Jeremías 3:20 - CHUYA QELLQA La Biblia en Quechua de Ayacucho 2012

²⁰ Ichaqa qosanta saqeruq warmi hinam rakikuruwankichik. Israelpa mirayninkuna, ñoqa Tayta Diosmi chaynata nikichik.

Quechua Ayacucho Bible 1987

²⁰ Aswanqa qosan traicionaq warmi hinam traicionawarqankichik. Yaw Israelpa mirayninkuna, ñoqa Tayta Diosmi chaynata nikichik.

Chuya Qellqa 1992

²⁰ Ichaqa qosanta saqeruq warmi hinam rakikuruwankichik. Israelpa mirayninkuna, ñoqa Tayta Diosmi chaynata nikichik.

Jeremías 3:20 Iomraidhean Croise

Isaías 24:16

Kay pachapa patankunamantaraqmi kay takita uyarirqaniku: ¡Allinkuna ruwaq hatunchasqa kachun! niqta. Chaymi nirqani: ¡Ay, imañataq kayqa, imañataq kayqa! Iskay uyakunam contrato ruwasqankuta saqerunku, paqway iskay uyañam rikurirunku.

Isaías 48:8

Mana uyarikuq kasqaykiraykum chaykunataqa mana uyarirqankichu, nitaq yacharqankichu, Reqsikim pasaypaq iskay uya kasqaykita, nacesqaykimantapuni mana kasukuq kasqaykita.

Jeremías 12:1

Dios Taytalláy, qamqa allin ruwaqmi kanki, manam qanwanqa churanakuymanchu; chaywanpas kaykunam tapukuyniy kachkan: ¿Imanasqataq mana allin ruwaq runakunaqa allinta kawsakunku? ¿Imanasqataq iskay uya runakunaqa hawkalla kawsakunku?

Jeremías 5:11

Israel nacionwan Judá nacionmi qepancharuwanku. Ñoqa Tayta Diosmi chaynata nini.

Oseas 3:1

Tayta Diosmi yapamanta niwarqa: Hukwan waqllikuruq kachkaptinpas warmikita yapamanta kuyamuy. Chaynatam Tayta Diospas Israelpa mirayninkunata kuyan, idolokunata qatispanku chaykunaman uvas pasaskunata, tortilla ofrendakunata ofrecechkaptinkupas, nispa.

Oseas 5:7

Mana reqsisqa runakunapa churinta wachakuspam ñoqa Tayta Diosta qepancharuwankichik; chayraykum qamkunapas kapuqnikichikkunapas huk killallapi tukusqa kankichik.

Oseas 6:7

Paykunaqa Adán hinam pacto ruwasqayta mana kasukunkuchu. Chaynapim ñoqata qepanchawanku.

Malaquías 2:11

Judá nacionmi Tayta Diosta qepanchakurun, Israel nacionpiwan Jerusalén llaqtapipas millakuypaq kaqkunallatam ruwachkanku. Judá nacionmi Diospa templonta millakuypaq huchata ruwaspan qachacharun, qarikunapas huklaw nacionkunapa diosninkunata yupaychaq warmikunawanmi casarakurunku.