Jeremías 25:34 - CHUYA QELLQA La Biblia en Quechua de Ayacucho 2012

³⁴ Michiqkuna nanaywan qaparispa waqaychik, llaqtay michiqkuna allpapi kuchpaykachakuychik, Nakasqa kanaykichik punchawmi chayaramun, poqosqa carnerokuna hinam nakachikunkichik; kuyayllapaq vaso hinam pakikunkichik.

Quechua Ayacucho Bible 1987

³⁴ Michiqkuna, qamkunaqa qapariychikyá. Michiqkuna, qamkunaqa waqaychikyá. Runay pusaqkuna, allpapiyá kuchpaykachakuychik. Nakasqa kanaykichikpaq punchawmi chayamuchkanña. Kuyayllapaq vaso hina pakisqa kanaykichikmi chayamuchkanña.

Chuya Qellqa 1992

³⁴ Michiqkuna nanaywan qaparispa waqaychik, llaqtay michiqkuna allpapi kuchpaykachakuychik, Nakasqa kanaykichik punchawmi chayaramun, poqosqa carnerokuna hinam nakachikunkichik; kuyayllapaq vaso hinam pakikunkichik.

Jeremías 25:34 Iomraidhean Croise

2~Crónicas 36:10

Musoq wata chayaramuptinmi rey Joaquinta Babilonia llaqtaman rey Nabucodonosor presota apachirqa, paywan kuskatam apachirqa Tayta Diospa templonpi qorimanta qollqemanta serviciokunatapas; paypa rantinpim wawqen Sedequiastaña Judá nacionpi hinaspa Jerusalenpi munaychakunanpaq churarurqa.

Isaías 10:12

Tayta Diosñataqmi Sión moqopi hinaspa Jerusalén llaqtapi ruway munasqankunata tukuruspan, Asiria nacionpa reyninta, hatun tukuq kayninwan ruwasqanmanta, alabakuspa, hatunchakuspa ruwasqanmanta castiganqa.

Isaías 2:16

Tarsis lawpi barcokuna hinaña kaptinkupas, sumaq kuyayllapaq barcokuna hinaña kaptinkupas.

Isaías 30:14

Wichiykamuspam puyñu hina pakikunqa, mana kuyapayarispa pakipasqam kanqa. Chaymanta puchuq kallanaqa nina sansata hoqarinallankupaqpas manam servinqachu, pozomanta yakuta wisinallankupaqpas manam valenqachu, nispa.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Isaías 34:6

Tayta Diospa espadanmi yawarwan chaynataq wirawan chapukunqa, chapukunqaqa imaynam malta carnerokunata chaynataq cabrakunatapas sacrificiopaq nakasqankupi hinam. Señormi Bosra llaqtapi sacrificiota ruwanqa, Edom llaqtapiñataqmi nana-nanaqta wañuchinqa.

Isaías 34:7

Monte torokuna kaqllam, malta torokunawan poqosqa torokuna kaqllam wañunqaku. Allpankum yawarwan nuyuy-nuyuy kanqa, allpapas wirawan chapukuspam wiswirinqa.

Jeremías 18:22

Suwakunata qonqaymanta paykunaman kachaykuy, wasinkupipas manchakuymanta qaparichunku. Paykunaqa wichichiwanankupaqmi uchkuta toqorurqaku, purinaymanmi trampata churarurqaku.

Jeremías 22:28

Jeconiasqa ¿manaña pipapas munanan pakisqa aysaku hinachu rikurirun? ¿Mana imapaq valeq kallana hinachu rikurirun? ¿Imanasqataq paytapas chaynataq churinkunatapas mana reqsisqanku nacionman qarqorunku?

Jeremías 23:1

Tayta Diosmi kaynata nin: ¡Ay, imaynaraq kanqaku ovejaykunata chinkarachiq michiqkuna! ¡Ay, imaynaraq kanqaku ovejaykunata cheqerachiq michiqkuna! nispa.

