Jeremías 25:38 - CHUYA QELLQA La Biblia en Quechua de Ayacucho 2012

³⁸ Machayninmanta lloqsimuq león hinaraqmi lloqsiramun, paykunapa llaqtankum purmasqa qeparun, Tayta Diospa piñakuyninmi nina hinaraq ratarirun, manchakuypaq guerratam paykunaman kachaykamun.

Quechua Ayacucho Bible 1987

³⁸ Machayninmanta lloqsimuq leon hinaraqmi lloqsiramun. Paykunapa nacionnintam purmarachin. Manchakuypaq guerratam hatarirachimun. Ninata hinam piñakuyninta ratarirachin.

Chuya Qellqa 1992

³⁸ Machayninmanta lloqsimuq león hinaraqmi lloqsiramun, paykunapa llaqtankum purmasqa qeparun, Tayta Diospa piñakuyninmi nina hinaraq ratarirun, manchakuypaq guerratam paykunaman kachaykamun.

Jeremías 25:38 Iomraidhean Croise

Jeremías 12:10

Achka michiqkunam uvas huertayta purmarachinku, chakraytam saruparunku. Ancha kuyasqay allpaytam manaña imayuq kanankama chunnirachinku.

Jeremías 12:13

Trigota tarpuspankupas, kichkatam cosecharqaku; yanqapaqmi llamkasqankupas. Ñoqapa sinchi piñakuyniyraykum cosechankupas yanqapaq kanqa.

Jeremías 25:11

Kay nacionmi pasaypaq tuñichisqa kaspa chunninqa. Kay nacionkunaqa Babilonia nacionpa reynintañam qanchis chunka wata servinqaku.

Jeremías 25:30

Jeremías, paykunapa contranpiyá kay nisqaykunata kaynata willamuy: Altomantam Tayta Dios qaparimun, hanaq pachapi tiyananmantam qaparimun. Runankunapa contranpim qaparin, uvas saruq hinaraqmi kay pachapi runakunapa contranpi qaparin.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 49:19

Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 50:16

Babiloniapiqa tarpuqtapas cosechaqtapas lliwta wañuchiychik. Guerrata qawaykuspankum huklaw nacionniyuqkunapas, sapakama maymi kasqanku nacionman lluptikunqaku.

Jeremías 50:44

Jordán mayupa patan montemanta pastokunapa kasqanman lloqsiq león hinam, qonqaymanta lloqsiruspay Babilonia runakunata lluptirachisaq. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqawan churanakunman?

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Oseas 5:14

Efrainmanmi león hina pawaykusaq; Judamanñataqmi uña león hina pawaykusaq. Kikiypunim paykunata llikiparusaq; simiypi aparikuptiyqa manam pipas librayta atinqachu.

Amós 8:8

¿Manachum chayrayku allpapas kuyurinqa? ¿Manachum chaypi yachaq llapa runakuna waqanqaku? Mayu hinaraqmi llimparinqa, llimparispanmi Egiptopi mayu hinaraq yawyarinqa.

Zacarías 2:3

Rimapayawaqniy ángel pasakuchkaptinmi, huk angelñataq taripaykamuspan