Jeremías 25:27 - CHUYA QELLQA La Biblia en Quechua de Ayacucho 2012

²⁷ Israelpa yupaychasqan Tukuy Atiyniyuq Tayta Diosmi paykunaman kaynata ninaypaq niwarqa: Upyaychik macharuspa kutichinaykichikkama, pampaman wichiykuspa manaña hatariy atinaykichikkama, contraykichikpi guerrata kacharimusqayrayku.

Quechua Ayacucho Bible 1987

²⁷ Israelpa yupaychasqan Llapallan Kamachiq Tayta Diosmi paykunaman ninaypaq kaynata niwarqa: —Chay vasomantayá upyaychik machanaykichikkama, vomitanaykichikkama chaynataq urmaspa manaña hatarinaykichikkama. Contraykichikpim guerrata hararichimusaq.

Chuya Qellqa 1992

²⁷ Israelpa yupaychasqan Tukuy Atiyniyuq Tayta Diosmi paykunaman kaynata ninaypaq niwarqa: Upyaychik macharuspa kutichinaykichikkama, pampaman wichiykuspa manaña hatariy atinaykichikkama, contraykichikpi guerrata kacharimusqayrayku.

Jeremías 25:27 Iomraidhean Croise

Isaías 51:21

Chaynaqa, ñakariypa intusqan llaqta, mana vinollawan macharuq llaqta, kayta uyariy;

Isaías 63:6

Piñakuywanmi llaqtakunatapas saruparqani, rabiakuyniywanmi paykunataqa sinkachirqani, yawarninkutapas pampamanmi chaqchurqani.

Jeremías 12:12

Tukuy chunniq orqonkunatam tuñichikuq runakuna hamurqaku, Ñoqa Tayta Diosmi kay pachata kuchun-kuchun tukusaq, manam pipaqpas hawkayay kanqachu.

Jeremías 13:13

Chaymi qamñataq ninki: Ñoqa Tayta Diosmi kaynata nini: Kay nacionpi yachaqkunatam pasaypaqta sinkarachisaq. Sinkachisaqtaqmi rey Davidpa mirayninmanta kamachikuqkunatapas, sacerdotekunatapas, profetakunatapas hinaspa Jerusalén llaqtapi yachaqkunatapas.

Jeremías 22:10

Rey Josiaspa wañusqanmantaqa amaña waqaychikchu, waqaychikqa rey Salum preso apasqa kasqanmantayá, payqa manañam haykapipas kutimunqañachu, nacesqan allpatapas manañam rikunqañachu.

Jeremías 25:16

Chay vasomanta upyaspankum katkatatanqaku, paykunapa contranpi guerrata kacharisqayraykum locoyanqaku, nispa.

Jeremías 46:10

Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Jeremías 46:14

Egiptopi willakamuychik. Migdol, Menfis hinaspa Tafnes llaqtakunaman kaynata nimuychik: ¡Puestoykichikpi listolla kaychik! ¡Espadam muyuriqnikichikpi wañuchichkan! nispaykichik.

Jeremías 50:35

Ñoqa Tayta Diosmi kaynata nini: Caldea runakunapa contranpi peleamuychik, Babilonia nacionpa contranpi peleamuychik, kamachiqninkunapa contranpi peleamuychik, yachaysapankunapa contranpi peleamuychik.

Jeremías 51:39

Rupaypi yakunayachikuptinkum machachiqninkuta upyachisaq, muspaypi hinaña kanankukamam upyachisaq, chaynapim wiñaypaq manaña rikchanankukama puñurunqaku. Ñoqa Tayta Diosmi chaynata nini.

Jeremías 51:57

Ñoqam machachisaq Babiloniapa kamachiqninkunata, yachaysapa runankunata, ancha reqsisqa runankunata, gobernadorninkunata hinaspa soldadonkunata. Paykunataqa wiñaypaq manaña rikchanankukamam puñurachisaq. Tukuy Atiyniyuq Tayta Diosmi chaynata nin.

Lamentaciones 4:21

Edom nacionpi kaqkuna, asikuychik; Uz lawpi yachaqkuna, kusikuychik. Qanmanpas tomanayki copam chayamunqa, sinkaruspa qalalla kanaykikamam chayamunqa.

Amós 8:14

Samariapa idolonkunarayku juraqkunapas, Danpa chaynataq Beersebapa idolonkunarayku juraqkunapas lliwmi wichinqaku, manañam haykapipas hatarinqakuñachu.

Nahúm 3:11

Nínive llaqta, manchakuymantam sinka hina katkatatanki, pantaypi tarikuspam enemigoykimanta pakakunki.

Habacuc 2:16

Alabasqa kanaykimantam penqaypi kanki, Diospunim sinkachisuspayki qampatapas penqaynikita qawachinqa, hinaspam reqsisqa kaynikitapas pasaypaq penqayman tikranqa.

Deuteronomio 32:42

Flechaykunatam yawarwan sinkarachisaq, espadaymi aychata mikukunqa; wañuqkunapa, presokunapa yawarninta chapuparusaq, capitankunapa umantam mikukunqa”, nispa.

Apocalipsis 14:10

Diospa piñakuynin vinotam paypas upyanqa. Chay piñakuyninqa mana chaqrusqa vino hinam kachkan Diospa piñakuynin sutiyuq vasopi. Chay upyaqkunaqa ninapiwan azufrepim Corderopa qayllanpi hinaspa chuya angelkunapa qayllanpi ñakarichisqa kanqaku.