaqnikikunapas qepanchakurusunkiñam, wañunaykitañam maskachkanku.

Jeremías 44:22

Mana allinkuna ruwasqaykichiktawan millakuypaq ruwasqaykichiktam Tayta Diosqa manaña aguantayta atirqachu. Chayraykum nacionnikichikqa purmasqa manaña runayuq kunan punchawkama chunnichkan.

Jeremías 5:5

Chaynaqa, yachayniyuqkunawanyá rimamusaq. Paykunaqa yachankum Tayta Diospa munasqanman hina kawsayta. Ichaqa paykunapas Diospa contranpi hoqarikuruspankum mana kasukurqakuchu.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 50:42

Flechana arcokunawan lanzakunawan armasqam hamuchkanku, pasaypaq mana llakipayakuq runakunam hamuchkanku, Lamar qocha hinaraqmi qaparinkupas, Caballopi silladam hamuchkanku, Babiloniata atacanankupaqmi hamuchkanku.

Jeremías 6:23

Flechakunawan lanzakunawan armasqam hamuchkanku, mana llakipayakuq runakunam hamuchkanku; Lamar qocha hinaraqmi qapariyninkupas, caballokunapi sillakuykuspam Sión llaqtata atacaq-atacaqllaña kallpamuchkanku.

Lamentaciones 1:19

Amigoykunatam yanapaykuwananpaq qayakurqani, paykunam ichaqa qepancharuwanku. Sacerdoteykunawan ancianoykunam kawsanankupaq mikuyta maskachkaspanku llaqtapi wañurunku.

Lamentaciones 1:2

Tutan tutanmi paray mayuta waqallachkan, weqenkunapas yaku hinam uyanta paqchaykuchkan. Kuyaqninkunamantapas manam hukllapas consuelaqnin kanchu, amistadninkunapas qepancharuspam enemigonña rikurirun.

Lamentaciones 2:1

¡Tayta Diosmi, llumpay piñakuyninwan Sión llaqtata tutayarachin! Cielomanta pampaman chamqamuchkaq hinam, Israelpa kuyayllapaq kayninta tuñirachin. Piñakuyninpim chakinpa sarunan llaqtatapas mana yuyarirqachu.

Ezequiel 23:22

Chayraykum ñoqa Tayta Dios kaynata nini: Kunan millakurusqayki waynaykikunatam enemigoykimanña tikrarusaq, tukuy hinastinmantam paykunata contraykipi pusamusaq.

Ezequiel 23:9

Chayraykum ñoqapas anchata kuyarusqan Asiria nacionniyuq kuyaqninkunaman qoykuni.

Daniel 9:11

Israelpa mirayninkunaqa imam yachachiwasqaykikutapas llapallaykum mana kasukurqanikuchu, qampa nisqaykitaqa manam uyariytapas munarqanikuchu; contraykipi huchallikuruspaykum juraspa ñakaynikikunawan ñakasqa kachkaniku, imaynam serviqniki Moisespa qellqasqanman hina.

Daniel 9:13

Moisespa qellqasqan yachachi-kuykunaman hinam kay tukuy ñakariy-kunaqa chayaruwanku. Dios Taytallayku, chaywanpas ñoqaykuqa manam qampa yanapakuynikitaqa maskarqanikuchu, mana allin ruwasqaykumantapas manataqmi wanakurqanikuchu, cheqap kaqnikikunataqa manam uyariqpas tukurqanikuchu.

Daniel 9:5

Ñoqaykuqa qampa contraykipi huchallikuruspam llumpa-llumpayta mana allinkunata ruwaruniku, kamachikuynikikunatawan yachachikuynikikunatapas mana kasukuspam qepanchakuruniku.

Oseas 2:5

Mamankum chuchumikayarun, wachakuqninkum penqaypi rikurirun, paymi nirqa: “Kuyaqniykunawan pasakusaq, paykunaqa mikunaytawan yakuytam qowanku, millwaytawan pachaytam qowanku, aceiteytawan tomanaytam qowanku”, nispa.

Oseas 5:14

Efrainmanmi león hina pawaykusaq; Judamanñataqmi uña león hina pawaykusaq. Kikiypunim paykunata llikiparusaq; simiypi aparikuptiyqa manam pipas librayta atinqachu.

Abdías 1:7

Hapipakusqayki kaqkunallam engañarusunki, paykunallam allpaykimantapas qarqorusunki, reqsinakusqaykikunallam contraykipi hatarirunku, mikuqmasikikunallam wichinaykipaq toqllatapas churarunku. Mana yachayniyuqmi Edomqa rikurirun.