Jeremías 26:15 - CHUYA QELLQA La Biblia en Quechua de Ayacucho 2012

¹⁵ Ichaqa kaytayá yachaychik: Wañuchiwaspaykichikqa, llapallaykichikmi inocente runata wañuchisqaykichikmanta huchayuq kankichik. Cheqaptapunipas ñoqataqa Tayta Diosmi kachamuwarqa, uyarisqaykichik palabrakunata qamkunaman ninaypaq, nispa.

Quechua Ayacucho Bible 1987

¹⁵ Chaywanpas kaytayá yachaychik: wañuchiwaspaykichikqa inocente runatam wañuchinkichik hinaptinqa, kay llaqtapi runakunawan kuskam huchayoq kankichik. Cheqaptapunipas ñoqataqa Tayta Diosmi qamkunaman kachamuwarqa llapa uyarisqaykichikkunata rimanaypaq —nispa.

Chuya Qellqa 1992

¹⁵ Ichaqa kaytayá yachaychik: Wañuchiwaspaykichikqa, llapallaykichikmi inocente runata wañuchisqaykichikmanta huchayuq kankichik. Cheqaptapunipas ñoqataqa Tayta Diosmi kachamuwarqa, uyarisqaykichik palabrakunata qamkunaman ninaypaq, nispa.

Jeremías 26:15 Iomraidhean Croise

Génesis 4:10

Hinaptinmi Tayta Dios nirqa: ¿Imatataq kayta ruwarunki? Wawqekipa allpaman chaqchusqayki yawarninmi justicia ruwanaypaq qaparispa qayakamuwan.

Génesis 42:22

Rubenñataqmi nirqa: Ñoqaqa nirqaykichikmi “Ama huchallikuychikchu warmapa contranpi” nispay, ichaqa manam kasuwarqankichikchu, kunanmi vidanmanta ñakarichkanchik, nispa.

2~Reyes 24:4

chaynataq Jerusalén llaqtapipas mana huchayuq runakunapa yawarnin chaqchusqanmantam. Chayraykum Tayta Diosqa mana pampachayta munarqachu.

2~Crónicas 24:22

Rey Joasqa, Zacariaspa taytan Joiada llakipayasqantapas manam yuyarqachu, aswanqa churin Zacariastam wañurachirqa. Zacariasmi wañuypa patanpiña kachkaspan kaynata qaparirqa: ¡Tayta Diosyá kayta qawachun, paymi cuentata mañasunki! nispa.

Proverbios 6:16

Soqta huchakunatam Tayta Dios cheqnin, qanchis kaqtañataqmi pasaypaqta millakun:

Proverbios 6:17

Hatun tukuyta, llullakuyta, mana huchayuq runa wañuchiyta,

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 2:34

Wakchakunapa, inocente runakunapa yawarninwanmi pachaykita qanracharunki, huchankuta mana tarichkaspam wañurachinki, chaywanpas ninkiraqmi:

Jeremías 22:17

Qanmi ichaqa mana allinkunata ruwaspa apuyaruyllapi richkanki; inocente runakunatam wañuchinki, llaqtaykitapas maqa-maqarispam llamkachikunki.

Jeremías 22:3

Tayta Diosmi kaynata nin: Runakunapaq allin arreglota ruwaychik, ñakariqkunata ñakarichiqninmanta libraychik; huklaw llaqtayuqkunatapas, mana tayta-mamayuqkunatapas, viudatapas ama ñakarichiychikchu nitaq uchuy-chaychikchu. Inocente runatapas aman wañuchiychikchu.

Jeremías 26:12

Hinaptinmi Jeremiasñataq llapa kamachikuqkunamanwan runakunaman nirqa: Tayta Diosmi kachamuwarqa kay templopa contranpi chaynataq kay llaqtapa contranpi rimanaypaq, chaytaqa lliwmi uyarirqankichik.

Jeremías 30:1

Jeremiastam Tayta Dios nirqa:

Jeremías 7:6

huklaw llaqtayuqkunatapas, mana tayta-mamayuqkunatapas, viudakunatapas mana ñakarichiptikichikqa, inocente runakunata kay sitiopi mana wañuchiptikichikqa, idolokunata manaña yupaychaptikichikqa,

Números 35:33

Yachasqaykichik allpataqa runa wañuchiykunawanqa amam millakuypaqtaqa ruwankichikchu, runa wañuchiyqa allpatam millakuypaqta ruwan. Chay allpaqa chuyanchasqa kanqa runa wañuchiqta wañurachiptillankum.

Mateo 26:25

Entregaqnin Judasñataqmi nirqa: Yachachikuq, ¿ñoqachu kani? nispan. Chaymi Jesusñataq nirqa: Qanmi nirunki, nispa.

Mateo 26:4

Chaypim tanteanakururqaku engañollawan Jesusta hapiruspa wañurachinankupaq.

Hechos 7:60

Hinaspanmi qonqorakuykuspan qaparirqa: Señorlláy, kay hucha ruwasqankutaqa amayá huchapaqpas hapiychu, nispa. Chaynata niruspanmi wañukurqa.

Deuteronomio 19:10

Chaynapim Señornikichik Tayta Diospa qosunaykichik allpapi mana huchayuq runakunataqa mana wañuchinkichikchu, chaynataqmi wañuq-kunamantapas mana huchayuq kankichik.

Apocalipsis 16:6

Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.