Jeremías 27:6 - CHUYA QELLQA La Biblia en Quechua de Ayacucho 2012

⁶ Kunanmi llapallan nacionkunata Babilonia nacionpa reynin serviqniy Nabucodonosorman qoni, purun animalkunatapas paymanmi munaychakunanpaq qoni.

Quechua Ayacucho Bible 1987

⁶ Kunanqa llapallan chay nacionkunatam qoni Babilonia nacionpa reynin serviqniy Nabucodonosorman. Qonitaqmi purun animalkunatapas payta servinankupaq.

Chuya Qellqa 1992

⁶ Kunanmi llapallan nacionkunata Babilonia nacionpa reynin serviqniy Nabucodonosorman qoni, purun animalkunatapas paymanmi munaychakunanpaq qoni.

Jeremías 27:6 Iomraidhean Croise

2~Reyes 25:28

Kuyakuywan rimapayaspanmi Babilonia llaqtapi wakin rey-kunamantapas aswan reqsisqataraq ruwaykurqa.

2~Crónicas 36:23

Persiapa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa. Chaynaqa, qamkuna ukupi pipas Tayta Diospa llaqtan kaspaqa kutikuchun, Tayta Diosmi paywan kan-qa, nispa.

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Jeremías 21:7

Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

Jeremías 22:25

wañuchiy munasuqnikiman qoykunaypaq. Manchakusqayki Babiloniapa reynin Nabucodonosorman hinaspa Caldea runakunamanmi qamtaqa qoykusqayki.

Jeremías 24:1

Babilonia nacionpa reynin Nabucodonosor presota Judá nacionpa reynin Joacimpa churin Jeconiasta, kamachikuqkunata, artesanokunata hinaspa herrerokunata Babiloniaman aparusqanpa qepantam, Tayta Dios qawachiwarqa templopa punkunpi churasqa higos huntayuq iskay canastakunata.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 28:14

Ñoqa Israelpa yupaychasqan Tukuy Atiyniyuq Tayta Diosmi nini: Llapallan nacionkunapa kunkanmanmi fierromanta yugota watani, Babilonia nacionpa reynin Nabucodonosortaña servichinaypaq. Purun animalkunatapas paymanmi qoykuni munaychakunanpaq, nispa.

Jeremías 43:10

hinaspa paykunata niy: Israelpa yupaychasqan Tukuy Atiyniyuq Tayta Diosmi kaynata nin: Babilonia nacionpi serviqniy rey Nabucodonosorta pusamuptiymi kay pampasqay rumi hawanpi trononta churanqa, hinaspam carpanta sayachinqa.

Jeremías 49:30

Ñoqa Tayta Diosmi kaynata nini: ¡Hazor llaqtayuqkuna kallpaylla lluptiychik! ¡Allpa ukunpi pakakamuychik! Babilonia nacionpa reynin Nabucodonosormi contraykichikpi tantearun.

Ezequiel 29:12

Egipto naciontam chunniq allpakunamantapas aswan chunniqtaraq ruwasaq, llaqtankunatapas purmasqa llaqtakunamantapas aswan purmasqataraqmi ruwasaq, tawa chunka watapunim purmanqa. Egipto naciontam tukuy hinastin llaqtakunaman hinaspa nacionkunaman cheqechisaq.

Ezequiel 30:24

Babilonia nacionpa reyninpa makinta kallpanchaspaymi espadayta qoykusaq. Egipto nacionpa reynin Faraonpa makinkunatam ichaqa pakirusaq, chaymi ñakarispa enemigonpa ñawpaqninpi waqanqa.

Daniel 4:12

Mayna sumaqmi llaqenkunapas kasqa, rurunkunapas llumpaymi kasqa, chaypiqa llapallanpaqmi mikuykunapas kasqa. Purun animalkunapas ukunpim llantukusqaku, alton pawaq animalkunapas kallmankunapim qesachakusqaku, llapallan kawsaqkunapas chayllawanmi kawsasqaku.

Daniel 4:22

Reynilláy, chay sachaqa qanmi kanki, wiñaruspam llumpay atiyniyuq rikurirunki, ancha reqsisqa kaynikipas cielokamam chayan, munaychakuynikipas tukuy hinastinmanmi mastarikurun.