Jeremías 28:11 - CHUYA QELLQA La Biblia en Quechua de Ayacucho 2012

¹¹ hinaspam llapallan runakunapa qayllanpi nirqa: Tayta Diosmi kaynata nin: Kaymanta iskay watamanmi, Babilonia nacionpi rey Nabucodonosorpa yugonta, llapallan nacionkunapa kunkanmanta pakisaq, nispa. Chaymi profeta Jeremías pasakurqa.

Quechua Ayacucho Bible 1987

¹¹ hinaspam llapallan runakunapa qayllanpi nirqa: —Tayta Diosmi kaynata nin: “Kay pakipasqay yugota hinam kunanmanta iskay wataman Babilonia nacionniyoq Rey Nabucodonosorpa llapallan nacion sujetasqanta tukusaq” nispa. Chaymi Diosmanta willakuq Jeremias pasakurqa.

Chuya Qellqa 1992

¹¹ hinaspam llapallan runakunapa qayllanpi nirqa: Tayta Diosmi kaynata nin: Kaymanta iskay watamanmi, Babilonia nacionpi rey Nabucodonosorpa yugonta, llapallan nacionkunapa kunkanmanta pakisaq, nispa. Chaymi profeta Jeremías pasakurqa.

Jeremías 28:11 Iomraidhean Croise

1~Reyes 13:18

Ichaqa chay yuyaqña profetam llullakuspan nirqa: Ñoqapas qam hina profetam kani. Tayta Diospa angelninmi niwarqa wasiyman pusaspay mikuchinaypaq hinaspa yakuta tomachinaypaq, nispa.

1~Reyes 22:6

Chaymi Israelpa reynin, yaqa tawa pachak profetakunata huñurachirqa, hinaspam tapurqa: ¿Risaqchu Galaad lawpi Ramot llaqtapa contranpi peleaq icha manachu? nispa. Hinaptinmi paykunañataq nirqaku: Arí, riypuni, Tayta Diosmi makikiman churamunqa, nispanku.

2~Crónicas 18:10

Quenaanapa churin Sedequiasmi fierromanta waqrakunata ruwaruspan qaparispa profetizachkarqa: Tayta Diosmi kaynata nin: “Kay waqrakunawanmi Siria runakunata atacaruspa chinkarachinki”, nispa.

Proverbios 14:7

Mana yachayniyuq runamanta sapaqchakuy, paypa siminmantaqa manam ima yachachikuytapas tariwaqchu.

Jeremías 14:14

Hinaptinmi Tayta Diosñataq niwarqa: Paykunaqa sutiypi profetizaspan-kupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqos-qankutam profetizachkanku.

Jeremías 23:17

Qepanchakuwaqniy runakunatam paykunaqa nichkanku: Tayta Diosmi nisunki: “Hawkallam kankichik”, nispanku. Mana kasukuq sonqoyuq runakunatañataqmi nichkanku: “Sasachakuyqa manam chayamusunkichikchu”, nispanku.

Jeremías 28:15

Hinaptinmi Hananiasta profeta Jere-mías nirqa: ¡Yaw Hananías, uyariway! Tayta Dios mana kamachimusuchkap-tikim kay runakunata llulla rimaynikikunapi hapipachichkanki.

Jeremías 29:9

Ñoqapa sutiypi profetizasqankuqa llullam, paykunataqa manam kamachimurqanichu, ñoqa Tayta Diosmi chaynata nini.

Ezequiel 13:7

¡Qamkunapa rikusqaykichik visionkunaqa manam cheqapchu! ¡Profetizasqaykichikpas llullam! Qamkunaqa ñoqapa rantiypi rimaqpaqraqmi hapikunkichikpas, ichaqa manam rimapayarqaykichikchu.