Jeremías 25:15 - CHUYA QELLQA La Biblia en Quechua de Ayacucho 2012

¹⁵ Israelpa yupaychasqan Tayta Diosmi kaynata niwarqa: Vinowan hina piñakuyniywan huntasqa vasota chaskiwaspaykiyá kachasqay nacionkunaman upyachimuy.

Quechua Ayacucho Bible 1987

¹⁵ Israelpa yupaychasqan Tayta Diosmi kaynata niwarqa: —Vinowan huntasqa hina piñakuyniy vasota chaskiwaspaykiyá kachasqay llapallan nacionkunaman upyachimuy.

Chuya Qellqa 1992

¹⁵ Israelpa yupaychasqan Tayta Diosmi kaynata niwarqa: Vinowan hina piñakuyniywan huntasqa vasota chaskiwaspaykiyá kachasqay nacionkunaman upyachimuy.

Jeremías 25:15 Iomraidhean Croise

Jobwan Sutichasqa Libro 21:20

Kikin huchallikuqmi Tukuy Atiyniyuqpa makinmanta castigontaqa chaskinqa.

Isaías 14:26

Llapallan allpa pachapa contranpim kaynata tantearuni. Llapallan llaqtakunata puchukachinaypaqmi makiyta haywarini.

Isaías 34:2

Tayta Diosmi llapa nacionkunapaq chaynataq tropankunapaqpas piñasqa kachkan, wañuchispa chinkachisqa kanankupaqmi payqa hapiykachin.

Isaías 51:17

¡Jerusalén llaqta rikchariy, rikcharispa hatariy! Qanmi Tayta Diospa makinmanta piñakuynin copata chaskirunki, sinkanaykikamam upyarunki, tukunaykikamam vasopi kaqta tomarunki.

Isaías 51:22

Dios Taytaykim, llaqtanmanta nanachikuq Diosnikim kaynata nin: Tankikachachisuqniki copatam makikimanta qechusqayki, machanaykipaq upyasqayki piñakuyniy vasotam qechusqayki, manañam piñakuyniy vasomantaqa upyankiñachu.

Isaías 51:23

Aswanqa ñakarichisuqniki nacionkunamanmi chay vasomanta tomachisaq; paykunam nisuq kanki: “Hawaykita purinaykupaq pakchakuy”, nispanku. Chaymi allpata hina sarupasunaykipaq, ñanta hinam wasaykita pampaman churarqanki.

Jeremías 1:5

Mamaykipa wiksanpi manaraqpas unanchachkaspaymi reqsirqaykiña, manaraqpas nacechkaptikim qamtaqa sapaqcharqaykiña; nacionkunapa profetan kanaykipaqmi akllarqaykiña.

Jeremías 36:2

Josías rey kasqanmanta kunan punchawkama Israelpa, Judapa chaynataq lliw nacionkunapa contranpi nisqayta rollopi qellqay.

Jeremías 43:11

Hamuspanmi Egipto nacionta atacanqa, hinaptinmi peste onqoypaq kaqkuna peste onqoywan wañunqaku, preso rinanpaq kaqkunam preso rinqaku, guerrapi wañunanpaq kaqkunam guerrapi wañunqaku.

Jeremías 45:5

¿Chaychu qamñataq admirakuypaq kaqkunataraq maskachkanki? Ama maskayñachu. Llapallan runakunamanmi sasachakuykunata kacharimusaq. Qanmi ichaqa maymanña rispaykipas kawsankiraq. Ñoqa tayta Diosmi chaynata nini.

Jeremías 46:1

Nacionkunapa contranpim profeta Jeremiasman Tayta Dios kaynata nirqa.

Jeremías 48:26

Tayta Diospa contranpi hatarisqanmanta Moab nacionta sinkachiychik, chaynapim Moabqa kutichisqanpipas qochpanqa hinaptinmi llapallanku asipayanqaku.

Jeremías 49:12

Ñoqa Tayta Diosmi kaynata nini: Mana castiganaypaq kaq nacionkunata castigachkaptiyqa, qamqa manam imaraykupas chay castigomanta lluptinkichu, aswanqa castigasqapunim kanki.

Jeremías 51:7

Babilonia nacionqa qorimanta vaso hinam makiypi karqa, llapallan nacionkunatam sinkachirqa. Llapa nacionkunam chay vasomanta upyaspanku muspaypi hinaña karqaku.

Ezequiel 23:32

Ñoqa Tayta Diosmi kaynata nini: Ñañaykipa upyasqan llimparichkaq hatun vasomantam qamtapas upyachisqayki, chay vasom nacionkunapa burlakuyninwan hinaspa asipayakuyninwan llimparichkan.

Ezequiel 23:33

Tuñichisqa hinaspa purmachisqa kaypa huntasqan vasowanmi pasaypaq machasqa hinaspa nanaypa huntasqan kanki, chay vasoqa ñañayki Samariapa vasonmi.

Ezequiel 29:12

Egipto naciontam chunniq allpakunamantapas aswan chunniqtaraq ruwasaq, llaqtankunatapas purmasqa llaqtakunamantapas aswan purmasqataraqmi ruwasaq, tawa chunka watapunim purmanqa. Egipto naciontam tukuy hinastin llaqtakunaman hinaspa nacionkunaman cheqechisaq.

Ezequiel 36:5

Ñoqaqa cheqaptapunim llapa nacionkunapa contranpi piñakuruni, Edompaqmi mastaqa piñasqa kachkani. Paykunaqa kusikuywan hinaspa hatun despreciowanraqmi allpayta hapikuykuspanku chakraykunatapas saquearqaku.

Abdías 1:16

Imaynam sapaqchakusqay orqopi llaqtay ñakarirqa, chaynam llapa nacionkunapas mana samaykuspa ñakarinqaku, ñakariyninkuta millpuypaq-millpuspam pasaypaqta chinkarunqaku.

Habacuc 2:16

Alabasqa kanaykimantam penqaypi kanki, Diospunim sinkachisuspayki qampatapas penqaynikita qawachinqa, hinaspam reqsisqa kaynikitapas pasaypaq penqayman tikranqa.

Apocalipsis 14:10

Diospa piñakuynin vinotam paypas upyanqa. Chay piñakuyninqa mana chaqrusqa vino hinam kachkan Diospa piñakuynin sutiyuq vasopi. Chay upyaqkunaqa ninapiwan azufrepim Corderopa qayllanpi hinaspa chuya angelkunapa qayllanpi ñakarichisqa kanqaku.

Apocalipsis 14:19

Hinaptinmi rutunanwan chay ángel kay pachapi uvaskunata rutururqa, hinaspam uvas saruna pozoman huntarachirqa. Chay pozoqa karqa Diospa piñakuynin sutiyuq pozom.