Jeremías 3:25 - CHUYA QELLQA La Biblia en Quechua de Ayacucho 2012

²⁵ Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Quechua Ayacucho Bible 1987

²⁵ Camaman ustuchkaq hinayá penqakuymanta pakakusunchik. Frazadawan tapakuchkaq hinayá penqakuymanta pakakusunchik. Yupaychasqanchik Tayta Diospa contranpim huchallikurqanchik. Warma kasqanchikmanta kunankamam tayta-mamanchikkunapiwan huchallikurqanchik. Yupaychasqanchik Tayta Diospa nisqanta mana kasukuspam huchallikurqanchik.

Chuya Qellqa 1992

²⁵ Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 3:25 Iomraidhean Croise

Proverbios 13:18

Yachachikuyta qepanchaq runaqa sasachakuypi wakchayaypim tukunqa, corregichikuq runam ichaqa ancha reqsisqa kanqa.

Proverbios 5:13

yachachiwaqniytapas manam kasurqanichu, consejawasqantapas manam uyariqpas tukurqanichu,

Isaías 48:8

Mana uyarikuq kasqaykiraykum chaykunataqa mana uyarirqankichu, nitaq yacharqankichu, Reqsikim pasaypaq iskay uya kasqaykita, nacesqaykimantapuni mana kasukuq kasqaykita.

Isaías 50:11

Ninata ratachiqkuna, chay ninawan achkikuqkuna: Chay ninapa achkiyninpi puriychik. Ñoqa Diosmantam kaykuna hamusunkichik, ñakariypa pampasqanmi kankichik.

Jeremías 11:13

Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 12:13

Trigota tarpuspankupas, kichkatam cosecharqaku; yanqapaqmi llamkasqankupas. Ñoqapa sinchi piñakuyniyraykum cosechankupas yanqapaq kanqa.

Jeremías 14:20

Dios Taytallayku, mana allinkuna ruwasqaykutam reqsikuniku, taytaykupa mana allinkuna ruwasqankutam reqsikuniku; qampa contraykipim huchallikuruniku.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 2:17

Ñoqa Tayta Diosta saqeruwasqaykichikraykum, allin ñanninta pusamusuqnikichikta saqeruwasqaykichikraykum, kaykunaqa pasasurqankichik.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Jeremías 2:26

Imaynam suwa tarirachikuspan hatun penqaypi rikurirun, chaynam Israel runakunapas hatun penqaypi tarikunqaku, reyninkunawan kamachiqninkunapas, sacerdotenkunawan profetankunapas, penqaypim tarikunqaku.

Jeremías 20:18

¿Imapaqtaq mamay wachakuwarqa nanaytawan ñakariyllata qawaspay penqaypi kaspa wañunaypaq?

Jeremías 22:21

Tukuy imayuq kaspa hawka kachkaptikim rimapayarqayki, ichaqa manam uyariwarqankichu. Qamqa warma kasqaykimantapunim ima nisqaytapas mana kasuwarqankichu.

Jeremías 3:13

Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Jeremías 31:19

Qanmantam rakikururqani, ichaqa wanakunim; huchaykunatam reqsikuni, qasqoytam takakuni; joven kayniypi huchaykunamantam penqakuspay uchuychakuni”, nispa.

Jeremías 6:26

¡Llaqtamasillaykuna, qachqa pachawan churakuychik, uchpapiyá qochpaychik! ¡Sapallan wawan wañukuptin waqaq warmi hinayá qaparkachaychik! Tuñichiqninchikmi chayaramunña.

Jeremías 7:19

Chaykunata ruwaspaqa manam ñoqatachu piñachiwachkanku, aswanqa kikinku penqaypi kanankupaqmi. Ñoqa Tayta Diosmi chaynata nini.

Jeremías 8:14

Hinaptinmi paykuna ninqaku: ¿Imatataq kaypi tiyaspa ruwachkanchik? Hatarispa murallasqa llaqtakunaman yaykusunchik, llapallanchik chaypi wañumusunchik, Tayta Diosmi wañuchimuwasunchik, paypa contranpi huchallikusqanchikmantam venenasqa yakuta tomarachiwanchik.

Jeremías 9:18

Chaylla hamuspa ñoqanchikmanta waqachunku, ñawinchikyá weqewan huntarichun, qechipranchikmantapas weqenchikyá suturichun.

Lamentaciones 5:16

Umaykupi coronaykupas wichirunmi, ¡imallapiraq rikukuniku, huchallikurunikum!

Lamentaciones 5:7

Tayta-mamaykum huchallikuruspa wañurunku, paykunapa huchanmantam ñoqayku ñakarichkaniku.

Ezequiel 2:3

Paymi kaynata niwarqa: Runapa churin, qamtam Israelpa mirayninkunaman kachasqayki. Payku-nam ñoqapa contraypi hoqarikurunku. Paykunapas chaynataq ñawpaq taytankupas kunan punchawkamam mana kasuwankuchu.

Ezequiel 36:32

Israel runakuna, allinta yachaychik, kaykunataqa manam qamkunaraykuchu ruwasaq. Qamkunaqa mana allin ruwasqaykichikmantayá penqakuychik. Ñoqa Tayta Diosmi chaynata nini.

Ezequiel 44:13

Paykunaqa manam sacerdotekuna hinaqa serviwanankupaq asuykamuwanqakuchu, nitaqmi ñoqapaq sapaqchasqa kaqkunamanpas asuykunqakuchu. Paykunaqa millakuypaq kaqkunata ruwaspanku penqaypi kasqankutam apanqaku.

Ezequiel 7:18

Llakimantam qachqa pachawan chura-kunqaku, manchakuymantam katkatatanqaku, uyankupas penqakuymantam pukayanqa, umankutapas kachiy-kachiytam rutukunqaku.

Daniel 12:2

Wañuqkunamantapas achkallañam kawsarimunqaku: Wakinmi wiñay kawsaypaq wakinñataqmi wiña-wiñay ñakariypaq.

Oseas 9:10

Tayta Diosmi kaynata nin: Israel miraykunataqa chunniqpi uvasta hinam tarirqani; ñawpaq taytankutapas, higospa punta kaq rurunta hinam tarirqani. Paykunam ichaqa Baal-peorman chayaruspanku idolokunaman wischukuykuspa millakuypaq rikurirurqaku, yupaychasqanku idolokuna hina millakuypaqmi rikurirurqaku.

Sofonías 1:17

Chay punchawpim runakunata ñakarichisaq, Tayta Diospa contranpi huchallikusqankuraykum ñawsa hinaña purinqaku. Yawarninkupas ñutu allpa hinam pampaman tallikunqa, aychankuñataqmi hatun ispay hina montorayanqa.

Romanos 6:21

¿Huchapa munaychakusqanpi kawsaspaqa ima allintataq hurqokurqankichik? Aswanqa wañuyman apakuq kaqkunallatam. Chaykunamantam kunanqa penqakunkichik.

Jueces 2:2

ichaqa qamkunam kay allpapi yachaqkunawan ama ima contratotapas ruwankichikchu, aswanqa altarninkutapas tuñichinkichikmi”, nispay. Chaynata nichkaptiypas manam kasukurqankichikchu. ¿Imanasqataq kaynataqa ruwarunkichik?