Jeremías 3:9 - CHUYA QELLQA La Biblia en Quechua de Ayacucho 2012

⁹ Israelqa chay huchallikusqanta mana kaqpaqpas hapispanmi llaqtata qachacharurqa. Hukwan pierdekuq warmi hinam rumikunatawan sachakunata adorarqa.

Quechua Ayacucho Bible 1987

⁹ Israel nacionpi kaqkunaqa chay huchallikusqankuta mana kaqpaqpas hapispankum nacionta hatun penqayman churarurqaku. Hukwan-hukwan kakuq warmi hinam rumikunatawan sachakunataña adorarqaku.

Chuya Qellqa 1992

⁹ Israelqa chay huchallikusqanta mana kaqpaqpas hapispanmi llaqtata qachacharurqa. Hukwan pierdekuq warmi hinam rumikunatawan sachakunata adorarqa.

Jeremías 3:9 Iomraidhean Croise

Isaías 57:3

Tayta Diosmi kaynata nin: Brujakunapa wawankuna asuykamuychik, chuchumikapa mirayninkuna asuykamuychik.

Isaías 57:6

Qamkunaqa wayqokunapi lluchka rumikuna yupaychaytam munankichik, chay rumikunapaqmi vinota tallipunkichik, kawsaykunamanta ofrendakunatam kañapunkichik. ¿Chaykunata ruwachkaptikichikchu qamkunata mana castigaykichikman karqa?

Jeremías 10:8

Paykunaqa mana yachayniyuq hinaspa mana yuyayniyuqkunam. Kullumanta idolokunaqa manam imatapas yachachinmanchu.

Jeremías 16:18

Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Jeremías 2:27

Qamkunaqa kullutam ninkichik: Taytaymi kanki, nispa; rumitam ninkichik: Churyaqniymi kanki, nispa. Ñoqatañataqmi qepancharuwaspaykichik uyaykichiktapas huklawmanraq muyuchinkichik, ñakarisqaykichik punchawmi ichaqa niwankichik: “Hatarispa salvaykuwayku”, nispa.

Jeremías 2:7

Tukuy imakunapa wiñanan allpamanmi pusamurqaykichik, chay allpapa allinnin rurunta mikukunaykichikpaqmi pusamurqaykichik; qamkunam ichaqa yaykuruspa qachacharunkichik, allpaytam millakuypaqta ruwarunkichik.

Jeremías 3:2

Moqokunatayá qawariy, hinaspayá sumaqta yuyaymanariy: ¿Maypitaq mana qanrakurqankichu? Chunniqpi tiyaq árabe runa hinam, ñan patankunapi tiyaspayki waynaykikunata suyarqanki. Chuchumika kaynikiwanmi, mana allin ruwasqaykikunawanmi, kay pachata millakuypaqta ruwarunki.

Ezequiel 16:17

Qamqa qorimanta qollqemanta alhajakuna qosqaywanpas qariman rikchakuq idolokunatam ruwakururqanki, hinaspam chaykunawan qanrakururqanki.

Ezequiel 23:10

Paykunam pachankunatapas llatanarurqaku, wawankunatapas qechuruspankum paytapas espadawan wañurachirqaku. Chayna castigasqa kasqanwanmi llapa warmikunapa rimakunan karqa.

Ezequiel 23:21

Yaw Aholiba, sipas kaynikipi huchapakuynikitaraqmi yuyarirunki, Egipto runakuna sipas ñuñuykita mullkapayasqankutaraqmi yuyarirunki.

Ezequiel 23:3

Paykunam Egipto nacionpi sipasllaraq kachkaspanku chuchumika kayman qokururqaku, chaypim ñuñunkuta mullkachikuyta qallaykurqaku, chaypitaqmi manaraq qari reqsiq kayninkutapas pierderurqaku.

Oseas 2:2

Tayta Diosmi nin: Mamaykichikta uyanpi niychik, payqa manam warmiyñachu, nitaqmi ñoqapas qosanñachu kani; chuchumika kayninta saqechun, qarikunawan qanrakuyninta qonqachun.

Oseas 4:12

Llaqtaymi kullumanta idolokunata tapukun, chay kulluñataqmi paykunaman kutichin. Aychankupa munasqanta ruwaspankum mana allin ñanninta pasakunku, chuchumikayaruspam ñoqa Diosninkumanta karunchakurunku.

Joel 1:19

Dios Taytalláy, qamtam qayakamullayki, chunniqpi pastokunatam nina ruparun, purunpi sachakunatam lenwachkaq nina ruparun.

Habacuc 2:19

¡Imallapiraq rikukunqa! Kullumanta idolota “rikchariy” niq runa, rumimanta mana rimaq idolota “hatariy” niq runa. ¿Yaqachu chay idolokuna imallatapas willakunman? Manam; qori-qollqewan llusisqaña kaspapas paykunaqa manam kawsankuchu.

Mateo 5:32

Ñoqam ichaqa nikichik: Huk qariwan mana waqllikuchkaptin warminmanta rakikuqqa, hukwan waqllikunanpaqmi tanqaykun, chay warmiwan casarakuqpas waqllikuruntaqmi.