Jeremías 29:26 - CHUYA QELLQA La Biblia en Quechua de Ayacucho 2012

²⁶ Sacerdote Joiadapa rantinpi sacerdote kanaykipaqmi Tayta Dios churasunki, chaynapi Tayta Diospa templonpi kamachikuq kaspayki, profeta tukuspa rimaq locoyasqakunata cepoman churaspa cadenakunawan watanaykipaq.

Quechua Ayacucho Bible 1987

²⁶ ‘Sacerdote Joiadapa rantinpi sacerdote kanaykipaqmi Tayta Dios churasurqanki chaynapi paypa templonpi jefe kanaykipaq. Chaynaqa huk kaqnin loco runa Diosmanta willakuq tukuptinqa cepo nisqanku hapichinapim chakinkunata hapichinayki, matankanmantapas fierro collarwantaqmi hapichinayki.

Chuya Qellqa 1992

²⁶ Sacerdote Joiadapa rantinpi sacerdote kanaykipaqmi Tayta Dios churasunki, chaynapi Tayta Diospa templonpi kamachikuq kaspayki, profeta tukuspa rimaq locoyasqakunata cepoman churaspa cadenakunawan watanaykipaq.

Jeremías 29:26 Iomraidhean Croise

2~Reyes 11:15

Hinaptinmi capitankunata sacerdote Joiada kamachirqa: Tayta Diospa templonmanta hawanman Ataliata hurqoruychik. Pitapas payman sayapakuqtaqa wañuchiychik, nispa. Chaynataqa ruwarqaku sacerdote kamachikuspa Tayta Diospa templonpiqa amam wañuchinkichikchu nisqanraykum.

2~Reyes 11:18

Llapa runakunañataqmi Baalpa templonman yaykuruspanku altarninkunatawan llapa idolokunata pasaypaqta ñutururqaku. Baalpa sacerdoten Matantapas altarkunapa ñawpaqninpim wañurachirqaku. Joiadañataqmi Tayta Diospa templonta waqaychanankupaq guardiakunata churarqa.

2~Reyes 9:11

Cuartomanta Jehú lloqsiramuspan reypa serviqnin capitankunaman asuykuptinmi tapurqaku: ¿Imanantaq? ¿Imapaqtaq wak loco qayasusqanki? nispanku. Chaymi Jehú nirqa: Wak runataqa reqsinkichikmi, rimas-qantapas yachankichiktaqmi, nispa.

2~Crónicas 16:10

Chayta uyariykuspanmi rey Asaqa llumpayta piñakuruspan profeta Hana-nita carcelarachirqa, payqa chay willa-kusqanwanmi llumpayta piñakururqa. Chay tiempokunapim rey Asa wakin runakunatapas llumpayta ñakarichirqa.

2~Crónicas 18:26

hinaspa nimuychik: Reymi kaynata nin: “Kay runata carcelpi wichqaspa mikunanpaqpas tantatawan yakullata qoychik, vencespa kutimunaykama”, nispa.

Jeremías 29:27

Hinaptinqa ¿imanasqataq mana qaqcharqankichu Anatot llaqtayuq Jeremiastaqa profeta tukuspa rimasqanmanta?

Jeremías 38:28

Chaynapim Jeremiasqa carcelpa patiollanpi qeparqa, Jerusalén llaqta vencesqa kanankama.

Jeremías 38:6

Hinaptinmi Jeremiasta hapiruspanku reypa churin Malquiaspa pozonman waskakunawan uraykachirqaku. Chay pozoqa tarikurqa carcelpa pationpim. Ichaqa chay pozom mana yakuyuqña karqa, chayraykum Jeremiasta kachaykuptinku mituman chinkakuykurqa.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan milla-kuypaq mana allin ruwasqankumanta chuyanchakunqaku.

Mateo 21:23

Chaykunapa qepantam, temploman Jesús yaykuruspan yachachichkarqa, hinaptinmi llaqtapa kamachiqninkunawan sacerdotekunapa kamachiqninkuna kaynata tapurqaku: ¿Pitaq kamachisurqanki kaykunata ruwanaykipaq? ¿Pitaq kaykunata ruwanaykipaq atiyta qosurqanki? nispanku.

Marcos 3:21

Jesuspa ayllunkunañataqmi chaypi kasqanta yacharuspanku, “locoyarunmi” niptinku pusanankupaq hamururqaku.

Juan 10:20

Achkaqmi nirqaku: Imapaqmi uyarinkichik, payqa demonioyuq locom, nispanku.

Juan 10:33

Judiokunañataqmi nirqaku: Chamqapaytaqa munaykiku manam allin ruwasqaykimantachu, aswanqa rimaspayki Diosta piñachisqaykimantam chaynataq runa kachkaspayki Dios tukusqaykimantam, nispanku.

Juan 8:53

¿Icha qamqa ñawpaq taytayku Abrahampa mayorninraqchu kanki? Payqa ñam wañukunña, wañukunñataqmi profetakunapas. ¿Pim kasqaykipaqtaq qamqa hapikunki? nispanku.

Hechos 16:24

Chay carcelerom kasukuspan Pablotawan Silasta carcelpa kuchunmanraq pusaruspa cepowan paykunapa chakinkunata hapirachirqa.

Hechos 26:11

Jesucristota neganankupaqmi ñakarichirqani. Chaynatam llapa sinagogapipas ruwarqani, paykunapaq llumpayta piñakuspaymi ñakarichinaypaq huklaw llaqtakunapipas maskamurqani.

Hechos 26:24

Chaynata Pablo rimarikuptinmi Festoñataq qaparirqa: ¡Pablo locoyarunkim, llumpay yachaynikim locoyarachisunki! nispa.

Hechos 26:25

Pabloñataqmi nirqa: Allinpaq qawasqa Festo, manam locoyanichu, yachaywanmi cheqapllata rimachkani.

Hechos 4:1

Runakunata Pedrowan Juan rima-payachkaptinkuraqmi sacerdotekunawan templo waqaychaq guardiakunapa kamachiqninkuna hinaspa saduceokuna hamururqaku.

Hechos 5:18

Hinaspam apostol-kunata hapiruspanku carcelman wich-qarurqaku.

Hechos 5:24

Templopi nanachikuq guardiakunapa kamachiqninwan, sacerdotekunapa kamachiqninkunam chayta uyariruspanku tapunakurqaku: ¿Imaraqchá pasakunqapas? nispanku.

2~Corintios 11:33

hinaptinmi chay llaqtapa murallanpa ventananta canastapi warkuruwarqaku, chaynapim prefectopa makinmanta hinaña lluptikurqani.

Apocalipsis 2:10

Amayá manchakuychu ñakarinaykimantaqa, wakiqnikichiktam pruebasqa kanaykichikpaq carcelman diablo wichqachisunkichik; chunka punchawmi ñaka-rinkichik. ¡Wañukunaykikamayá qaqa hina sayay! Hinaptinqa ñoqam qosqayki kawsay coronata.