Jeremías 27:10 - CHUYA QELLQA La Biblia en Quechua de Ayacucho 2012

¹⁰ Paykunaqa allpaykichikta saqerachisunaykichikpaqmi llullakunata willasuchkankichik, chaynapi ñoqapas karu nacionman qarqoruptiy wañunaykichikpaq.

Quechua Ayacucho Bible 1987

¹⁰ Paykunaqa allpaykichikmanta karuncharusunaykichikpaqmi chayna llullakunata willasuchkankichik chaynapi ñoqapas karu nacionman qarqoruptiy chinkarunaykichikpaq.

Chuya Qellqa 1992

¹⁰ Paykunaqa allpaykichikta saqerachisunaykichikpaqmi llullakunata willasuchkankichik, chaynapi ñoqapas karu nacionman qarqoruptiy wañunaykichikpaq.

Jeremías 27:10 Iomraidhean Croise

Éxodo 22:18

Layqa warmitaqa wañuchinkichikmi.

Jeremías 14:14

Hinaptinmi Tayta Diosñataq niwarqa: Paykunaqa sutiypi profetizaspan-kupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqos-qankutam profetizachkanku.

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 23:25

Ñoqam chay llulla profetakunapa rimasqanta uyarirqani, sutiypiraqmi paykunaqa “mosqorunim, mosqorunim” nispa llullallata willakuchkanku.

Jeremías 27:14

Chay profetakunapa umachasusqaykichiktaqa ama kasuychikchu, Babilonia nacionpa reynintaqa manam servinkichikchu nisuptikichikpas, paykunaqa llullatam nisuchkankichik.

Jeremías 27:15

Paykunataqa manam kachamurqanichu, paykunaqa llullatam ñoqapa sutiypi rimachkanku, chaynapi qamkunatapas chaynataq llulla profetaykichikkunatapas ñoqa Tayta Dios qarqoruptiy wañunaykichikpaq, nispa.

Jeremías 27:16

Sacerdotekunamanpas chaynataq llapallan runakunamanpas Tayta Diospa nisqantam kaynata nirqani: Chay profetakunam nichkanku: Templopa servicionkunatam Babilonia nacionmanta chaylla kutichimunqaku, nispanku. Chay nisqankuqa llullam. Chay profetaykichikkunapa nisqantaqa ama kasuychikchu.

Jeremías 28:11

hinaspam llapallan runakunapa qayllanpi nirqa: Tayta Diosmi kaynata nin: Kaymanta iskay watamanmi, Babilonia nacionpi rey Nabucodonosorpa yugonta, llapallan nacionkunapa kunkanmanta pakisaq, nispa. Chaymi profeta Jeremías pasakurqa.

Jeremías 28:16

Chayraykum Tayta Dios kaynata nisunki: Kay pachamantam chinkarachisqayki. Runakunata umachaspa ñoqapa contraypi hatarichisqaykimantam kunan wata wañunki, nispa.

Jeremías 32:31

Kay llaqtaqa hatarichisqa kasqanmantapunim llumpay piñachiwaqniy llaqta karqa. Chayraykum qayllaymanta chinkachisaq.

Jeremías 8:19

Llaqtaypa qaparisqanmi uyarikuchkan, tukuy hinastinmanta kaynata nispa waqasqankum uyarikuchkan: Tayta Diosmi Sión llaqtata saqerun, reyninpas manañam chaypiñachu, nispanku. Chaymi Tayta Diosñataq nin: ¿Imanasqataq yanqa mana valeq idolokunata yupaychaspaykichik piñachiwankichik? nispa.

Lamentaciones 2:14

Profetaykikunapas pantaykunallatam willasurqanki manam huchaykikunataqa qawachisurqankichu, mana chayqa manam preso riwaqchu karqa, aswanqa llullakunatawan mana pasaqkunallatam willasurqanki chaykunawanmi pantachisurqanki.

Daniel 4:7

Chaymi hamurqaku layqakuna, qawaqkuna, Caldea lawpi yachayniyuqkuna hinaspa qatipaqkuna-pas. Paykunamanmi imam mosqorus-qayta willarqani, ichaqa manam chay mosqoypa imam ninan willawayta atirqakuchu.

Zacarías 10:2

Idolokunapa rimasqanqa llullam, qatipaqkunapa rikusqanpas pantaymi, yanqa musqoy hinallam willakuyninkupas, yanqa rimayllam sonqo tiyachita rimasqankupas. Chayraykum runakunaqa, mana michiqniyuq ovejakuna hina llutanpi purispa michiqninku mana kaptin ñakarichkanku.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Deuteronomio 18:10

Yanqañataq churikichikta kañaspa sacrificawaqchik. Qamkuna ukupiqa amam kanqachu qatipaqkunapas, qawaqkunapas, layqakunapas,