Jeremías 29:13 - CHUYA QELLQA La Biblia en Quechua de Ayacucho 2012

¹³ Mas-kawaspaykichikpas tariwankichikmi, tukuy sonqoykichikwan maskawasqaykichikrayku.

Quechua Ayacucho Bible 1987

¹³ Maskawaspaykichikqa tariwankichikmi tukuy sonqoykichikwan maskawasqaykichikrayku.

Chuya Qellqa 1992

¹³ Maskawaspaykichikpas tariwankichikmi, tukuy sonqoykichikwan maskawasqaykichikrayku.

Jeremías 29:13 Iomraidhean Croise

1~Reyes 2:4

Tayta Diosmi prometewasqanta cumplinqa, paymi kaynata niwarqa: “Sichum miraynikikuna ñoqamanta mana rakikuspa nisqaykunata tukuy sonqonwan hinaspa tukuy almanwan kasukuspa kawsaptinkuqa, manam faltanqachu qampa miraynikikunamanta Israel nacionpi munaychakuq”, nispa.

2~Reyes 23:3

Hinaspam reyqa pilarpa waqtanpi sayaykuspan Tayta Diospa qayllanpi contratota ruwarqa. Chayman hinam prometekurqa Tayta Diosta qatinanpaq, kamachikuyninkunatapas, yachachikuyninkunatapas, decretonkunatapas tukuy sonqonwan hinaspa tukuy vidanwan kasukunanpaq, prometekurqataqmi Diospa pacto ruwasqan libropa nisqanta cumplinanpaqpas. Chaypi kaq llapallan runakunapas chaynata ruwanankupaqmi prometekurqaku.

1~Crónicas 22:19

Chaynaqa, tukuy sonqoykichikwanyá Tayta Diosta maskaychik, hinaspayá Tayta Diospa santuarionta hatarichiychik, chaynapi Tayta Diospa pacto ruwasqan Arcatawan paypaq sapaqchasqa serviciokunata Tayta Diospaq ruwasqaykichik temploman apanaykichikpaq, nispa.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 22:9

Chaymantam Ocoziasta maskachimurqa, payqa Samaria llaqtapim pakarayachkarqa. Tariruspanku Jehupa kasqanman pusaramuptinkum wañurachirqa, hinaptinmi pamparurqaku, “kayqa Josafatpa willkanmi, Josafatqa tukuy sonqonwanmi Tayta Diosta maskarqa”, nispanku. Ocozías wañuruptinmi ayllunmantaqa manaña pipas Judá nacionpi munaychakunanpaq karqañachu.

2~Crónicas 31:21

Tukuy imatam Diospa templonpi serviciopaq ruwarqa, chaykunataqa ruwarqa tukuy sonqomanta hinaspa Tayta Diospa kamachikuyninman chaynataq yachachikuyninman hinam, chayraykum tukuy ima ruwasqanpipas allin lloqsirqa.

Isaías 45:19

Ñoqaqa manam pakasqallapichu rimarqani, nitaqmi kay pachapa tutayay sitionkunapichu rimarqani; Israelpa mirayninkunataqa manam nirqanichu: “Yanqapaqñam maskawankichik”, nispaqa. Ñoqa Tayta Diosqa cheqap kaqtam rimani, ñoqaqa allin kawsakuyllamantam willakuni.

Isaías 65:10

Sarón pampapas ovejakunapa huntasqanñam kanqa, Acor qechwapas uywakunapa mikunanñam kanqa, maskaqniy runakunapaqmi chayna kanqa.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 3:10

Chaywanpas mana kasukuq ñañan Judapas manam tukuy sonqonwanchu ñoqaman kutirikamuwarqa, aswanqa hawa sonqollam. Ñoqa Tayta Diosmi chaynata nini.

Jeremías 50:4

Ñoqa Tayta Diosmi kaynata nini: Chay tiempokunapim Israel runakunawan Judá runakuna, ñoqa Tayta Diosta waqastin maskawanqaku.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Mateo 7:7

Mañakuptikichikqa qosunkichikmi, maskaspaqa tarinkichikmi, qayakuptikichikqa kichamusunkichikmi.

Hechos 8:36

Yakupa kasqanman chayaruptinkum chay eunuco nirqa: Kayqaya kaypi yaku kachkan, ¿imataq harkawanman bautizakurunayta? nispa.