Jeremías 25:29 - CHUYA QELLQA La Biblia en Quechua de Ayacucho 2012

²⁹ Sapaqchakusqay llaqtamanmi castigoy kachariyta qallaykusaq, ¿chaychu qamkunañataq mana castigasqa qeparuwaqchik? castigoymantaqa manam lluptinkichikchu. Kay pachapi llapallan nacionkunamanmi guerrata kacharimusaq. Ñoqa Tukuy Atiyniyuq Tayta Diosmi chaynata nini.

Quechua Ayacucho Bible 1987

²⁹ Llapallan Kamachiq Tayta Diosmi nini: Ñoqapaq sapaqchasqa llaqtata castigayta qallarichkaptiyqa ¿qamkunañataqchu mana castigasqa kawaqchik? Castigasqapunim qamkunapas kankichik. Kay pachapi llapallan *f**yachaq runakunapa contranpim guerrata hatarichimuchkani —nispa.

Chuya Qellqa 1992

²⁹ Sapaqchakusqay llaqtamanmi castigoy kachariyta qallaykusaq, ¿chaychu qamkunañataq mana castigasqa qeparuwaqchik? castigoymantaqa manam lluptinkichikchu. Kay pachapi llapallan nacionkunamanmi guerrata kacharimusaq. Ñoqa Tukuy Atiyniyuq Tayta Diosmi chaynata nini.

Jeremías 25:29 Iomraidhean Croise

1~Reyes 8:43

hanaq pachapi wasikimanta uyariykamuy, hinaspayá chay runapa mañakususqaykiman hina ruwaykuy, chaynapi kay pachapi llapallan runakuna sutikita reqsispanku Israel runaykikuna hina manchakusunaykipaq, chaynapim kay ruwachipusqay templopi sutiki hatunchasqa kasqanta yachanqaku.

Proverbios 11:21

Mana allin runaqa castigasqapunim kanqa, allin kawsakuqmi ichaqa librasqa kanqa.

Proverbios 11:31

Allin kawsakuq runa pagonta kay pachallapiraq chaskiptinqa, aswanraqmi mana allin runawan huchasapapas pagonkutaqa chaskinqaku.

Proverbios 17:5

Wakcha runamanta burlakuq runaqa unanchaqninpa contranpim hatarin, sasachakuypi tarikuqmanta asikuqqa castigachikunqapunim.

Isaías 10:12

Tayta Diosñataqmi Sión moqopi hinaspa Jerusalén llaqtapi ruway munasqankunata tukuruspan, Asiria nacionpa reyninta, hatun tukuq kayninwan ruwasqanmanta, alabakuspa, hatunchakuspa ruwasqanmanta castiganqa.

Jeremías 13:13

Chaymi qamñataq ninki: Ñoqa Tayta Diosmi kaynata nini: Kay nacionpi yachaqkunatam pasaypaqta sinkarachisaq. Sinkachisaqtaqmi rey Davidpa mirayninmanta kamachikuqkunatapas, sacerdotekunatapas, profetakunatapas hinaspa Jerusalén llaqtapi yachaqkunatapas.

Jeremías 19:3

kaynata nimunki: Judá nacionpi reykuna, Jerusalén llaqtapi yachaqkuna, Tukuy Atiyniyuq Tayta Diospa nisqanta uyariychik: Israelpa yupaychasqan Tayta Diosmi kayna nin: Kay sitiopa contranpim hatun castigota kacharimusaq, pipas chayta uyariqkunaqa muspaypi hinaraqmi rikurinqaku.

Jeremías 30:11

Ñoqa Tayta Diosmi nini: Qanwanmi kachkani salvanaypaq, preso kasqayki nacionkunatapas llapallantam purmarachisaq, qamtam ichaqa mana purmachisqaykichu, chaywanpas huchaykimantaqa castigasqaykipunim.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Jeremías 49:12

Ñoqa Tayta Diosmi kaynata nini: Mana castiganaypaq kaq nacionkunata castigachkaptiyqa, qamqa manam imaraykupas chay castigomanta lluptinkichu, aswanqa castigasqapunim kanki.

Ezequiel 14:17

Sichum chay nacionman guerrata kachaykuptiy runakunapas animalpas wañurunman,

Ezequiel 14:21

Chayraykum ñoqa Tayta Dios kaynata nini: Aswanraqmi kanqa Jerusalén llaqtaman manchakuypaq tawa castigoykunata kachaykamuptiyqa. Kay tawa castigoykunam kaykuna: Guerra, yarqay, runa mikuq animalkuna hinaspa peste onqoy. Chaykunam runakunata hinaspa animalkunatapas wañuchinqaku.

Ezequiel 38:21

Ñoqa Tayta Diosmi kaynata nini: Gogpa contranpim llapa orqokunapi guerrata hatarichisaq, soldadonkunam kikinkupura wañuchinakunqaku.

Ezequiel 9:6

Ama hukllatapas puchuykuspam yuyaqkunatapas, jovenkunatapas, sipaskunatapas, wawakunatapas hinaspa warmikunatapas wañuchimunkichik; urkunpi señalniyuq kaqkunatam ichaqa ama imanankichikchu. Temploypi kaqkunamantam wañuchiytaqa qallaykunkichik, nispa. Chaymi templopa ñawpaqninpi kaq ancianokunamanta wañuchiyta qallay-kurqaku.

Abdías 1:16

Imaynam sapaqchakusqay orqopi llaqtay ñakarirqa, chaynam llapa nacionkunapas mana samaykuspa ñakarinqaku, ñakariyninkuta millpuypaq-millpuspam pasaypaqta chinkarunqaku.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Lucas 23:31

Sichum verde sachapi kaykunata ruwaspankuqa, ¿chaki sachapiqa imatachiki mana ruwanqakuchu? nispa.

1~Pedro 4:17

Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa?