Jeremías 26:8 - CHUYA QELLQA La Biblia en Quechua de Ayacucho 2012

⁸ Tayta Diospa kamachisqankunata Jeremías rimayta tukuruptinmi, llapa sacerdotekuna, profetakuna hinaspa llapallan runakuna hapiruspanku kaynata nirqaku: Wañunkipunim.

Quechua Ayacucho Bible 1987

⁸ Tayta Diospa llapallan kamachiwasqankunata rimayta tukuruptiymi sacerdotekuna, Diosmanta willakuqkuna hinaspa llapallan runakuna hapiruwaspa niwarqa: —Wañunkipunim.

Chuya Qellqa 1992

⁸ Tayta Diospa kamachisqankunata Jeremías rimayta tukuruptinmi, llapa sacerdotekuna, profetakuna hinaspa llapallan runakuna hapiruspanku kaynata nirqaku: Wañunkipunim.

Jeremías 26:8 Iomraidhean Croise

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Jeremías 1:19

Contraykipi peleaspankupas manam vencesunkichu, ñoqam qanwan kachkani libranaypaq, ñoqa Tayta Diosmi chaynata niki, nispa.

Jeremías 18:18

Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Jeremías 18:23

Dios Taytalláy, qamqa yachankim wañuchiwanankupaq tukuy ima rimanakusqankutapas, mana allinkunata ruwaspa qayllaykipi huchallikusqankutaqa amayá pampachaychu, qayllaykimanta paykunata wichichiy, piñakuynikiwan castigay.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 32:3

Judá nacionpa reynin Sedequiasmi Jeremiasta presocharachirqa, kaynata nispa profetizasqanmanta: Tayta Diosmi kaynata nin: Kay llaqtatam Babilonia nacionpa reyninman qoykusaq.

Jeremías 43:1

Yupaychasqanku Tayta Diospa tukuy ima nimusqanta llapa runakunaman Jeremías willayta tukuruptinmi,

Amós 7:10

Hinaptinmi Bet-elpi kaq sacerdote Amasías, Israelpa reynin Jeroboamman willachimurqa kaynata: Amosmi contraykipi hatarirun. Israelpi runakunaqa manam tukuy ima rimasqanta aguantayta atinmankuchu.

Mateo 22:6

Wakinñataqmi reypa serviqninkunata hapiruspanku maqaparuspa wañu-rachirqaku.

Mateo 27:20

Sacerdotekunapa kamachiqninku-nawan ancianokunam llapa runakuna-ta umacharqaku kaynata mañakunankupaq, Barrabasta kacharispa Jesustañataq wañuchinanpaq.

Hechos 5:33

Chaymi kamachikuqkuna kaykunata uyariruspanku llumpayta piñakururqaku, hinaspam wañurachinankupaq rimanakurqaku.

Hechos 7:52

¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik.

Apocalipsis 18:24

Chay llaqtaqa huchayuqmi kachkan: Profetakunapa yawarnin chaqchusqanmanta, Diosllapaqña kawsaqkunapa yawarnin chaqchusqanmanta, kay pachapi llapallan wañuchisqakunapa yawarnin chaqchusqanmanta, nispa.