Jeremías 28:1 - CHUYA QELLQA La Biblia en Quechua de Ayacucho 2012

¹ Judá nacionpi rey Sedequías tawa wataña munaychakuchkaptinmi, chay watapa pichqa kaq killanpi, Gabaón llaqtayuq Azurpa churin profeta Hananías, Jeremiasta templopi sayachkaptin sacerdotekunapa chaynataq llapa runakunapa qayllanpi kaynata nirqa:

Quechua Ayacucho Bible 1987

¹ Juda nacion Rey Sedequiaspa gobiernay qallarisqan watakunapim otaq tawa watamanña gobiernachkaptinmi chay watapa pichqa kaq killanpi Gabaon llaqtayoq Azurpa churin Hananias Tayta Diosmanta willakuq tukurqa. Jeremiastam templopi sayachkaptin sacerdotekunapa chaynataq llapallan runakunapa qayllanpi kaynata nirqa:

Chuya Qellqa 1992

¹ Judá nacionpi rey Sedequías tawa wataña munaychakuchkaptinmi, chay watapa pichqa kaq killanpi, Gabaón llaqtayuq Azurpa churin profeta Hananías, Jeremiasta templopi sayachkaptin sacerdotekunapa chaynataq llapa runakunapa qayllanpi kaynata nirqa:

Jeremías 28:1 Iomraidhean Croise

1~Reyes 3:4

Gabaón llaqtamanpas rispanmi sacrificiokunata chaypi ofrecemuq. Chaymanqa riq chay moqopi kaq capilla ancha reqsisqa kasqanraykum; chaypim waranqa lliw kañana sacrificiota kañamurqa.

2~Reyes 24:18

Rey Sedequiasmi iskay chunka hukniyuq watampi munaychakuyta qallaykurqa. Chunka hukniyuq watam Jerusalén llaqtapi munaychakurqa. Mamanmi karqa Libna llaqtayuq Jeremiaspa churin Hamutal.

2~Crónicas 36:11

Rey Sedequiasqa iskay chunka hukniyuq watanpim munaychakuyta qallaykurqa. Chunka hukniyuq watam Jerusalenpi munaychakurqa.

Isaías 9:15

Ancianokunapiwan reqsisqa runakunam chay animalpa uman hina, mana cheqap kaqta willakuq profetakunañataqmi chay animalpa chupan hina.

Jeremías 23:28

Pipas mosqoruspaqa chay mosqorusqantayá willakuchun, pipas rimasqayta uyarispaqa imam kaqtayá willakuchun. Trigotawan pajataqa manam hukllawanachu.

Jeremías 27:1

Josiaspa churin rey Joacim Judá nacionpi munaychakuyta qallaykuptinmi Jeremiasta Tayta Dios rimapayarqa

Jeremías 27:12

Ñoqa Jeremiasmi Judá nacionpa reynin Sedequiasman tukuy chaykunata kaynata willarqani: Babilonia nacionpi reypa yugoman kunkaykichikta sujetaychik hinaspa paytawan llaqtanta serviychik. Chay-nata ruwaspaqa kawsankichikmi.

Jeremías 27:3

Chaymantam Edompa, Moabpa, Amonpa, Tiropa hinaspa Sidonpa reyninkunaman willachimunki, Judá nacionpa reynin Sedequiasta watukunankupaq Jerusalén llaqtaman hamuqkunawan.

Jeremías 28:11

hinaspam llapallan runakunapa qayllanpi nirqa: Tayta Diosmi kaynata nin: Kaymanta iskay watamanmi, Babilonia nacionpi rey Nabucodonosorpa yugonta, llapallan nacionkunapa kunkanmanta pakisaq, nispa. Chaymi profeta Jeremías pasakurqa.

Jeremías 28:17

Hinaptinmi Hananiasqa chay watapa qanchis kaq killanpi wañururqa.

Jeremías 28:5

Chaymi Jeremiasñataq sacerdotekunapa chaynataq templopi huñunasqa llapallan runakunapa qayllanpi Hananiasta kaynata nirqa:

Jeremías 29:15

Qamkunam ichaqa nichkankichik: Kay Babilonia nacionpim profetakunata Tayta Dios qoykuwanku, nispaykichik.

Jeremías 36:12

hinaspanmi reypa palacionpi secretariopa cuartonman uraykurqa, chaypim kay kamachikuqkuna kachkarqaku: Secretario Elisama, Semaiaspa churin Delaía, Acborpa churin Elnatán, Safanpa churin Gemarías, Ananiaspa churin Sedequías chaynataq wakin kamachikuqkunapas.

Jeremías 37:13

Ichaqa Benjamín sutiyuq punkuman Jeremías chayaruptinmi, Hananiaspa willkan otaq Selemiaspa churin Irías presocharuspan nirqa: Qamqa Caldea runakunaman hukllawakuqmi richkanki, nispa.

Jeremías 37:19

¿Maypitaq kachkan “Babilonia nacionpa reyninqa, manam atacamusunkichikchu qamkunatapas nitaq kay naciontapas”, nispa nisuqnikichik profetakunaqa?

Jeremías 49:34

Rey Sedequías Judá nacionpi munaychakuyta qallarichkaptinmi, Elampa contranpi profeta Jeremiasta Tayta Dios kaynata nirqa:

Jeremías 51:59

Judá nacionpi rey Sedequías tawa wataña munaychakuchkaspanmi Babi-lonia nacionman rirqa, paywanmi rirqa Maasiaspa willkan otaq Neriaspa churin Seraiaspas paymi riqkunata pusarqa; hinaptinmi Babiloniapi Israelpa mirayninkunaman huk kunakuyta profeta Jeremías apachirqa.

Ezequiel 13:6

Visionkuna rikusqankupas manam cheqapchu, profetizasqankupas llullam. Paykunaqa mana kachamuchkaptiymi “Tayta Diosmi kaynata nin” nispankuraq rimankupas, hinaspam imam rimasqanku cumplikunanta suyanku.

Oseas 7:3

Mana allinta ruwaspankum reyninkuta kusichinku, llullakunata rimaspankum kamachiqninkuta kusichinku.

Josué 10:12

Amorreokunata Israelpa mirayninkunaman Tayta Diospa qosqan punchawmi, Israelpa mirayninkunapa qayllanpi Tayta Diosta qayakuspan Josué nirqa: Inti, Gabaón llaqtapa altonpi sayay, killa, Ajalón qechwapa altonpi sayay, nispa.

Josué 9:3

Gabaón llaqtapi yachaqkunam ichaqa, Jericó llaqtatawan Hai llaqtata Josueypa imam ruwarusqanta uyariruspanku,