Jeremías 3:13 - CHUYA QELLQA La Biblia en Quechua de Ayacucho 2012

¹³ Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Quechua Ayacucho Bible 1987

¹³ Mana allin rurasqaykichiktayá reqsikuychik. Mana kasukusqaykichiktayá reqsikuychik. yupaychasqaykichik ñoqa Tayta Diospa contraypi kasqaykichiktayá reqsikuychik. Forasterokunawan tupakuruq warmi hinam huchallikurqankichik. Kamachisqaykunatapas mana kasukuspaykichikmi chaynataqa rurarqankichik. Ñoqa Tayta Diosmi chaynata nikichik.

Chuya Qellqa 1992

¹³ Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Jeremías 3:13 Iomraidhean Croise

Nehemías 9:2

Huklaw llaqtayuqkunapa mirayninkunamanta rakikuspankum, kikinkupa huchankutawan ñawpaq taytankupa huchakunata willakurqaku.

Proverbios 28:13

Huchanta pakaq runaqa manam allinqa kanqachu, huchanta willakuspa wanakuqmi ichaqa pampachasqa kanqa.

Isaías 57:5

¿Manachum encina sachakunapa, llaqesapa sachakunapa ukunpi huchapakunkichik? Wawakunatam wayqokunapi, uchkukunapi idolokunapaq wañuchipunkichik.

Jeremías 14:10

Tayta Diosmi kay llaqtamanta kaynata nin: Paykunaqa kayman chayman kallpakachayllatam gustanku, chakinkutapas manam samaykachinkuchu. Chayraykum paykunataqa mana chaskisaqchu. Kunanmi mana allin ruwasqankuta yuyarispa huchankumanta cuentata mañasaq, nispa.

Jeremías 14:20

Dios Taytallayku, mana allinkuna ruwasqaykutam reqsikuniku, taytaykupa mana allinkuna ruwasqankutam reqsikuniku; qampa contraykipim huchallikuruniku.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 2:25

Israelpa mirayninkuna, ama qala chakilla kallpakachaychikchu, kunkaykichiktapas ama yakumanta chakichiychikchu nichkaptiypas, qamkunam ichaqa nirqankichik: Manam atiymankuchu, mana reqsisqa dioskunatañam kuyaniku, paykunatañam qatikusaqku, nispa.

Jeremías 3:2

Moqokunatayá qawariy, hinaspayá sumaqta yuyaymanariy: ¿Maypitaq mana qanrakurqankichu? Chunniqpi tiyaq árabe runa hinam, ñan patankunapi tiyaspayki waynaykikunata suyarqanki. Chuchumika kaynikiwanmi, mana allin ruwasqaykikunawanmi, kay pachata millakuypaqta ruwarunki.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Jeremías 7:26

Qamkunam ichaqa mana uyariwarqankichikchu, nitaqmi kasuwar-qankichikchu. Aswanqa sonqoykichikta rumiyarachispam taytaykichikkunamantapas astawanraq tukuy mana allinkunata ruwarqankichik.

Ezequiel 16:15

Ichaqa kuyayllapaq kaynikimanmi hapipakururqanki, hinaspam ancha reqsisqa kasqaykirayku chuchumika hinaña rikurirurqanki, llapallan chayninta puriqkunawanmi qanrakurqanki.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Deuteronomio 12:2

Yaykunaykichik llaqtakunapa idolonkuna yupaycha-nanku sitiokunataqa tuñichinkichik-mi, tuñichinkichiktaqmi orqokunapa puntankunapi, moqokunapi chaynataq llaqesapa sachakunapa sikinpi kaqkunatapas.