Jeremías 30:12 - CHUYA QELLQA La Biblia en Quechua de Ayacucho 2012

¹² Ñoqa Tayta Diosmi kaynata nini: Heridaykiqa mana hampiy atinam, onqoynikipaqqa manam hampi kanchu.

Quechua Ayacucho Bible 1987

¹² Tayta Diosmi kaynata nin: Manaña hampiy atinam heridaykiqa. Manaña remedioyoqmi onqoynikiqa.

Chuya Qellqa 1992

¹² Ñoqa Tayta Diosmi kaynata nini: Heridaykiqa mana hampiy atinam, onqoynikipaqqa manam hampi kanchu.

Jeremías 30:12 Iomraidhean Croise

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Jeremías 14:17

Payku-namanmi kaynata ninki: Llaqtay hatun sasachakuypi kasqanmanta, llumpay heridasqa kasqanmanta, tuta punchaw mana samaykuspa weqeykuna sutuchun.

Jeremías 14:19

Dios Taytalláy, ¿pasaypaqtachu Judá nacionta qepanchakurunki? ¿Pasaypaqtachu Sión llaqtaykita cheqnikurunki? ¿Imanasqataq manaña hampiy atina kanaykukama castigaruwankiku? Hawkayaytam suyarqaniku, ichaqa sasachakuyllam chayaramuwanku; sanoyachisqa kaytam suyarqaniku, ichaqa manchakuyllapim kachkaniku.

Jeremías 15:18

¿Imanasqataq kay nanayniyqa manaña tukuq? ¿Imanasqataq kay heridaykunaqa manaña hampiy atina? ¿Chakiruqlla yaku hinachu ñoqapaq rikurirunki? ¿Mana yakuyuq pukyu hinachu ñoqapaq rikurirunki? nispa.

Jeremías 30:15

¿Imanasqataq heridaykirayku qaparinki? Onqoynikiqa mana hampiy atinam. Mana allinkuna ruwasqaykiraykum, llumpay huchaykiraykum chaynataqa ruwarqayki.

Jeremías 6:7

Imaynam pukyumanta yaku mana tukuyta lloqsimun, chaynam Jerusalenmantapas mana allinllaña lloqsimuchkan. Ñakarichinakuywan suwanakuyllañam chaypiqa uyarikuchkan, chaypiqa onqoqkunawan heridasqa kaqkunallañam qawakuchkan.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Lamentaciones 2:13

Jerusalén llaqta, ¿pitaq qampa rantikipi rimarinman? ¿Pimantaq rikchanachikiman sonqoykita tiyachinaypaq? Sión llaqta lamar qocha hina hatunmi llakikuynikiqa, ¿pitaq hampiykusunkiman?

Ezequiel 37:11

Chaymantam Tayta Dios niwarqa: Runapa churin, kay tullukunaqa Israelpa llapallan mirayninkunam. Paykunam nichkanku: “Tullunchikkunaqa chakisqam kachkan, manañam ima ruwaytapas atichwanñachu, pasaypaq chinkasqam kachkanchik”, nispanku.

Oseas 5:13

Onqoyninta Efraín qawakuykuspanmi, heridanta Judá qawakuykuspanmi, Asiria nacionpa reyninman kallpaspanku yanapakuyninta maskanqaku. Ichaqa payqa manam onqoyninmantaqa nitaq nanayninmantapas hampiyta atinqachu.

Miqueas 1:9

Samariapa heridanqa mana hampiy atinam, chay heridanmi Judá nacionkamaña chayarun, yachanay llaqtapa punkunkamañam, Jerusalén llaqtapa punkunkamañam chayarun.

Nahúm 3:19

Nanaynikipaqpas manam hampi kanchu, heridaykiqa mana hampiy atinam. Tuñisqaykimanta uyariqkunam taqllakuspa kusikunku. ¿Pitataq mana ñakarichiqchu kanki mana allin ruwaynikikunawan? nispa.