Jeremías 27:5 - CHUYA QELLQA La Biblia en Quechua de Ayacucho 2012

⁵ Hatu-hatun atiyniywanmi kay pachatapas, chaypi kaq runakunatawan animalkunatapas ruwarqani. Chaynaqa, pimanpas munasqaymanmi qoykuyman.

Quechua Ayacucho Bible 1987

⁵ “Hatu-hatun atiyniywanmi rurarqani kay pachatawan chaypi kaq runakunatapas chaynataq animalkunatapas. Chaykunataqa munasqayman hinam pimanpas qoni.

Chuya Qellqa 1992

⁵ Hatu-hatun atiyniywanmi kay pachatapas, chaypi kaq runakunatawan animalkunatapas ruwarqani. Chaynaqa, pimanpas munasqaymanmi qoykuyman.

Jeremías 27:5 Iomraidhean Croise

Génesis 1:25

Diosmi unancharqa castanman hina: Purun animalkunata, uywa animalkunata hinaspa qasqonpa puriq urukunatapas. Diosmi qawarqa chaykuna allin kasqanta.

Génesis 9:6

Pipas runamasin wañuchiqtaqa paytapas runamasintaqmi wañuchinqa, runaqa Diosman rikchakuq ruwasqa kasqanrayku.

1~Reyes 8:42

(paykunapas hatun sutikimantawan hatun atiynikimantam uyarinqaku) kay temploykimanta qayakamusuptikiqa,

Esdras 1:2

Persia nacionpa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa.

Nehemías 9:22

Nacionkunata llaqtakunatam qorqanki, sapa ayllumanmi allpankuta qorqanki. Chaynapim Hesbonpa reynin Sehonpa munaychakusqan allpatapas, chaynataq Basanpa reynin Ogpa munaychakusqan allpatapas hapikuykurqaku.

Éxodo 20:11

Soqta punchawpim cielokunata, kay pachata, lamar qochata chaynataq chaypi tukuy ima kaqkunatapas unancharqani. Qanchis punchawpiñataqmi samarqani, hinaspam chay punchawta bendecispay sapaqcharqani.

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Isaías 42:5

Cielokunata unanchaspa mastariq Tayta Diosmi kani, allpa pachata unanchaqmi kani, allpapi wiñaqkunatam mirachirqani, allpa pachapi kawsaq runakunamanmi espirituyta qorqani. Chaykuna ruwaq kaspaymi serviqniyta kaynata nini:

Isaías 44:24

Reclamaqniki Tayta Diosmi, manaraqpas nacechkaptiki unanchasuqnikim kaynata nin: Ñoqaqa tukuy imapas unanchaq Tayta Diosmi kani, ñoqam cielokunata mastarirqani, mana pipapas yanapasqanmi kay pachata takyachirqani.

Isaías 45:12

Kay pachatapas runankunatapas ñoqam unancharqani, atiyniywanmi hanaq pachatapas mastarirqani, chaskakunapas rikurinankupaqmi kamachirqani.

Isaías 48:13

Makiywanmi kay pachata takyachirqani, atiyniywanmi cielokunata mastarirqani, qayaykuptillaymi chaykunaqa paqarimurqaku.

Isaías 51:13

¿Hanaq pachata mastarispa kay pachatapas takyachiq unanchasuqniki Tayta Diostachu qonqarunki? ¿Hinallachu ñakarichisuqnikipa piñakuyninta sapa punchaw manchakunki? ¿Maypitaq ñakarichisuqnikipa piñakuynin kachkan?

Jeremías 27:4

Israelpa yupaychasqan ñoqa Tukuy Atiyniyuq Tayta Diospa nisqaytam chay runakunaman kamachinki, reyninkuman kaynata willanankupaq:

Jeremías 32:17

¡Dios Taytalláy! Qamqa hatun atiynikiwanmi cielokunatapas kay pachatapas unancharqanki, qampaqqa manam imapas sasachu.

Jeremías 51:15

Tayta Diosmi kay pachata atiyninwan ruwarqa, Tukuy kay pachapi kaqtam yachayninwan takyachirqa, yachayninwanmi cielokunata mastarirqa.

Daniel 2:38

Qosurqankitaqmi tukuy hinastinpi runakunatapas, animalkunatapas hinaspa alton pawaqkunatapas, chaykunapi munaychakunaykipaq. Reynilláy, chay sayaqpa qorimanta umanqa qanmi kanki.

Daniel 4:14

Paymi kallpawan qaparispan nirqa: Chay sachata kuchuruychik, kallmankunatapas qoruruychik, rapinkunatapas chutaparuychik, rurunkunatapas cheqerachiychik, llantuyninpi kaq purun animalkunapas ayqekuchunku, kallmanpi kaq alton pawaq animalkunapas pawakuchunku.

Daniel 4:17

Kay sentenciataqa angelkunam qomurqaku, angelkunam chaynata tantearqaku, chaynapi llapa runakunapa kamachikuyninpiqa tukuy imapa hawanpi kaq Dioslla munaychakuq kasqanta yachanankupaq, chay kamachikuytaqa paymi munasqanman hina pimanpas qon, humilde runatapas huk nacionpa kamachiqnin kananpaqmi churan.

Daniel 4:22

Reynilláy, chay sachaqa qanmi kanki, wiñaruspam llumpay atiyniyuq rikurirunki, ancha reqsisqa kaynikipas cielokamam chayan, munaychakuynikipas tukuy hinastinmanmi mastarikurun.