Jeremías 25:12

Qanchis chunka wata pasaruptinmi, Babilonia nacionpa reynintawan Caldea nacionniyuq runakunata, mana allinkuna ruwasqankumanta puchukarachisaq. Ñoqa Tayta Diosmi chaynata nini.

Jeremías 25:23

Upyachirqanitaqmi Dedanpa, Temanpa, Buzpa chaynataq rinrinkupa ñawpaqnin lawpi kaq chukchanku rutukuqkunamanpas;

Jeremías 25:36

Michiqkunam qaparkachanku, llaqtay michiqkunam nanaywan qaparinku, michinanku pastokunatam Tayta Dios chinkarachin.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Jeremías 3:19

Ñoqam tapukurqani: ¿Imaynataq churiypaq hapikichikman hinaspa kay pachapi aswan allinnin allpataraq qoykichikman? nispay. Ñoqam piensarqani, Taytalláy niwaspaykichik mana haykapipas ñoqamanta rakikunaykichikta.

Jeremías 48:26

Tayta Diospa contranpi hatarisqanmanta Moab nacionta sinkachiychik, chaynapim Moabqa kutichisqanpipas qochpanqa hinaptinmi llapallanku asipayanqaku.

Jeremías 48:38

Moab naciontam ñutuparuni, mana valeq allpa mankata hinam pakiparuni; chayraykum Moab nacionpa altosninkunapipas, llapallan callenkunapipas, waqayllaña uyarikuchkan.

Jeremías 50:27

Soldadonkunata wañuchiychik, nakana wasiman pusaychik. ¡Ay, imaynaraq kanqaku, castigasqa kananku punchawmi chayaramunña!

Jeremías 6:26

¡Llaqtamasillaykuna, qachqa pachawan churakuychik, uchpapiyá qochpaychik! ¡Sapallan wawan wañukuptin waqaq warmi hinayá qaparkachaychik! Tuñichiqninchikmi chayaramunña.

Lamentaciones 4:21

Edom nacionpi kaqkuna, asikuychik; Uz lawpi yachaqkuna, kusikuychik. Qanmanpas tomanayki copam chayamunqa, sinkaruspa qalalla kanaykikamam chayamunqa.

Ezequiel 34:20

Chayraykum ñoqa Tayta Dios kaynata nikichik: Ñoqam wira ovejakunatawan tulluyasqa ovejakunata allin arreglota ruwasaq.

Daniel 11:8

Venceruspanmi diosninkunatapas, qori-qollqemanta alhajankunatapas Egipto nacionman apakunqa, hinaspam norte lawpi kaq reyta unay watakuna hawkallata saqeykunqa.

Oseas 8:8

¡Israelmi mikusqa rikurirun! Llapa nacionkunam mana valeqpaq qawaspanku paymanta asikunqaku.

Amós 5:11

Chaynaqa, wakchakunata yanqamanta tumpaspa impuestota trigonpi chaskikusqaykichikraykum, labrasqa rumikunawan wasikuna ruwasqaykichikpipas mana yachankichikchu, manataqmi uvas plantasqaykichikpa rurunmanta vinotapas tomankichikchu.

Zacarías 10:3

Chayraykum Tayta Dios kaynata nin: Michiqkunapa contranpim sinchita piñakuruni, llaqtay nanachikuq runakunatam castigasaq. Tukuy Atiyniyuq Tayta Diosmi, Judapa mirayninkunata ovejankunata hina waqaychaqmi, paykunata guerrapaq kallpasapa caballonta hina ruwanqa.

Zacarías 11:3

Michinanku pastokuna chinkarusqanraykum michiqkuna qapariyllawanña waqachkanku, Jordanpa sumaqllaña saqñunkuna tukurusqanraykum leonkuna qaparkachachkanku.

Santiago 5:5

Kay pachapi kawsaspaykichikmi aychaykichik kusichiypi, sonqoykichikpa munasqanpi purirqankichik, nakanapaq wirayachisqa ganado hinaraqmi poqorunkichik.