Jeremías 3:12 - CHUYA QELLQA La Biblia en Quechua de Ayacucho 2012

¹² Chaynaqa, rispayki norte lawman qawaspa kaynata nimuy: Tayta Diosmi kaynata nin: Mana kasukuq Israel llaqta, ñoqaman kutirikamuway; manam piñasqachu chaskisqayki, nitaqmi piñakuyniyqa wiñaypaqchu kanqa, ñoqaqa ancha kuyapayakuqmi kani. Ñoqa Tayta Diosmi chaynata niki.

Quechua Ayacucho Bible 1987

¹² Rispaykiyá norte lawman qawaspa qayakamuy ñoqa Tayta Diospa kayna nisqayta: Israel nacionpi mana kasukuqkuna, ñoqaman kutirikamuwaychik. Manaña piñasqa uyayoqmi qamkunataqa chaskisqaykichik. Kuyapayakuq kasqayraykum manaña wiñaypaqchu piñakusqaykichik. Ñoqa Tayta Diosmá chaynata nikichik.

Chuya Qellqa 1992

¹² Chaynaqa, rispayki norte lawman qawaspa kaynata nimuy: Tayta Diosmi kaynata nin: Mana kasukuq Israel llaqta, ñoqaman kutirikamuway; manam piñasqachu chaskisqayki, nitaqmi piñakuyniyqa wiñaypaqchu kanqa, ñoqaqa ancha kuyapayakuqmi kani. Ñoqa Tayta Diosmi chaynata niki.

Jeremías 3:12 Iomraidhean Croise

Génesis 4:7

Allinta ruwaspaqa ¿manachum chaskisqa kawaq? Mana allinta ruwaptikim ichaqa hucha hichpallaykipiña kachkan wichirachisunaykipaq. Chaywanpas qamqa atiwaqmi chay hucha atipayta, nispa.

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

2~Reyes 17:23

Chaymi Israelta Tayta Dios qayllanmanta wischururqa, serviqnin profetankunatakama willachisqanpi hina. Israel runakunam allpankumanta Asiria nacionman preso apasqa karqaku, kunankamapas chaypim kachkanku.

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

2~Reyes 18:1

Elapa churin Oseas kimsa wataña Israel nacionpi munaychakuchkaptinmi Judá nacionpi rey Acazpa churin Ezequías munaychakuyta qallaykurqa.

2~Crónicas 29:10

Kunanmi sonqoymanta Israelpa yupaychasqan Tayta Dioswan contratota ruwasaq, chaynapi hawanchikmanta piñakuyninta suchuchinanpaq.

2~Crónicas 30:9

Sichum Tayta Diosman kutirikuptikichikqa aylluykichikkunata hinaspa churikichikkunata preso apaq enemigokunam llakipayarispan kay allpaman kutichimunqaku. Yupaychasqanchik Tayta Diosqa llakipayakuq hinaspa kuyapayakuqmi, payman kutirikuptikichikqa manam saqesunkichikchu, nispa.

Proverbios 28:13

Huchanta pakaq runaqa manam allinqa kanqachu, huchanta willakuspa wanakuqmi ichaqa pampachasqa kanqa.

Isaías 31:6

Israelpa mirayninkuna, paqwaypaq qepanchakusqaykichik Diosman kutirikuychik.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Jeremías 11:6

Tayta Diosñataqmi niwarqa: Judá nacionpa llaqtankunapiwan Jerusalén llaqtapa callenkunapi kaynata nimuy: Kay pactopa nisqankunata uyarispa ruwayman churaychik.

Jeremías 12:15

Chaynata hurqoruspaypas paykunataqa llakipayarisaqmi, hinaspaymi sapakamata nacionninkuman kutichisaq.

