Jeremías 27:18 - CHUYA QELLQA La Biblia en Quechua de Ayacucho 2012

¹⁸ Sichum cheqap profetakuna kaspankuqa chaynataq palabraypas paykunapi kaptinqa, ñoqa Tukuy Atiyniyuq Tayta Diosta mañakuwachunku, chaynapi temploypi puchuq serviciokunatapas, Judá nacionpi reypa wasinpi hinaspa Jerusalenpi puchuq serviciokunatapas Babilonia nacionman ama apanankupaq.

Quechua Ayacucho Bible 1987

¹⁸ Sichu ñoqamanta cheqap willakuqkuna kaspankuqa chaynataq palabraypas paykunapi kaptinqa Llapallan Kamachiq ñoqa Tayta Diostayá ruegakuwachunku chaynapi temploypi puchuq serviciokunatapas chaynataq Juda nacionpi reypa wasinpi hinaspa Jerusalenpi puchuq serviciokunatapas Babilonia llaqtaman ama apanankupaq.

Chuya Qellqa 1992

¹⁸ Sichum cheqap profetakuna kaspankuqa chaynataq palabraypas paykunapi kaptinqa, ñoqa Tukuy Atiyniyuq Tayta Diosta mañakuwachunku, chaynapi temploypi puchuq serviciokunatapas, Judá nacionpi reypa wasinpi hinaspa Jerusalenpi puchuq serviciokunatapas Babilonia nacionman ama apanankupaq.

Jeremías 27:18 Iomraidhean Croise

Génesis 20:17

Abrahammi Diosta mañakurqa, chaymi Abimelecta, warminta chaynataq criadankunatapas sanoyachirqa, hinaptinmi chayraq wawayuq kayta atirqaku.

1~Reyes 18:24

Qamkunam diosnikichikta qayakunkichik, ñoqapas yupaychasqay Tayta Diostam qayakusaq. Mayqanpas ninata kachaykamuqmi cheqap Diosqa, nispa. Chaymi llapa runakuna nirqaku: Allinpunim nisqaykiqa, nispanku.

1~Reyes 18:26

Chaymi apamusqanku torota chaskiruspanku nakarurqaku, hinaspam achikyasqanmanta chawpi punchawkama Baal diosninkuta kaynata qayakurqaku: ¡Taytallayku Baal, uyariykullawayku! nispanku. Ichaqa manam ima qayakuyllatapas uyarirqakuchu chayraykum perqasqanku altarpa muyuriqninpi pawaykachaspa muyurirqaku.

2~Crónicas 32:20

Chayraykum rey Ezequiaswan Amoz-pa churin profeta Isaías, Tayta Diosta mañakurqaku.

Jeremías 15:1

Tayta Diosmi kaynata niwarqa: Moiseswan Samuelña ñawpaqniyman hamuptinkupas, manam kay runakunataqa llakipayarisaqchu. ¡Kaymanta qarqoy, qayllaymanta lloqsichunku!

Jeremías 18:20

¿Paykunapaq allin ruwasqaymantachu mana allinwan pagawanqaku? Sepulturaytapas toqorunkuñam, paykunapa allinninpaq rimasqaytayá yuyariy, paykunamanta piñakuynikita suchuchinaykipaq mañakusqaytayá yuyariy.

Jeremías 42:2

profeta Jeremiasman asuykuspanku nirqaku: Mañakuykikum llapallan kaypi puchuqkunapaq yupaychasqayki Tayta Diosta mañakunaykipaq. Rikuwasqaykikupi hinapas achkamantam ñoqallaykuña puchuruniku.

Jeremías 7:16

Yaw, Jeremías, amañayá kay runakunapaqqa mañakuwayñachu nitaq qaparispa qayakamuwayñachu amaña ruegawaychu. Manam uyarisqaykichu.

Ezequiel 14:14

Sichum chay nacionpa chawpinpi tarikunmanku Noeywan, Daniel chaynataq Job, hinaspaqa allin ruwaq kasqankuraykum kay kimsallanku salvakunmanku. Ñoqa Tayta Diosmi chaynata nini.

Ezequiel 22:30

Paykuna ukupim huk runata maskarqani, kay nacionpa rantinpi perqa hina sayaykuspa qayllaypi mañakuwaptin mana tuñirachinaypaq, ichaqa manam tarirqanichu.

Malaquías 1:9

Chaynaqa, llakipayariwananchik-paq Tayta Diosta kunan mañakuychik. Ichaqa, chayna mana valeq ofrendakunata qochkaspaykichikqa, amayá piensaychikchu Diospas kusikuywanraq chaskiykusunaykichiktaqa. Tukuy Atiyniyuq Tayta Diosmi kaynata nin:

1~Samuel 12:19

Hinaspankum llapallan runakuna Samuelta nirqaku: Ama hina kaspayki Tayta Diosta mañaykapuwayku ama wañuchiwanankupaq, cheqaptapunim llumpay huchasapallaña kachkaspapas reyta mañakusqaykuwan aswanraq huchallikuruniku, nispanku.

1~Samuel 12:23

Arí, ñoqamanta karunchasqa kachun Tayta Diospa qayllanpi qamkunarayku mana mañakuspa huchallikuyniyqa. Ñoqaqa aswanraqmi yachachisqaykichik Diospa munasqanman hina sumaq kawsakuyta.

1~Samuel 7:8

Chaymi Samuelta nirqaku: Tuta punchawyá yupaychasqanchik Diosta, Tayta Diosninchikta mañapuwayku, chaynapi filisteokunapa makinmanta librawanankupaq, nispanku.