Jeremías 3:14 - CHUYA QELLQA La Biblia en Quechua de Ayacucho 2012

¹⁴ Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Quechua Ayacucho Bible 1987

¹⁴ Tayta Diosmi nisunkichik: —Mana kasukuq churiykuna, kutirikamuwaychik. Warmipa qosan hinam qamkunapaq kani. Sion Moqopi llaqtaman kutichinaypaqmi qamkunamanta sapa llaqtamanta akllasaq huk runata, sapa castamantam akllasaq iskay runata.

Chuya Qellqa 1992

¹⁴ Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 3:14 Iomraidhean Croise

2~Crónicas 30:6

Willakuqkunam reypa hinaspa kamachikuqkunapa cartan aparisqa Israel nacionmanwan Judá nacionman lloqsirqaku, reypa kamachisqanman hina kaynata nimunankupaq: Israelpa mirayninkuna, Abrahampa, Isaacpa hinaspa Israelpa yupaychasqan Tayta Diosman kutirikuychik, hinaptinqa Asiria nacionpa reyninmanta puchuqkunamanmi paypas kutirimusunkichik.

Isaías 1:9

Sichum Tukuy Atiyniyuq Dios kamallatapas mana puchuykuwaptinchikqa Sodoma, Gomorra llaqtakunamanñachá rikchakuchwan karqa.

Isaías 10:22

Israel miraykuna, qamkunamanta lamar qochapi aqo hinaña kachkaspapas, asllañam kutimunqaku. Citasqañam kachkankichik allin arregloman hina chinkachisqa kanaykichikpaq.

Isaías 17:6

Imaynam aceitunata pallaruptinku iskay-kimsa rurullaña qeparun, otaq allin ruruq kallmapi tawa pichqallaña puchurun, chayman rikchakuqmi kanqa. Israelpa yupaychasqan Tayta Diosmi chaynata nin.

Isaías 27:12

Chay punchawmi Tayta Diosqa, Eufrates mayumanta Egipto wayqopi mayukama, trigota saruchkaq hina sarunqa, qamkunam ichaqa chulla-chullamanta akllasqa kankichis.

Isaías 31:6

Israelpa mirayninkuna, paqwaypaq qepanchakusqaykichik Diosman kutirikuychik.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 54:5

Unanchaqniki qosaykim kani, Tukuy Atiyniyuq Tayta Diosmi kani, Israelpa libraqnin Chuya Diosmi kani, kay pachapa Diosninwan sutichasqam kani.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Isaías 57:17

Engañaspa mana allinkunata ruwasqanraykum piñakuspay Israelta ñakarichirqani, piñakuyniypim paymanta pakakurqani; aswanqa paymi mana kasukuq rikurirurqa, munasqallan ruwaymanmi qokururqa.

Isaías 6:13

Pachakmanta chunkallaña puchuqkunatapas chinkachisaqmi. Ichaqa imaynam roble sachata encina sachata kuchuruptinku kullullanña puchurun chaynam kanqaku. Chaywanpas chay kulluqa ikllimunqam, chay kullumanta ikllimuqmi Tayta Diospaq sapaqchasqa kanqa.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Jeremías 23:3

Cheqechisqay nacionkunamantam wakin ovejaykunata kikiypuni huñumusaq. Mikunanku pastokunaman kutichimuptiymi achkallataña miranqaku.

Jeremías 29:14

Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 3:12

Chaynaqa, rispayki norte lawman qawaspa kaynata nimuy: Tayta Diosmi kaynata nin: Mana kasukuq Israel llaqta, ñoqaman kutirikamuway; manam piñasqachu chaskisqayki, nitaqmi piñakuyniyqa wiñaypaqchu kanqa, ñoqaqa ancha kuyapayakuqmi kani. Ñoqa Tayta Diosmi chaynata niki.

Jeremías 3:8

Rikurqataqmi hukwan pierdesqanrayku mana kasukuq Israelmanta rakikusqaytapas; ichaqa paypas ñañan hinam mana kasukurqachu, aswanraqmi mana manchakuwaspan chuchumika warmi hina qanrakurqa.

Jeremías 31:12

Sión moqomanmi kusikuymanta qaparistin hamunqaku, Tayta Diosmi bendecinqa trigowan, vinowan, aceitewan, ovejankuwan hinaspa vacakunawan; chaymi llumpayta kusikunqaku. Paykunaqa parqosqa huerta hinañam kanqaku, manañam ima sasachakuytapas reqsinqakuñachu.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Jeremías 31:6

Hamuchkanmi punchaw, Efrainpa orqonkunapi llaqta waqaychaqkuna qaparispa: ¡Llapallaykichik hamuychik, Sión llaqtaman hakuchik, Diosninchikpa llaqtanman risunchik! ninankupaq.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Zacarías 1:4

Amayá taytaykichik hinaqa kaychikchu, paykunatam ñawpaq profetakuna kaynata qaqcharqaku. Tukuy Atiyniyuq Tayta Diosmi kaynata nin: “Mana allin kawsaynikichik-mantawan mana allin ruwaynikichikmanta kutirikamuwaychik”, nispa. Ichaqa paykunam mana uyariqpas tukurqakuchu, nitaqmi kaqpaqpas hapirqakuchu. Tayta Diosmi chaynata nin.

Romanos 9:27

Israelpa mirayninmantam profeta Isaías nirqa: Lamar qochapi aqo hinaña kachkaspapas Israelpa mirayninkunaqa wakillanmi salvakunqa.