Daniel 4:25

Reynilláy, runakuna ukumanta wischusqa kaspam purun animalkunawanña kawsanki, torokuna hinam pastotaña mikunki, sullapas nuyusunkim. Qanchis watapunim chayna kawsanki, chaymantañam qamqa reqsikunki, tukuy imapa hawanpi munaychakuq Diosqa llapallan runakunapa kamachikuyninpi munaychakuq kasqanta, kamachikuq kananpaqqa paymi munasqanman hina pitapas churan.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Hechos 14:15

¡Runamasillaykuna! ¿Imanasqataq kayta ruwachkankichik? Ñoqaykuqa qamkuna hina runallam kaniku, hamurqanikuqa cheqap kawsaq Diosmanta willakuqmi, chaynapi tukuy mana allin ruwaynikichikta saqespa kawsaq Diosman kutirikunaykichikpaq. Paymi unancharqa kay pachata, hanaq pachata, lamar qochata, hinaspa chaykunapi tukuy ima kaqkunatapas.

Hechos 17:24

Chay Diosmi kay pachatapas chaynataq chaypi tukuy ima kaqkunatapas unancharqa, payqa kay pachapipas chaynataq hanaq pachapipas Diosmi, manam runakunapa ruwasqan templopichu yachan,

Hechos 17:26

Huk runallamantam tukuy hinastinpi kaq nacionkunata mirachirqa, chaynapi lliw kay pachapi yachanankupaq; paymi hayka watam kawsanankutapas señalarqa, chaynataq maypim yachanankutapas,

Deuteronomio 2:19

Amonitakunapa allpanman chayaspaykichikqa amam imanankichikchu, amataqmi paykunawanqa peleankichikpaschu. Amonitakunapa allpantaqa manam qosqaykichikchu. Chay allpataqa Lotpa mirayninkunamanmi herencianku kananpaq qorqani”, nispa.

Deuteronomio 2:21

Chay llaqtaqa achkallaña runayuq hatun llaqtam karqa. Ru-nankunapas Anacpa churinkuna hina hatunkaray runakunam karqaku. Payku-natam llapa amonitakunawan Tayta Dios tukurachirqa, chaynapim amonitakunaña chaypi yachachkanku.

Deuteronomio 2:7

Señornikichik Tayta Diosmi tukuy ima ruwasqanchikpi bendeciwarqanchik, tawa chunka watañam ñoqanchikwan kasqanqa, chaymi kay manchakuypaq chunniqpi puriptinchikpas mana imapas pisiwarqanchikchu.

Deuteronomio 2:9

Hinaptinmi Tayta Dios niwarqa: “Moabitakunataqa amam imanankichikchu nitaqmi paykunawanqa peleankichikchu, paykunamanqa Lotpa mirayninkuna kasqanraykum Ar law allpata qorqani. Paykunapa allpantaqa manam qosqaykichikchu”, nispa.

Deuteronomio 32:8

Tukuy imapa hawanpi munaychakuq Diosmi nacionkunaman herenciata rakinarqa, chay nacionkunapa linderonkunatam churarqa, Israelpa mirayninkunaman hinam rakirqa.

Deuteronomio 4:17

Amam ruwankichikchu animalkunaman, alton pawaqkunaman, qasqonpa puriq animalkunaman otaq challwakunaman rikchakuqtapas.

Deuteronomio 4:25

Churikichikpas chaynataq willkaykichikpas karuptinqa hinaspa qamkunapas chay allpapi machuyaruspaykichikqa yanqañataq tukuy imaman rikchakuq idolokunatapas ruwaspa Señornikichik Tayta Diospa contranpi huchallikuspa payta piñachiwaqchik.

Deuteronomio 4:32

Ñawpaq tiempokunata tapukachakuychik, runata kay pachapi Diospa unanchasqanmantapuni tapukachakuychik, tukuy hinastinpi tapukachakamuychik: “¿Yaqachum kayna hatu-hatun kaqkuna pasakurqa? ¿Yaqachum kayna hatu-hatun kaqkunamanta uyarirqankichik?”

Deuteronomio 4:35

Tayta Diosllam chaykunataqa qawachisurqankichik cheqap Dios kasqanta yachanaykichikpaq.

Deuteronomio 5:16

Ñoqa Señorniki Tayta Diospa kamachisqaypi hinam tayta-mamaykita respetaspa kasukunki, chaynapi ñoqapa qosqay allpapi unay wata kusisqa kawsakunaykipaq.

Deuteronomio 9:29

Paykunaqa qampa runaykikunam, hatu-hatun atiynikiwantaqmi hurqomurqankipas”, nispay.

Colosenses 1:16

Paynintakamam Dios unancharqa cielopi kaqkunata, kay pachapi kaqkunata, rikusqanchik kaqkunata, mana rikuy atisqanchikkunata, munaychakuqkunata, kamachikuqkunata, autoridadkunata hinaspa llapallan atiyniyuqkunatapas. Paynintakamam hinaspa paypaqtaqmi tukuy imapas unanchasqa karqa.

Hebreos 1:2

Kay tukupay punchawkunapiñataqmi Chu-rintakamaña rimapayawarqanchik. Pay-tam Dios churarqa tukuy ima herencia chaskiq kananpaq. Paywantaqmi hanaq pachatawan kay pachatapas unancharqa.

Apocalipsis 4:11

“Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.