Jeremías 23:8

Juranqakuqa: “Israelpa mirayninkunata norte law nacionkunamanta chaynataq qarqosqan wakin nacionkunamanta hurqomuq kawsaq Tayta Diosraykum jurani” nispañam. Paykunaqa allpankupiñam yachakunqaku.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 3:18

Chay punchawpiqa Judá nación runakunam Israel nación runakunawan hukllawanakunqaku, hinaspam ñawpaq taytankuman qosqay allpaman kuskanku norte lawmanta kutimunqaku.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 3:5

¿Wiñaypaqchu piñakurunki? ¿Wiñaypaqchu piñakuyniki kanqa? nispayki. Ichaqa chaynata niwachkaspapas, tukuy rikchaq mana allinkunatam ruwarqanki.

Jeremías 3:7

Ñoqam piensarqani: “Tukuy chaykunata ruwachkaspanpas kutirikamuwanqachiki”, nispay. Ichaqa manam kutirikamuwarqachu. Chay ruwasqankunatam mana kasukuq ñañan Judapas rikurqa.

Jeremías 30:11

Ñoqa Tayta Diosmi nini: Qanwanmi kachkani salvanaypaq, preso kasqayki nacionkunatapas llapallantam purmarachisaq, qamtam ichaqa mana purmachisqaykichu, chaywanpas huchaykimantaqa castigasqaykipunim.

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Jeremías 31:21

Ancha kuyasqay Israel llaqtalláy, ñanpiyá señalkunata churay, ñanta chaylla tariykuspa kutimunaykipaq; mayninmi risqaykitayá sumaqta qawariy. ¡Israel, kutimuy, llaqtaykikunaman kutimuy!

Jeremías 31:8

Norte lawpi nacionmantam kutichimusaq, kay pachapa cantonmantaraqmi huñumusaq; ñawsakunawan wistukunam paykunawan hamunqa, wiksayuq warmikunawan wachakuqkunam hamunqa; paykunaqa achkallañam kayman kutimunqaku.

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Jeremías 4:1

Tayta Diosmi kaynata nin: Israelpa mirayninkuna, kutirikamuyta munaspaqa ñoqamanmi kutirikamunaykichik. Sichum qayllaymanta millakuypaq idolokunata wischuspa ñoqamanta mana sapaqchakuspaqa,

Lamentaciones 3:22

Tayta Diospa kuyapayakuyninraykum mana puchukarunchikchu, llakipayakuyninqa mana haykapipas tukuqmi.

Ezequiel 11:17

Chayraykum ñoqa Tayta Dios kaynata nini: Ñoqam paykunataqa cheqechisqay nacionkunamanta kutichimusaq, chay nacionkunamanta huñumuspaymi kay Israel allpata paykunaman qosaq.

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Ezequiel 39:25

Chayraykum ñoqa Tayta Dios kaynata nini: Jacobpa mirayninkunatam preso risqankumanta kutichimusaq, chuya sutiyraykum paykunataqa kuyapayarisaq, chaynapim sutiyta allinta qawachikusaq.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Levítico 26:40

Mana allin ruwasqankumanta chaynataq ñawpaq taytankupa mana allin ruwasqankumanta reqsikuptinkupas, qepanchawasqankuta hinaspa mana kasukusqankuta reqsikuptinkupas,

Zacarías 1:4

Amayá taytaykichik hinaqa kaychikchu, paykunatam ñawpaq profetakuna kaynata qaqcharqaku. Tukuy Atiyniyuq Tayta Diosmi kaynata nin: “Mana allin kawsaynikichik-mantawan mana allin ruwaynikichikmanta kutirikamuwaychik”, nispa. Ichaqa paykunam mana uyariqpas tukurqakuchu, nitaqmi kaqpaqpas hapirqakuchu. Tayta Diosmi chaynata nin.

Deuteronomio 30:2

hinaspa qamkunapas chaynataq churikichikkunapas Señornikichik Tayta Diosman kutirikuspa, tukuy sonqoykichikwan, tukuy vidaykichikwan kunan kamachisqaykunata kasukuptikichikqa,