Jeremías 26:21 - CHUYA QELLQA La Biblia en Quechua de Ayacucho 2012

²¹ Hinaptinmi rey Joacimñataq llapa tropankunapa capitanninkunawan hinaspa llapa kamachikuqkunawan kuska, Uriaspa nisqanta uyariruspanku wañurachiyta munarqaku. Ichaqa Uriasmi mancharikuspan Egipto nacionman lluptikurqa.

Quechua Ayacucho Bible 1987

²¹ Hinaptinmi Rey Joacimñataq llapa tropakunapa jefenkunapiwan hinaspa llapa kamachikuqkunapiwan Uriaspa nisqanta uyariruspanku wañurachiyta munarqaku. Ichaqa Uriasmi mancharikuspan Egipto nacionman lluptirurqa.

Chuya Qellqa 1992

²¹ Hinaptinmi rey Joacimñataq llapa tropankunapa capitanninkunawan hinaspa llapa kamachikuqkunawan kuska, Uriaspa nisqanta uyariruspanku wañurachiyta munarqaku. Ichaqa Uriasmi mancharikuspan Egipto nacionman lluptikurqa.

Jeremías 26:21 Iomraidhean Croise

1~Reyes 18:10

Tayta Diosraykum jurani, reyniyqa tukuy hinastinpim qamta maskachimusurqanki, chaymi llapallanku nirqaku: “Manam kaypichu”, nispanku, hinaptinmi nacionkunapi mana tarisusqaykimanta runakunata jurachirqa.

2~Crónicas 16:10

Chayta uyariykuspanmi rey Asaqa llumpayta piñakuruspan profeta Hana-nita carcelarachirqa, payqa chay willa-kusqanwanmi llumpayta piñakururqa. Chay tiempokunapim rey Asa wakin runakunatapas llumpayta ñakarichirqa.

2~Crónicas 24:21

Ichaqa llapa runakunam Zacariaspa contranpi hatarirurqaku, hinaspankum reypa kamachisqanman hina rumiwan chamqaspa Tayta Diospa templonpa pationpi wañurachirqaku.

Proverbios 29:25

Runapa manchakuyninqa trampa hina wichichiqninmi, Diospi hapipakuq runam ichaqa hawka kawsakunqa.

Jeremías 26:10

Judá nacionpi kamachikuqkunañataqmi, chaykunata yacharuspanku, reypa palacionmanta temploman rirqaku, hinaspam “Musoq Punku” nispa sutichasqanku punkupi juzgawanankupaq tiyaykurqaku.

Jeremías 36:26

Aswanmi reyqa kamachirqa Hamelecpa churin Jerameeltawan, Azrielpa churin Seraiasta hinaspa Abdeelpa churin Selemiasta, chaynapi secretario Baructawan profeta Jeremiasta presochamunankupaq, ichaqa Tayta Diosmi paykunata pakarurqa.

Jeremías 38:4

Hinaptinmi reyta llapa kamachikuqkuna nirqaku: Kay runataqa wañurachisun, payqa rimasqankunawanmi kay llaqtapi puchuq soldadokunatawan llapa runakunata hukmanyachichkan. Kay runaqa manam llaqtapa hawkayaynintachu maskachkan aswanqa mana allinnintam, nispa.

Mateo 10:23

Sichum hukkaqnin llaqtapi qatikachasuptikichikqa huklaw llaqtaman ayqekuychik. Cheqaptapunim nikichik, runapa Churinqa hamunqa Israelpi llaqtan-llaqtan puriyta manaraq tukuchkaptikichikmi.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Mateo 10:39

Pipas vidanta salvay munaqqa wañurunqam, pipas ñoqarayku wañuqmi ichaqa kawsanqa.

Mateo 14:5

Chayraykum Herodesqa Juanta wañurachiyta munarqa, ichaqa runakunatam manchakurqa, Juanta profetapaq hapisqankurayku.

Marcos 6:19

Chayraykum Herodías warmiqa Juanta cheqnikuruspan wañurachiyta munarqa, ichaqa manam atirqachu,