Jeremías 25:6 - CHUYA QELLQA La Biblia en Quechua de Ayacucho 2012

⁶ Llapa idolokunataqa amam qatinkichikchu, nitaqmi yupaychaychikchu. Amayá Tayta Diostaqa piñachiychikchu kiki-kichikpa ruwasqaykichik idolokunata yupaychaspaqa, chaynapi mana ima sasachakuytapas kacharimusunaykichikpaq”, nispa.

Quechua Ayacucho Bible 1987

⁶ Mana reqsisqaykichik dioskunataqa amayá qatiychikchu hinaspapas amataqyá adoraychikchu qonqoranpa pampaman kumuykuspaqa. Qamkunapa rurasqaykichik taytacha-mamachakunata adoraspaqa amayá Tayta Diostaqa piñachiychikchu chaynapi ama castigasunaykichikpaq.”

Chuya Qellqa 1992

⁶ Llapa idolokunataqa amam qatinkichikchu, nitaqmi yupaychaychikchu. Amayá Tayta Diostaqa piñachiychikchu kikikichikpa ruwasqaykichik idolokunata yupaychaspaqa, chaynapi mana ima sasachakuytapas kacharimusunaykichikpaq”, nispa.

Jeremías 25:6 Iomraidhean Croise

1~Reyes 14:22

Judá runakunam Tayta Diospa qayllanpi mana allinkunata ruwarqaku, ñawpaq taytankupa huchallikusqankumantapas aswantaraq huchallikuspankum Tayta Diosta piñachirqaku.

2~Reyes 17:35

Jacobpa mirayninkunawan pactota ruwaspanmi Tayta Dios kamachirqa: Idolokunataqa amam yupaychankichikchu, ñawpaqninpipas amam qonqorakunkichikchu nitaqmi servinki-chikchu, amataqmi sacrificiokunatapas ofrecenkichikchu.

Éxodo 20:23

Amam qorimanta qollqemanta idolokunata ruwankichikchu, ñoqata hina yupaychanaykichikpaqqa.

Éxodo 20:3

Amam ñoqamanta sapaq dioskunaqa kapusunkichu.

Jeremías 32:30

Israelpa mirayninkunawan Judapa mirayninkunaqa warma kasqankumantapunim mana allinkunata qayllaypi ruwarqaku. Israelpa mirayninkunaqa, idolokunata ruwakuspankum piñachiwarqaku. Ñoqa Tayta Diosmi chaynata nini.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 44:7

Chaynaqa, ñoqa Tukuy Atiyniyuq Tayta Diosmi nini: ¿Imanasqataq kay hatun mana allinkunata contraykichikpi ruwarunkichik? ¿Judá nacionniyuq qarikunapas, warmikunapas, warmakunapas hinaspa ñuñuq wawachakunapas pasaypaq tukurunantachu munachkankichik?

Jeremías 44:8

¿Imanasqataq kay yachasqaykichik Egipto nacionpi kikikichikpa ruwakusqaykichik idolokunaman inciensota kañapuspaykichik piñachiwachkankichik? Chaykuna ruwasqaykichikwanqa kikillaykichikmi tukusqa kankichik, hinaspam llapa nacionkunapa ñakasqan chaynataq burlakusqan kankichik.

Jeremías 7:6

huklaw llaqtayuqkunatapas, mana tayta-mamayuqkunatapas, viudakunatapas mana ñakarichiptikichikqa, inocente runakunata kay sitiopi mana wañuchiptikichikqa, idolokunata manaña yupaychaptikichikqa,

Jeremías 7:9

Suwakuchkaspa, runata wañuchichkaspa, waqllikuchkaspa, llullakuywan jurachkaspa, Baal idolokunapaq inciensota kañapuchkaspa, mana reqsisqaykichik dioskunata yupaychachkaspaqa,

Oseas 1:7

Judá naciontam ichaqa llakipayaykuspay salvaykusaq, manam flechawanchu nitaqmi espadawanchu, manam guerrawanchu nitaqmi caballokunawanchu, manam caballopi silladakunawanchu, aswanqa Diosninku kasqayraykum, nispa.

Deuteronomio 13:2

chay milagro otaq admirakuypaq kaqpas cumplikuruptinñataq nisunkichikman: “Haku idolokunataña yupaychamusunchik” nispa,

Deuteronomio 28:14

Chayna kanaykichikpaqqa kunan kamachisqaykunamantayá ama karunchakunkichikchu, amataq huk dioskunatapas yupaychankichikchu.

Deuteronomio 6:14

Muyuriqnikichik nacionkunapi runakunapa yupaychasqanku idolokunataqa amam qatinkichikchu.

Deuteronomio 8:19

Sichum Señornikichik Tayta Diosta qonqaruspa, idolokunataña qatispa yupaychaptikichikqa ñoqam kunan nikichik, cheqaptapunim chinkachisqa kankichik.

Josué 24:20

Sichum Tayta Diosta saqeruspa idolokunataña serviptikichikqa contraykichikpi kaspanmi castigasunkichik, hinaspam qamkunapaq allinkunata ruwachkaspapas chinkarachisunkichik, nispa.