Jeremías 29:8 - CHUYA QELLQA La Biblia en Quechua de Ayacucho 2012

⁸ Ñoqa Israelpa yupaychasqan Tukuy Atiyniyuq Tayta Diosmi kaynata nini: Amayá engañachikuychikchu qamkuna ukupi kaq profetakunawan nitaq qatipaqkunawanpas, mosqosqankutapas ama kasuychikchu.

Quechua Ayacucho Bible 1987

⁸ Israelpa yupaychasqan Llapallan Kamachiq ñoqa Tayta Diosmi kaynata nini: “Ama engañachikuychikchu qamkuna ukupi kaq ñoqamanta willakuq tukuqkunawan nitaq musyaqkunawanpas. Amataqyá kasuychikchu qamkuna mañaptikichik mosqosqankutapas.”

Chuya Qellqa 1992

⁸ Ñoqa Israelpa yupaychasqan Tukuy Atiyniyuq Tayta Diosmi kaynata nini: Amayá engañachikuychikchu qamkuna ukupi kaq profetakunawan nitaq qatipaqkunawanpas, mosqosqankutapas ama kasuychikchu.

Jeremías 29:8 Iomraidhean Croise

Jeremías 14:14

Hinaptinmi Tayta Diosñataq niwarqa: Paykunaqa sutiypi profetizaspan-kupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqos-qankutam profetizachkanku.

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 23:21

Chay profetakunataqa manam kachamurqanichu, ichaqa chayllam kallparqaku; chay profetakunataqa manam rimapayarqanichu, ichaqa sutiypiraqmi profetizarqakupas.

Jeremías 23:25

Ñoqam chay llulla profetakunapa rimasqanta uyarirqani, sutiypiraqmi paykunaqa “mosqorunim, mosqorunim” nispa llullallata willakuchkanku.

Jeremías 23:27

Mosqosqankuta willanakuspankum runaykuna qonqaruwananta munachkanku, imaynam ñawpaq taytankupas qonqaruwaspanku Baal idolotaña qatisqankuta hina.

Jeremías 27:9

Amayá kasuychikchu chay profetakunataqa, qatipaqkunataqa, mosqoykunapa imam ninan willakuqkunataqa, suerte qawaqkunataqa nitaq layqakunatapas. Paykunam umachasuchkankichik: Babilonia nacionpa reynintaqa manam servinkichikchu, nispanku.

Jeremías 28:15

Hinaptinmi Hananiasta profeta Jere-mías nirqa: ¡Yaw Hananías, uyariway! Tayta Dios mana kamachimusuchkap-tikim kay runakunata llulla rimaynikikunapi hapipachichkanki.

Jeremías 29:1

Jerusalén llaqtamantam profeta Jeremías cartarqa preso apasqa ancianokunaman, sacerdotekunaman, profetakunaman hinaspa wakin runakunamanpas.

Jeremías 29:15

Qamkunam ichaqa nichkankichik: Kay Babilonia nacionpim profetakunata Tayta Dios qoykuwanku, nispaykichik.

Jeremías 29:21

Colaiaspa churin Acabmantawan Maasiaspa churin Sedequiasmanta chaynataq ñoqapa sutiypi llullakuspa willasuqnikichik profetakunamantam ñoqa Israelpa yupaychasqan Tukuy Atiyniyuq Tayta Dios kaynata nini: Babilonia nacionpa reynin Nabuco-donosorman qoykuptiymi qayllaykichikpi paykunata wañuchinqa.

Jeremías 29:23

Paykunam Israel nacionpi millakuypaq huchakunata ruwarqaku: Runamasinkupa warminwanmi waqllikurqaku, mana kamachichkaptiymi ñoqapa sutiypiraq llullakunata profetizarqaku, ñoqapa mana kamachisqaykunatam rimarqaku. Chaykunataqa yachanim kikiypunim testigo kani. Ñoqa Tayta Diosmi chaynata nini.

Jeremías 37:9

Ñoqa Tayta Diosmi nini: “Caldea tropakunaqa ripukunkuñam” nispaqa amayá engañakuychikchu, paykunaqa manam ripunqakuchu.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Lamentaciones 2:14

Profetaykikunapas pantaykunallatam willasurqanki manam huchaykikunataqa qawachisurqankichu, mana chayqa manam preso riwaqchu karqa, aswanqa llullakunatawan mana pasaqkunallatam willasurqanki chaykunawanmi pantachisurqanki.

Ezequiel 13:6

Visionkuna rikusqankupas manam cheqapchu, profetizasqankupas llullam. Paykunaqa mana kachamuchkaptiymi “Tayta Diosmi kaynata nin” nispankuraq rimankupas, hinaspam imam rimasqanku cumplikunanta suyanku.

Miqueas 2:11

Sichum huk runa llullakuspan kaynata ninqa: “Vinoraykum, aqaraykum qampaq profetizasaq”, nispa, chayna runam qamkunapa profetaykichik kanqa.

Zacarías 13:4

Chay tiempopiqa profetakunapas llullata willakusqankumantam penqakunqaku. Manañam pipas profetapa qaramanta capanwan churakuykuspaqa runamasinta engañanqañachu.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Lucas 21:8

Jesusñataqmi nirqa: Pipas pantachisunaykichikmantayá allinta cuidakuychik. Achkaqmi sutiypi hamunqaku: “Ñoqam kani Cristo, ñam tiempoqa chayaramunña”, nispan-ku. Ichaqa amam paykunataqa kasunkichikchu.

Lucas 6:26

¡Ay, imaynaraq kankichik llapallan runakunapa hatunchasqan runakuna! Kay llapa runakunapa ñawpaq taytankupas chaynatam llapa llulla profetakunata hatuncharqaku.

Romanos 16:18

Paykunaqa manam Señorninchik Jesucristotachu servinku, aswanqa kikinkupa wiksallankumantam afanakunku. Sumaqllataña rimaspankum manaraq ancha yachaqkunata engañanku.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Efesios 5:6

Amayá yanqakuna rimaqwanqa engañachikuychikchu, kaynakuna kasqanraykum Diospa piñakuyninqa mana kasukuqkunaman hamun.

2~Tesalonicenses 2:3

Amayá piwanpas engañachikuychikchu, puntataqa runakunam Diosta qepanchanqaku, hinaptinmi rikurimunqa Diospa enemigon millay runa, chay runaqa chinkananpaq citasqañam kachkan.

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Apocalipsis 13:14

Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.