Jeremías 29:23 - CHUYA QELLQA La Biblia en Quechua de Ayacucho 2012

²³ Paykunam Israel nacionpi millakuypaq huchakunata ruwarqaku: Runamasinkupa warminwanmi waqllikurqaku, mana kamachichkaptiymi ñoqapa sutiypiraq llullakunata profetizarqaku, ñoqapa mana kamachisqaykunatam rimarqaku. Chaykunataqa yachanim kikiypunim testigo kani. Ñoqa Tayta Diosmi chaynata nini.

Quechua Ayacucho Bible 1987

²³ Chaynatam paykunawan rurasaq Israel casta runakuna ukupi loco hina rurasqankurayku. Paykunaqa runamasinkupa warminwanmi huchallikurqaku hinaspapas ñoqapa sutiypiraqmi llullakunata willakurqaku, ñoqapa mana kamachisqaykunatam rimarqaku. Ñoqa Tayta Diosmi nini: Chaykunataqa yachanipunim hinaspam testigo kani, nispa.

Chuya Qellqa 1992

²³ Paykunam Israel nacionpi millakuypaq huchakunata ruwarqaku: Runamasinkupa warminwanmi waqllikurqaku, mana kamachichkaptiymi ñoqapa sutiypiraq llullakunata profetizarqaku, ñoqapa mana kamachisqaykunatam rimarqaku. Chaykunataqa yachanim kikiypunim testigo kani. Ñoqa Tayta Diosmi chaynata nini.

Jeremías 29:23 Iomraidhean Croise

Génesis 31:50

Churiykunata ñakarichispa huk warmikunatawan casaraptikiqa, manaña pi qawawaptinchikpas Diosmi testigo kanqa ñoqanchikpi, nispa.

Génesis 34:7

Jacobpa qari churinkunam hatusmanta chayaramuspanku yacharurqaku imam pasakurusqanta, hinaspam llakikuruspanku anchata piñakururqaku, Israelpiqa chayqa mana haykapipas ruwana kasqanrayku.

2~Samuel 13:12

Tamarñataqmi qaparispa nirqa: ¡Ama turilláy! ¡Amayá abusawaychu! Israel nacionpiqa manam kaynataqa ruwanachu. Ama kay millakuypaq penqay-taqa ruwaychu.

Proverbios 5:21

Runapa ñanninqa Tayta Diospa qayllanpim kachkan, imayna kawsasqantapas qawachkanmi.

Jeremías 13:27

Rikurqanim waqllikusqaykitapas, yegua hina weqeqeqespa hukwan-hukwan qanrakusqaykitapas, rikurqanitaqmi chuchumika warmi hina, moqokunapipas pampakunapipas millakuypaq kaqkuna ruwasqaykitapas. ¡Ay, Jerusalén llaqta! ¿Haykapikamataq mana chuyanchakunkichu? nispa.

Jeremías 16:17

Paykunapa imaynam kawsasqantaqa qawachkanim. Paykunapa mana allinkuna ruwasqankuqa qayllaypim kachkan, mana allinkuna ruwasqankuqa manam ñawiymantaqa pakasqachu kachkan.

Jeremías 23:14

Jerusalenpi profetakunatam millakuypaq kaqkuna ruwachkaqta rikurqani: Hukwan-hukwanmi waqllikunku, llullakuyllapim kallpakachanku, mana allin runakunatam kallpanchanku, huchankumanta mana wanakunankupaq. Sodoma Gomorra llaqtapi runakunamanraqmi rikchakunkupas.

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 23:21

Chay profetakunataqa manam kachamurqanichu, ichaqa chayllam kallparqaku; chay profetakunataqa manam rimapayarqanichu, ichaqa sutiypiraqmi profetizarqakupas.

Jeremías 23:32

Yanqakunata mosqoruspa runaykunata pantachiq profetakunapa contranpim kachkani. Paykunaqa llullakunata willaspankum llaqtayta pantarachinku. Paykunataqa manam kachamurqanichu nitaqmi kamachimurqanichu, paykunaqa manam llaqtaypa allinnintachu rimarqaku. Ñoqa Tayta Diosmi chaynata nini.

Jeremías 29:21

Colaiaspa churin Acabmantawan Maasiaspa churin Sedequiasmanta chaynataq ñoqapa sutiypi llullakuspa willasuqnikichik profetakunamantam ñoqa Israelpa yupaychasqan Tukuy Atiyniyuq Tayta Dios kaynata nini: Babilonia nacionpa reynin Nabuco-donosorman qoykuptiymi qayllaykichikpi paykunata wañuchinqa.

Jeremías 29:31

Jerusalén llaqtamanta llapallan preso apasqa kaqkunaman ñoqa Tayta Diospa nisqayta kaynata willachimuy: Nehelam llaqtayuq Semaiasmi, mana kachamuchkaptiy llullakunata rimaspa yanqakunapi creechisuchkankichik.

Jeremías 5:8

Yeguapa qepanki potro caballokuna hinaraqmi runamasinkupa warminta qatikachaspa weqeqeqenku, nispa.

Jeremías 7:11

¿Suwakunapa machayninpaqchu kay sapaqchakusqay wasita hapinkichik? Ñoqaqa tukuy ima ruwasqaykichiktam qawachkani. Ñoqa Tayta Diosmi chaynata nini.

Ezequiel 35:13

Qamqa mana upallaykuspam ñoqapa contraypi rimarqanki, contraypi rimasqaykitam ñoqaqa uyariruni.

Sofonías 3:4

Profetankunapas hatun tukuq hinaspa iskay uya llullakunam, sacerdotenkupas Diospa altarnintam qachacharunku, Diospa kamachikuynintam saruparunku.

Malaquías 2:14

Hinaspam tapukunkichikraq: ¿Imanasqataq kaykunaqa pasawachkanchik? nispaykichikraq. Diosmi testigo joven kachkaspallaraq akllakusqayki warmita, wañunayki punchawkama kuyanaykipaq casarachkaspa traicionasqaykimanta. Paytam vida pasaqmasiki kachkaptin traicionarunki.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 3:14

Laodicea llaqtapi iglesiapa angelninman kaynata qellqay: Amén niq, cheqap niq, allin testigo kaq hinaspa qallariypi tukuy imata Dios unanchaptin chaypi kaqmi kaynata nin:

Jueces 11:10

Chaymi Galaad lawpi ancianokuna nirqaku: Tayta Diosyá testigonchik kachun, nisqaykiman hinam ruwasaqku, nispanku.