Jeremías 3:1 - CHUYA QELLQA La Biblia en Quechua de Ayacucho 2012

¹ Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Quechua Ayacucho Bible 1987

¹ Ñoqa Tayta Diosmi kaynata nini: Sichu warminmanta qosan rakikuruptinqa chaynapi warmi hukwanña casarakuruptinqa punta qosanqa manañam casaranmanñachu. Yapamantaqa manañam casaranmanñachu. Yapamanta casaraptinqa penqaychá kanman. Israel nacionpiqa hatun penqaychá kanman. Israel castakuna, chaynataqmi qamkunapas huchallikurqankichik. Achkallaña kuyaqnikikunawanmi huchallikurqankichik. Chaynata rurachkaspachum kutirimuwaytaraq munankichik.

Chuya Qellqa 1992

¹ Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 3:1 Iomraidhean Croise

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 2:23

¿Imaynataq niwaq manam qanrakurqanichu, nitaqmi Baal idolokunatapas qatirqanichu nispaykiqa? Qechwapi imakunam ruwasqaykita yuyarispa reqsikuy, qamqa mana qasillalla kaspa kayman chayman kallpakachaq china camello hinam kanki;

Jeremías 2:7

Tukuy imakunapa wiñanan allpamanmi pusamurqaykichik, chay allpapa allinnin rurunta mikukunaykichikpaqmi pusamurqaykichik; qamkunam ichaqa yaykuruspa qachacharunkichik, allpaytam millakuypaqta ruwarunkichik.

Jeremías 22:20

Jerusalén llaqta, Líbano orqoman qespispa qayakuy, Basán law orqokunapi qapariy, Abarim law orqokunaman quespispa qayaykachakuy, waynaykikunam lliw vencerachikun.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 3:9

Israelqa chay huchallikusqanta mana kaqpaqpas hapispanmi llaqtata qachacharurqa. Hukwan pierdekuq warmi hinam rumikunatawan sachakunata adorarqa.

Jeremías 31:22

¿Haykapikamataq mana kasukuq sipas hina kayman chayman purikuqlla kanki? Ñoqa Tayta Diosmi kay pachapi mana haykapipas rikusqaykichikta ruwaruni: Warmim qarita muyupayanqa.

Jeremías 4:1

Tayta Diosmi kaynata nin: Israelpa mirayninkuna, kutirikamuyta munaspaqa ñoqamanmi kutirikamunaykichik. Sichum qayllaymanta millakuypaq idolokunata wischuspa ñoqamanta mana sapaqchakuspaqa,

Jeremías 4:14

Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Lamentaciones 1:2

Tutan tutanmi paray mayuta waqallachkan, weqenkunapas yaku hinam uyanta paqchaykuchkan. Kuyaqninkunamantapas manam hukllapas consuelaqnin kanchu, amistadninkunapas qepancharuspam enemigonña rikurirun.

Ezequiel 16:26

Vecinoyki Egipto runakunawanmi qanrakurqanki, chuchumika kaynikipi millakuypaq kaqkunata ruwaspam piñachiwarqanki.

Ezequiel 16:30

Ñoqa Tayta Diosmi kaynata nini: Sonqoykiqa pimanpas chaylla wayllukuykuqmi karqa; millakuypaq kaqkunata ruwachkaspapas chuchumika warmimantapas aswan mana penqakuqraqmi rikurirurqanki.

Ezequiel 16:35

Chaynaqa, yaw chuchumika warmi, ñoqa Tayta Diospa nisqayta uyariy.

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Oseas 1:2

Kaymi Oseasman Tayta Diospa rimarisqan simikuna. Tayta Diosmi Oseasta nirqa: Rispayki chuchumika warmiwan casarakamuy hinaspa chay warmipi churyamuy, “huchapakuy wawakuna”, nisqa kanankupaq. Israelmi Tayta Diosmanta sapaqchakuruspan chuchumika warmi hinaña rikurirun, nispa.

Oseas 2:2

Tayta Diosmi nin: Mamaykichikta uyanpi niychik, payqa manam warmiyñachu, nitaqmi ñoqapas qosanñachu kani; chuchumika kayninta saqechun, qarikunawan qanrakuyninta qonqachun.

Miqueas 2:10

Hatarispa kaymanta pasaychik, kayqa manam samana lugarñachu; anchata qanrachakurusqanraykum pasaypaq chinkachisqa kanqa.

Zacarías 1:3

Chaynaqa, llaqtayta nimuy, Tukuy Atiyniyuq Tayta Diosmi kaynatanin: “Kutirikamuwaychik hinap-tinqa ñoqapas qamkunamanmi ku-tirikamusaq”, nispa. Tukuy Atiyniyuq Tayta Diosmi chaynata nin.

Mateo 5:31

Nirqakutaqmi: “Pipas warminmanta rakikuqqa, rakikusqanmanta papelta ruwanakuspa qochun”, nispankupas.

Deuteronomio 22:21

taytanpa wasinmanta hurqoruspanku llaqtapi runakuna rumiwan chamqapaspa wañuchinqaku, Israelpa mirayninkuna ukupi chaynataq taytanpa wasinpi chuchumika hina millakuypaqta ruwasqanmanta. Chaynatam qamkunamanta chay mana allin ruwayta chinkachinkichik.

Jueces 19:2

Hinaptinmi chay warmiqa piñakuruspan Judá law Belén llaqtapi taytanpa wasinman kutikurqa. Tawa killaña chaypi kachkaptinmi,