Jeremías 27:9 - CHUYA QELLQA La Biblia en Quechua de Ayacucho 2012

⁹ Amayá kasuychikchu chay profetakunataqa, qatipaqkunataqa, mosqoykunapa imam ninan willakuqkunataqa, suerte qawaqkunataqa nitaq layqakunatapas. Paykunam umachasuchkankichik: Babilonia nacionpa reynintaqa manam servinkichikchu, nispanku.

Quechua Ayacucho Bible 1987

⁹ —Amayá kasuychikchu ñoqamanta willakuqkunataqa, musyaqkunataqa, mosqoykunapa imam ninan willakuqkunataqa, suerte choqaqkunataqa nitaq brujokunatapas. Paykunaqa consejasuchkankichik Babilonia nacionpa reyninta manaña servinaykichikpaqmi.

Chuya Qellqa 1992

⁹ Amayá kasuychikchu chay profetakunataqa, qatipaqkunataqa, mosqoykunapa imam ninan willakuqkunataqa, suerte qawaqkunataqa nitaq layqakunatapas. Paykunam umachasuchkankichik: Babilonia nacionpa reynintaqa manam servinkichikchu, nispanku.

Jeremías 27:9 Iomraidhean Croise

Éxodo 22:18

Layqa warmitaqa wañuchinkichikmi.

Éxodo 7:11

Faraonpas yachaysapa runakunatawan layqakunata qayachiptinmi, Egipto nacionniyuq layqakunapas layqayninkuwan chaynata ruwarqaku.

Proverbios 19:27

Churilláy, corregisqa kayta mana munaspaykiqa allin yachachikuykunamantapas sapaqchakurunkim.

Isaías 8:19

Sichum runakuna nisunkichik: Espiritistakunata qayakuychik, wachachachaspa upallallamanta rimaq espirituyuqkunata qayakuychik, ¿runakunaqa manachum diosninkuta tapukunmanku? ¿Kawsaqkunaqa manachum wañuqkunapa almanta tapukunmanku? nispanku.

Jeremías 14:14

Hinaptinmi Tayta Diosñataq niwarqa: Paykunaqa sutiypi profetizaspan-kupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqos-qankutam profetizachkanku.

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 23:25

Ñoqam chay llulla profetakunapa rimasqanta uyarirqani, sutiypiraqmi paykunaqa “mosqorunim, mosqorunim” nispa llullallata willakuchkanku.

Jeremías 23:32

Yanqakunata mosqoruspa runaykunata pantachiq profetakunapa contranpim kachkani. Paykunaqa llullakunata willaspankum llaqtayta pantarachinku. Paykunataqa manam kachamurqanichu nitaqmi kamachimurqanichu, paykunaqa manam llaqtaypa allinnintachu rimarqaku. Ñoqa Tayta Diosmi chaynata nini.

Jeremías 29:8

Ñoqa Israelpa yupaychasqan Tukuy Atiyniyuq Tayta Diosmi kaynata nini: Amayá engañachikuychikchu qamkuna ukupi kaq profetakunawan nitaq qatipaqkunawanpas, mosqosqankutapas ama kasuychikchu.

Ezequiel 21:29

Paykunaqa revelacionta qawaspapas yanqakunallatam willakunku, profetizaspankupas llullatam rimanku. Chay millakuypaq mana allin runakunataqa espadam wañuchinqa, castigasqa kananku punchawmi hichpamuchkanña.

Daniel 4:7

Chaymi hamurqaku layqakuna, qawaqkuna, Caldea lawpi yachayniyuqkuna hinaspa qatipaqkuna-pas. Paykunamanmi imam mosqorus-qayta willarqani, ichaqa manam chay mosqoypa imam ninan willawayta atirqakuchu.

Miqueas 3:7

Profetakunapas penqaypim tarikunqaku, adivinaqkunapas muspaypi hinañam rimanqaku. Tayta Diosmanta mana imatapas chaskisqankuraykum siminkutapas wichqarunqaku.

Zacarías 10:2

Idolokunapa rimasqanqa llullam, qatipaqkunapa rikusqanpas pantaymi, yanqa musqoy hinallam willakuyninkupas, yanqa rimayllam sonqo tiyachita rimasqankupas. Chayraykum runakunaqa, mana michiqniyuq ovejakuna hina llutanpi purispa michiqninku mana kaptin ñakarichkanku.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Hechos 8:11

Paytam kasukuqku, layqakuyninwan unayña paykunata engañasqanrayku.

Efesios 5:6

Amayá yanqakuna rimaqwanqa engañachikuychikchu, kaynakuna kasqanraykum Diospa piñakuyninqa mana kasukuqkunaman hamun.

Deuteronomio 13:2

chay milagro otaq admirakuypaq kaqpas cumplikuruptinñataq nisunkichikman: “Haku idolokunataña yupaychamusunchik” nispa,

Deuteronomio 18:14

Qamkunamanña qosus-qaykichik allpapi runakunaqa layqakunatawan qatipaqkunatam kasukunku. Qamkunatam ichaqa Señornikichik Tayta Dios mana munanchu chaykuna ruwanaykichikta.

Josué 13:22

Israelpa mirayninkunaqa guerrapi wañuchisqankunatawan kuskatam wañurachirqaku Beorpa churin qatipaq Balaamtapas.

Apocalipsis 18:23

Mecheropas manañam achkinqañachu, casarakuykunapi kusikuypas manañam kanqañachu, chaypi negociantekunam kay pachapi munayniyuq karqaku, layqaspam llapallan nacionkunata engañarqaku.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

Apocalipsis 22:15

Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.

Apocalipsis 9:21

Chay runakunaqa mana-taqmi wanakurqakuchu runakuna wañuchisqankumantapas, layqa ruwas-qankumantapas, hukwan-hukwan pierdekusqankumantapas nitaq suwa-kusqankumantapas.