Jeremías 29:14 - CHUYA QELLQA La Biblia en Quechua de Ayacucho 2012

¹⁴ Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Quechua Ayacucho Bible 1987

¹⁴ Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq llapallan sitiokunaman cheqechisqaymantam huñumusqaykichik. Kay sitiomantam presochasqata pusachirqaykichik, chaynaqa kay sitiomanmi kutichimusqaykichik —nispa.

Chuya Qellqa 1992

¹⁴ Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 29:14 Iomraidhean Croise

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

Isaías 14:1

Tayta Diosmi Jacobpa mirayninkunamanta llakipayarikunqa, Israel runakunata yapamanta akllaykuspanmi allpankupi kawsachinqa. Huklaw nacionmanta kaqkunam Jacobpa castankunaman hukllawakunqa.

Isaías 43:5

Ama manchakuychu, ñoqam qanwan kachkani; ñoqam intipa qespimunan lawmanta, hinaspa intipa seqaykunan lawmanta, lliw miraynikikunata huñumusaq.

Isaías 43:6

Norte lawtam kamachisaq “paykunata kutichimuy”, nispa; sur lawtam kamachisaq “ama paykunata harkamuychu”, nispa; qaritapas warmitapas churiykunata tukuy hinastinmanta pusamuy, nispa.

Isaías 45:19

Ñoqaqa manam pakasqallapichu rimarqani, nitaqmi kay pachapa tutayay sitionkunapichu rimarqani; Israelpa mirayninkunataqa manam nirqanichu: “Yanqapaqñam maskawankichik”, nispaqa. Ñoqa Tayta Diosqa cheqap kaqtam rimani, ñoqaqa allin kawsakuyllamantam willakuni.

Isaías 55:6

Tarinapaqraq kachkaptinyá Tayta Diosta maskaychik, hichpallapiraq kachkaptinyá Tayta Diosta qayakuychik.

Jeremías 12:15

Chaynata hurqoruspaypas paykunataqa llakipayarisaqmi, hinaspaymi sapakamata nacionninkuman kutichisaq.

Jeremías 3:14

Tayta Diosmi kaynata nin: Mana kasukuq churikuna kutirikamuwaychik, qosaykichikmi ñoqaqa kani. Sapa llaqtamantam hukta akllasaq, sapa castamantañataqmi iskayta akllasaq, Sión llaqtaman kutichimunaypaq.

Jeremías 30:10

Ñoqa Tayta Diosmi kaynata nini: Serviqniy Jacobpa mirayninkuna ama manchakuychikchu, Israelpa mirayninkuna ama hukmanyaychikchu; ñoqam preso risqaykichik karu nacionmanta qamkunatapas miraynikichikkunatapas libramusqaykichik, kutimuspaykichikmi mana pipa manchachisqan hawkaña kawsakunkichik.

Jeremías 30:18

Tayta Diosmi kaynata nin: Jacobpa mirayninkunatam preso risqankumanta kutichimusaq, maymi yachanankunamantam llakipayarikusaq, llaqtanpas maymi tuñisqanpim kaqmanta hatarichisqa kanqa, palaciopas maymi kasqanpim hatarichisqa kanqa.

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Jeremías 31:16

Chaywanpas Tayta Diosmi kaynata nin: Raquel, amaña masta waqaychu, weqekitapas amaña usuchiychu, llamkasqaykimantaqa pagasqam kanki: Wawaykikunam enemigopa llaqtanmanta kutimunqa. Ñoqa Tayta Diosmi chaynata nini.

Jeremías 31:17

Ñoqa Tayta Diosmi nini: Allin punchawkunam qamkunapaq kanqa, wawaykikunam allpankuman kutimunqaku.

Jeremías 31:23

Israelpa yupaychasqan Tukuy Atiy-niyuq Tayta Diosmi nin: Preso apasqa runakunata kutichimuptiymi kay Judá allpapi hinaspa llaqtankunapipas kaqllamanta ninqaku: “Tayta Diosyá bendecichun sapaqchakusqan moqota, allin ruwaypa kanan moqota”, nispanku.

Jeremías 51:10

Tayta Diosmi sentenciaspa favoreceykuwanchik. Hamuychik, ñoqanchikpaq Diosninchikpa imam ruwasqanta Sión llaqtapi willakamusunchik.

Jeremías 8:3

Kay mana allin runakunatam tukuy hinastinman cheqerachisaq, hinaptinmi puchuqkunañataq kawsayta munanankumantaqa wañuyllataña maskanqaku. Ñoqa Tayta Diosmi chaynata nini.

Ezequiel 37:21

Hinaspaykim ñoqa Tayta Diospa nisqayta kaynata ninki: Israelpa mirayninkunataqa tukuy hinastinman risqanku nacionkunamanta huñumuspaymi allpankuman kutichimusaq.

Ezequiel 39:25

Chayraykum ñoqa Tayta Dios kaynata nini: Jacobpa mirayninkunatam preso risqankumanta kutichimusaq, chuya sutiyraykum paykunataqa kuyapayarisaq, chaynapim sutiyta allinta qawachikusaq.

Amós 9:14

Israel llaqtaytam preso risqanmanta kutichimusaq; pay-kunam tuñichisqa llaqtakunata hatarichispa chaypi yachanqaku. Uvasta tarpuspam vinotapas upyanqaku, chakrakunapi tarpuspam rurunta mikunqaku.

Miqueas 4:12

Paykunaqa manam yachankuchu Tayta Diospa imam tanteasqantapas, nitaqmi entiendenkuchu rimapayasqantapas, manataqmi yachakunkuchu gavillata hina Tayta Diospa huñusqan kanankutapas.

Sofonías 3:20

Chay tiempopim huñumuspa kutichimusqaykichik, hinaspaymi kay pachapi lliwpa reqsisqantaña, chaynataq lliwpa respetanantaña ruwasqaykichik. Chaynataqa ruwasqaykichik, preso risqaykichikmanta kutichimuspaymi. Ñoqa Tayta Diosmi chaynata nini.

Romanos 10:20

Isaiaspas mana manchakuspanmi Diospa nisqanta kaynata nirqa: “Mana maskaqniykunam tariruwarqaku, mana ñoqamanta tapukuqkunamanmi rikuriykurqani”, nispa.

Deuteronomio 30:1

Sichum akllakunaykichikpaq kunan willasqay bendicionkunapas otaq ñakaykunapas hamusuptikichik, Señornikichik Tayta Diospa qarqosusqaykichik nacionkunapi kaspa yuyaymanankichik,

Deuteronomio 30:3

Señornikichik Tayta Diosmi preso kasqaykichikmanta kutichimusunkichik, hinaspam llakipayarisunkichik.

Deuteronomio 30:5

Ñawpaq taytaykichikpa allpanmanmi Señornikichik Tayta Dios kutichimusunkichik, hinaptinmi huktawan qamkunapaq kanqa. Bendecisuspaykichikmi ñawpaq taytaykichikkunamantapas aswantaraq mirachisunkichik.

Deuteronomio 4:7

¿Mayqan hatun nacionpa diosninkunataq hichpallanpi kachkan, ñoqanchik sapa kutilla qayakuptinchik uyariwaqninchik Señorninchik Tayta Dios hinaqa?